കൊറോണവൈറസ് ബാധിച്ച് ഇന്ത്യയിൽ ഒരുമരണം കൂടി

കൊറോണ വൈറസ് ബാധിച്ച് ഇന്ത്യയിൽ ഒരാൾ കൂടി മരിച്ചു. അഹമ്മദാബാദ് സിവിൽ ആശുപത്രിയിൽ പ്രവേശിപ്പിച്ചിരുന്ന 85കാരിയാണ് മരിച്ചത്. വിദേശയാത്ര കഴിഞ്ഞെത്തിയതായിരുന്നു സ്ത്രീയെന്ന് ആശുപത്രി അധികൃതർ അറിയിച്ചു.

രോ​ഗലക്ഷണങ്ങൾ കാണിച്ചതിനെ തുടർന്ന് ഈ മാസം 22നാണ് ഇവരെ ആശുപത്രിയിൽ പ്രവേശിപ്പിച്ചത്. മറ്റു രോ​ഗങ്ങളും വൃദ്ധയെ അലട്ടിയിരുന്നതായി ആശുപത്രി അധികൃതർ അറിയിച്ചു. ഇതോടെ രാജ്യത്ത് കൊറോണ വൈറസ് ബാധിച്ച് മരിച്ചവരുടെ എണ്ണം 11 ആയി ഉയർന്നു. ഇതുവരെ 606 പേർക്കാണ് വൈറസ് ബാധിച്ചത്.