31 Sunday
May , 2020
8.45 PM
livenews logo
flash News
മലപ്പുറം കൊക്കൂര്‍ സ്വദേശി അബൂദബിയില്‍ മരിച്ചു യുഎഇയില്‍ 661 പേര്‍ക്ക് കൂടി കൊറോണ വൈറസ് ബാധ; രണ്ടുമരണം ദുബയ് കെഎംസിസി ചാര്‍ട്ടേര്‍ഡ് ഫ്ളൈറ്റ്: പട്ടിക കോണ്‍സുല്‍ ജനറലിന് കൈമാറി അന്താരാഷ്ട്ര വിമാന സര്‍വീസ്‌ നിരോധനം ജൂണ്‍ 30 വരെ തുടരും സ്കൂട്ടർ ദേഹത്ത് തട്ടിയെന്ന്: അസമിൽ യുവാവിനെ ആൾക്കൂട്ടം തല്ലിക്കൊന്നു; നാല് പേർ അറസ്റ്റിൽ പാലത്തായി പീഡനം: വനിതാ ഐപിഎസ് ഉദ്യോഗസ്ഥയ്ക്ക് അന്വേഷണ ചുമതല നല്‍കണം; മുഖ്യമന്ത്രിക്ക് വിമന്‍ ജസ്റ്റിസ് മൂവ്‌മെന്റിന്റെ കത്ത് വൈദ്യപരിശോധനയ്‌ക്കെത്തിച്ച പോലിസ് മുങ്ങി; ബലാല്‍സംഗത്തിനിരയായ പെണ്‍കുട്ടി വീടെത്താന്‍ നടന്നത് 40 കിലോമീറ്റര്‍ ഇന്ത്യയിൽ കോവിഡ് വ്യാപനത്തിന് കാരണം നമസ്തേ ട്രംപ് പരിപാടിയെന്ന് ശിവസേനയും; ബിജെപി വീണ്ടും പ്രതിരോധത്തിൽ ഇയാദ്, ജോർജ് ഫ്ലോയിഡ്; പൊലീസിന്റെ വംശീയക്കൊലകൾക്കെതിരെ ഇസ്രയേലിലും വൻ പ്രതിഷേധം ക്വാറന്റൈൻ ലംഘിച്ചെന്ന് ആരോപണം; ആരോ​ഗ്യപ്രവർത്തക ആത്മഹത്യക്ക് ശ്രമിച്ചു

2020ലെ ഹജ്ജ്​ കരാറിൽ ഇന്ത്യ ഒപ്പുവച്ചു; രണ്ട് ലക്ഷം ഹാജിമാർക്ക് ഈ വർഷവും അനുമതി


കബീർ കൊണ്ടോട്ടി

 

ജിദ്ദ: 2020ലെ ഹജ്ജ്​ കരാർ സൗദി അറേബ്യയുമായി ഇന്ത്യ ഒപ്പുവെച്ചതായി കേന്ദ്രന്യൂനപക്ഷ കാര്യവകുപ്പുമന്ത്രി  മുഖ്​താർ അബ്ബാസ്​ നഖ് വി  ജിദ്ദയിൽ വാർത്താസമ്മേളനത്തിൽ അറിയിച്ചു.ഇത്തവണയും രണ്ട്​ ലക്ഷത്തോളം ഹാജിമാരാണ്​ ഇന്ത്യയിൽ നിന്ന്​ ഹജ്ജിന്​ എത്തുക. ഇന്ത്യൻ ഹാജിമാർക്കായുള്ള ഹജ്ജ്​ നടപടികൾ നൂറ്​ ശതമാനവും ഡിജിറ്റൽവൽകരിച്ചതായി അദ്ദേഹം പറഞ്ഞു.

 

മുബൈയിലെ ഹജ്ജ്​ ഹൗസിൽ നൂറ്​ ലൈനുകളുള്ള ഇൻഫർമേഷൻ സെൻറർ സജ്ജമാക്കിയിട്ടുണ്ട്​. 180,000 ഹജ്ജ്​ അപേക്ഷകൾ ഇതിനകം ലഭിച്ചിട്ടുണ്ട്​. കഴിഞ്ഞ വർഷം വളരെ വിജയകരവും സുരക്ഷിതവുമായിരുന്നു ഇന്ത്യൻ ഹജ്ജ്​ മിഷന്റെ പ്രവർത്തനങ്ങൽ. ഇത്തവണ കൂടുതൽ മികവുറ്റതാക്കും.റോഡ്​ ടു മക്ക ഇനീഷ്യേറ്റീവ്​ പദ്ധതിയുടെ ഭാഗമായി ഇന്ത്യൻ ഹാജിമാരുടെ എമിഗ്രേഷൻ നടപടികൾ എമ്പാർക്കേഷൻ പോയിൻറുകളിൽ നിന്ന്​ പൂർത്തിയാക്കുന്ന സംവിധാനത്തെ തത്വത്തിൽ അംഗീകരിച്ചിട്ടുണ്ട്​. അതു സംബന്ധിച്ച നടപടി ക്രമങ്ങൾപുരോഗമിക്കുന്നു.

 

 

 

കണ്ണൂരിൽ നിന്ന്​ ഹജ്ജ്​ വിമാനമുണ്ടോവുമോ എന്ന ചോദ്യത്തിന്​ കേരളത്തിൽ നിലവിൽ രണ്ട്​ ഹജ്ജ്​ എമ്പാർക്കേഷൻ പോയിൻറുകൾ നിലവിലുണ്ടെന്നായിരുന്നു അദ്ദേഹം നൽകിയ മറുപടി. കഴിഞ്ഞ വർഷം 21 എമ്പാർക്കേഷൻ പോയിൻറുകളാണ്​ ഇന്ത്യയിലുണ്ടായിരുന്നത്​. ഇത്തവണ വിജയവാഡയിൽ പുതിയ എമ്പാർ​ക്കേഷൻ  പൊയിൻറുണ്ടാവും. കപ്പൽ മാർഗം ഇന്ത്യൻ ഹാജിമാരുടെ  വരവു സംബന്ധിച്ച നടപടികൾ പുരോഗമിക്കുയാണ്​. അതൊരു സ്വപ്​നപദ്ധതിയാണ്​ എന്ന്​ അദ്ദേഹം പറഞ്ഞു.

 

2020ലെ ഹജ്ജ്​ ഓപ്പറേഷൻ  ഇന്ത്യൻ ഹജ്ജ് മിഷൻ പ്രവർത്തനമാരംഭിച്ചതായി കേന്ദ്ര മന്ത്രി പറഞ്ഞു. വാർത്താസമ്മേളനത്തിൽ ഇന്ത്യൻ അംബാസഡർ ഡോ.ഔസാഫ് ​സഇദ് ​, കോൺസൽ ജനറൽ മുഹമ്മദ്​ നൂർ റഹ്​മാൻ ശൈഖ്​, ഹജ്ജ്​ കോൺസൽ യും ഖൈർ ബാം സാബിർ, ഹജ്ജ്​ കമ്മിറ്റി സി.ഇ.ഒ ഡോ. മഖ്​സുദ്​ അഹമ്മദ്​ ഖാൻ, അഡീഷനൽ സെക്രട്ടറി  ജാൻ ഇ ആലം,  ഹജ്ജ്​ ഡയറക്​ടർ നജ്​മുദ്ദീൻ, ജോയിൻസ്​ സെക്രട്ടറി ( എം.ഒ.സി.എ) സത്യേന്ദ്രകുമാർ മിശ്ര, ഹജ്ജ്​ കമ്മിറ്റി ആക്​ടിങ്​ ചെയർമാൻ ജിന നബി തുടങ്ങിയവർ വാർത്താസമ്മേളനത്തിൽ സംബന്ധിച്ചു.

December 02, 2019, 09:32 am

Advertisement