9 Sunday
August , 2020
5.32 PM
livenews logo
flash News
പെട്ടിമുടി ദുരന്തം: 16 മൃതദേഹങ്ങൾ കൂടി കണ്ടെടുത്തു; മരണം 42 ആയി അമിത് ഷായ്ക്ക് കോവിഡ് നെ​ഗറ്റീവായെന്ന ബിജെപി എംപിയുടെ പ്രചരണം വ്യാജം; ടെസ്റ്റുകളൊന്നും നടത്തിയിട്ടില്ലെന്ന് ആഭ്യന്തര മന്ത്രാലയം രണ്ട് മാസം പ്രായമായ പെൺകുഞ്ഞുമായി യുവതി കിണറ്റിൽ ചാടി; കുഞ്ഞ് മരിച്ചു കരിപ്പൂര്‍ ദുരന്തം പൈലറ്റിന്റെ ആത്മഹത്യയോ? സംശയത്തിന് കാരണമേറെ വീടുകയറി ബലാത്സംഗം; വീട്ടമ്മയുടെ പരാതിയിൽ പള്ളി വികാരി അറസ്റ്റിൽ 24 മണിക്കൂറിനിടെ രാജ്യത്ത് 64399 കൊറോണ കേസുകൾ; രോ​ഗബാധിതർ 21.5 ലക്ഷം കടന്നു പപ്പടം കഴിച്ചാൽ കോവിഡിനെ തുരത്താമെന്ന് പറഞ്ഞ കേന്ദ്ര ജലവിഭവ മന്ത്രിക്കും കൃഷി മന്ത്രിക്കും കോവിഡ് 101 പ്രതിരോധ ഉപകരണങ്ങളുടെ ഇറക്കുമതി നിരോധിക്കുമെന്ന് കേന്ദ്രമന്ത്രി രാജ്നാഥ് സിങ് യുപിയിൽ ആറു വയസുകാരിയെ തട്ടിക്കൊണ്ടുപോയി പീ‍ഡിപ്പിച്ചു; സ്വകാര്യ ഭാ​ഗങ്ങൾ വികൃതമാക്കി വിജയവാഡയിൽ ക്വാറന്റൈൻ കേന്ദ്രത്തിനു തീപ്പിടിച്ചു ഒമ്പതു മരണം; അരക്കോടി രൂപ നഷ്ടപരിഹാരം പ്രഖ്യാപിച്ച് മുഖ്യമന്ത്രി

ആര്‍ട്ടിക്കിള്‍ 370 റദ്ദാക്കിയതിന് പിന്നാലെ സിആര്‍പിഎഫ് പേടിപ്പിച്ചോടിച്ച 17കാരൻ നദിയില്‍ മുങ്ങിമരിച്ചു


ജമ്മു കശ്മീരിന് പ്രത്യേക അധികാരം നല്‍കുന്ന ആര്‍ട്ടിക്കിള്‍ 370 റദ്ദാക്കിയതിനു പിന്നാലെ സംസ്ഥാനത്ത് സിആര്‍പിഎഫുകാര്‍ ഭയപ്പെടുത്തിയയോടിച്ചതിനെ തുടര്‍ന്ന് രക്ഷപെടാന്‍ നദിയില്‍ ചാടിയ വിദ്യാര്‍ഥി മുങ്ങിമരിച്ചു. ശ്രീനഗറിലെ പല്‍പോറ നിവാസിയായ ഒസൈബ് അല്‍താഫ് എന്ന 17കാരനാണ് മരിച്ചതെന്ന് ഹഫ്‌പോസ്റ്റ് റിപ്പോര്‍ട്ട് ചെയ്യുന്നു. ഇതു കൂടാതെ 13 പേര്‍ക്കു നേരെ പെല്ലറ്റ് ആക്രമണവും ഉണ്ടായി.

 

കേന്ദ്രസര്‍ക്കാര്‍ ആര്‍ട്ടിക്കിള്‍ 370 റദ്ദാക്കുകയും രണ്ട് കേന്ദ്രഭരണ പ്രദേശങ്ങളായി സംസ്ഥാനത്തെ വിഭജിക്കുകയും ചെയ്ത തിങ്കളാഴ്ചയാണ് ദാരുണ സംഭവം. രാജ്യസഭയില്‍ കേന്ദ്രമന്ത്രി അമിത് ഷാ കശ്മീര്‍ വിഭജന ബില്‍ അവതരിപ്പിക്കുമ്പോള്‍ ഒസൈബും കൂട്ടുകാരും ഗ്രൗണ്ടില്‍ കളിക്കുകയായിരുന്നു.

 

കളി കഴിഞ്ഞ് തിരിച്ചുപോയ കുട്ടികള്‍ ഒരു നടപ്പാലത്തില്‍ കയറിയതോടെ ഇരു വശത്തു നിന്നും സിആര്‍പിഎഫ് ജവാന്മാര്‍ ഇവരെ വളയുകയായിരുന്നു. ഭയന്നുപോയ കുട്ടികള്‍ രക്ഷപെടാന്‍ മറ്റു വഴികളില്ലാതിരുന്നതോടെ താഴെയുള്ള നദിയിലേക്ക് ചാടുകയായിരുന്നെന്ന് ഒസൈബിന്റെ കുടുംബം പറയുന്നു. മറ്റു കുട്ടികളില്‍ ചിലര്‍ നീന്തി രക്ഷപെട്ടപ്പോള്‍ ചിലരെ മണല്‍വാരല്‍ തൊഴിലാളികള്‍ രക്ഷപെടുത്തുകയായിരുന്നു. ഇവരില്‍ രണ്ടുപേരെ ആശുപത്രിയില്‍ പ്രവേശിപ്പിച്ചു. 

 

എന്നാല്‍ നീന്തലറിയാത്തിനാല്‍ ഒസൈബിന് കരകയറാനായില്ല. 20 മിനിറ്റോളം വെള്ളത്തില്‍ കിടന്ന ഒസൈബ് ഒടുവില്‍ മരണത്തിനു കീഴടങ്ങുകയായിരുന്നെന്ന് പിതാവ് മുഹമ്മദ് അല്‍ത്താഫ് മറാസി പറഞ്ഞു. ഒസൈബിന്റെ മൃതദേഹം കുടുംബത്തിന് കൈമാറി.

 

അതേസമയം, പെല്ലറ്റ് ആക്രമണത്തില്‍ പരിക്കേറ്റവര്‍ മഹാരാജ ഹരിസിങ് ആശുപത്രിയില്‍ ചികിത്സയിലാണ്. ഇവരുടെ കണ്ണിനാണ് പരിക്കേറ്റിരിക്കുന്നത്. 

 

ആര്‍ട്ടിക്കിള്‍ 370 റദ്ദാക്കുന്നതിനോട് അനുബന്ധിച്ച് സംസ്ഥാനത്ത് അടിയന്തരാവസ്ഥയ്ക്ക് സമാനമായ സ്ഥിതിയാണുള്ളത്. മുന്‍ മുഖ്യമന്ത്രിമാരടക്കം 400ഓളം നേതാക്കളെ അറസ്റ്റ് ചെയ്ത പൊലീസ് കെട്ടിടങ്ങളെല്ലാം ജയിലുകളായി പരിവര്‍ത്തിപ്പിച്ചിരിക്കുകയാണ്. ഇന്റര്‍നെറ്റും വാര്‍ത്താവിനിമയ ഉപാധികളുമെല്ലാം തടസ്സപ്പെടുത്തിയിരിക്കുന്നു. ഓഗസ്റ്റ് അഞ്ച് മുതല്‍ അമ്പതു ദിവസത്തേക്ക് കര്‍ഫ്യൂ ഏര്‍പ്പെടുത്തിയ സംസ്ഥാനത്ത് ജനങ്ങള്‍ അതീവ ദുരിത്തിലാണെന്നാണ് റിപ്പോര്‍ട്ട്.

August 07, 2019, 23:42 pm

Advertisement

Advertisement