16 Thursday
July , 2020
11.42 PM
livenews logo
flash News
സുശാന്തിന്റെ മരണം സിബിഐ അന്വേഷിക്കണമെന്ന് ‌‌അമിത് ഷായോട് റിയ ചക്രവർത്തി ജയിലിൽ കഴിയുന്ന ആക്ടിവിസ്റ്റ് വരവരറാവുവിന് കൊറോണ ബാധ പാലത്തായി കേസ്: തനിക്കൊന്നും പറയാൻ കഴിയില്ല; പ്രതിക്ക് ജാമ്യം കിട്ടിയതിൽ മുഖ്യമന്ത്രി തിരുവനന്തപുരം സ്വദേശി കുവൈത്തിൽ കൊറോണ ബാധിച്ചു മരിച്ചു സ്വർണക്കടത്ത് കേസ്: യുഎഇ അറ്റാഷെയ്ക്കും പങ്കെന്ന് സരിത്തിന്റെ അഭിഭാഷകൻ; വെളിപ്പെടുത്തൽ രാജ്യം വിട്ടതിന് പിന്നാലെ ശിവശങ്കറിനെ രക്ഷപ്പെടുത്താമെന്ന് മുഖ്യമന്ത്രി കരുതേണ്ടെന്ന് മുല്ലപ്പള്ളി രാമചന്ദ്രൻ സ്വർണക്കടത്ത് കേസ്: എം ശിവശങ്കറിന് സസ്പെൻഷൻ കേരളത്തിൽ ഇന്ന് കൊറോണ ബാധിച്ചത് 722 പേർക്ക് പാലത്തായി പീഡനക്കേസിൽ ബിജെപി നേതാവ് പത്മരാജന് ജാമ്യം മുംബൈയിൽ അഞ്ചുനിലക്കെട്ടിടം തകർന്നുവീണു; രക്ഷാപ്രവർത്തനം പുരോ​ഗമിക്കുന്നു

ഇറാന്റെ ആക്രമണത്തിൽ 11 സൈനികർക്ക് പരിക്കേറ്റതായി യുഎസ് വെളിപ്പെടുത്തൽ


വാഷിങ്ടൺ: സൈനികമേധാവി ഖാസിം സുലൈമാനിയെ വധിച്ചതിനു പ്രതികാരമായി ഇറാഖിലെ യുഎസ് സൈനികതാവളങ്ങൾക്കു നേരെ ഇറാൻ നടത്തിയ മിസൈലാക്രമണത്തിൽ തങ്ങളുടെ 11 സൈനികർക്ക് പരിക്കേറ്റതായി അമേരിക്ക. സ്ഫോടനത്തിന്റെ ആഘാതം മൂലമുണ്ടായ പരിക്കുകൾ മാത്രമാണ് സൈനികർക്കുള്ളതെന്നും യുഎസ് സെൻട്രൽ കമാൻഡ് വക്താവ് ക്യാപ്റ്റൻ ബിൽ അർബൻ പ്രസ്താവനയിൽ അറിയിച്ചു.

 

ആക്രമണസമയം 1500 സൈനികർ ബങ്കറുകളിലായിരുന്നു കഴിഞ്ഞിരുന്നത്. ഇറാൻ ആക്രമണം നടക്കുമെന്ന മുന്നറിയിപ്പിനെ തുടർന്നായിരുന്നു നടപടി. ആക്രമണത്തെ തുടർന്ന് പരിക്കേറ്റ സൈനികരെ അൽ അസദ് വ്യോമതാവളത്തിൽ നിന്നു മാറ്റിയതായും അ​ദ്ദേഹം വ്യക്തമാക്കി.

 


ഇറാൻ മിസൈലാക്രമണത്തിൽ സൈനികർക്കു പരിക്കില്ലെന്നും സൈനികതാവളത്തിനു ചെറിയ നാശനഷ്ടങ്ങൾ സംഭവിച്ചതേയുള്ളൂവെന്നുമായിരുന്നു നേരത്തേ യുഎസ് പ്രസിഡന്റ് ട്രംപ് അറിയിച്ചിരുന്നത്.

 

ബാ​ഗ്ദാദ് വിമാനത്താവളത്തിനു സമീപത്തുവച്ച് തങ്ങളുടെ സൈനിക മേധാവി ഖാസിം സുലൈമാനിയെ അമേരിക്ക വധിച്ചത് ഇറാനെ അങ്ങേയറ്റം പ്രകോപിപ്പിച്ചിരുന്നു. അമേരിക്കയ്ക്ക് കനത്ത തിരിച്ചടി നൽകുമെന്നും പശ്ചിമേഷ്യയിൽ നിന്ന് അമേരിക്കൻ സൈന്യത്തെ പുറത്താക്കുമെന്നും ഇറാന്റെ പുതിയ സൈനിക മേധാവി ഇസ്മാഈൽ ഖാനി മുന്നറിയിപ്പ് നൽകുകയും ചെയ്തിട്ടുണ്ട്.

January 18, 2020, 09:01 am

Advertisement