ജനിതകമാറ്റം വന്ന കൊറോണ പിടിപെട്ടവരുടെ എണ്ണം ഇന്ത്യയിൽ 109 ആയെന്ന് ആരോ​ഗ്യമന്ത്രാലയം

ബ്രിട്ടനിൽ കണ്ടെത്തിയ അതിവ്യാപനശേഷിയുള്ള ജനിതകമാറ്റം വന്ന കൊറോണ വൈറസ് ഇന്ത്യയിൽ ഇതുവരെ സ്ഥിരീകരിച്ചത് 109 പേർക്ക്. കേന്ദ്ര ആരോ​ഗ്യമന്ത്രാലയമാണ് ഇതുസംബന്ധിച്ച വിശദീകരണം നൽകിയത്. ഇന്ന് 7 പേർക്ക് കൂടി ജനിതകമാറ്റം വന്ന വൈറസ് ബാധിച്ചതോടെയാണ് എണ്ണം ഉയർന്നത്.

ജനുവരി 11 വരെ ഇത് കേവലം 96 ആയിരുന്നു. ജനിതകമാറ്റം വന്ന കൊറോണ വൈറസ് ബാധ സ്ഥിരീകരിക്കുന്നവരെ ആരോ​ഗ്യവകുപ്പ് ഒരുക്കുന്ന ഒറ്റമുറി ഐസൊലേഷനിലേക്ക് മാറണമെന്ന് ആരോ​ഗ്യമന്ത്രാലയം നേരത്തേ വ്യക്തമാക്കിയിരുന്നു.

ഡെൻമാർക്ക്, നെതർലന്റ്സ്, ആസ്ത്രേലിയ, ഇറ്റലി, സ്വീഡൻ, ഫ്രാൻസ്, സ്പെയിൻ, സ്വിറ്റ്സർലന്റ്, ജർമനി, കാനഡ, ജപാൻ, ലബ്നോൻ, സിം​ഗപ്പൂർ തുടങ്ങിയ രാജ്യങ്ങളിലും ജനിതകമാറ്റം വന്ന വൈറസ് ബാധ റിപോർട്ട് ചെയ്തത്.