18 Friday
September , 2020
9.36 PM
livenews logo
flash News
ദുബയ് നടപടി പിൻവലിച്ചു; നാളെ മുതൽ ദുബയിൽ നിന്ന് ഇന്ത്യയിലേക്കും തിരിച്ചുമുള്ള സർവീസുകൾ പുനരാരംഭിക്കുമെന്ന് എയർഇന്ത്യ ടിക്ക്ടോക്കിനും വിചാറ്റിനും പൂട്ടിട്ട് അമേരിക്ക; നിരോധനം ഞായറാഴ്ച മുതൽ ഷോപിയാനിൽ യുവാക്കൾ വെടിയേറ്റ് മരിച്ച സംഭവം: സൈനികർ നിയമം ലംഘിച്ചെന്ന് കണ്ടെത്തൽ; നടപടിക്കൊരുങ്ങി ആർമി ഒക്ടോബർ പകുതിയോടെ തൊണ്ണൂറിലേറെ കേന്ദ്രങ്ങളിലേക്ക് സർവീസ് നടത്തുമെന്ന് ഖത്തർ എയർവേസ് സംസ്ഥാനത്ത് 4167 പേർക്ക് കൂടി കൊറോണ; 3849 പേർ സമ്പർക്കബാധിതർ പ്ലേ സ്റ്റോറിൽ നിന്ന് പേ ടിഎം ആപ്പ് നീക്കം ചെയ്ത് ​ഗൂ​ഗിൾ ഡൽഹി കലാപത്തിൽ ജയിലിലടച്ച ജെഎൻയു വിദ്യാർഥിനിക്ക് ജാമ്യം; കലാപം പ്രോൽസാഹിപ്പിച്ചതിനു തെളിവില്ലെന്ന് ഡൽഹി കോടതി വീടുകൾ കേന്ദ്രീകരിച്ച് മോഷണം നടത്തിവന്ന മൂന്നു സൗദി യുവാക്കൾ അറസ്റ്റിലായി ഖത്തർ യുഎഇ തർക്കത്തിൽ പണംവാരി വാഷിങ്ടൺ ലോബികൾ ശിശുവിന്റെ മൃതദേഹം ഫ്രീസറിൽ വച്ചത് ജീവനക്കാർ മറന്നു; കണ്ടെത്തുന്നത് അഞ്ചാം ദിവസം

​ഗാന്ധിക്ക് പകരം നോട്ടിൽ ​ഗോഡ്സെയെ പ്രതിഷ്ഠിച്ച് എബിവിപി നേതാവ്; പരാതിയിൽ കേസടുക്കാതെ പൊലീസ്


നോട്ടിൽ മഹാത്മാ ഗാന്ധിക്ക് പകരം അദ്ദേഹത്തിന്റെ ഘാതകനായ നാഥുറാം വിനായക് ഗോഡ്‌സെയുടെ ചിത്രം വച്ച് എബിവിപി നേതാവിന്റെ ഫേസ്ബുക്ക് പോസ്റ്റ്. മധ്യപ്രദേശിലെ സിദ്ധി ജില്ലയിലെ എബിവിപി ജനറൽ സെക്രട്ടറി ശിവം ശുക്ലയാണ് പത്തു രൂപ നോട്ടിൽ ​​ഗാന്ധിക്കു പകരം ഗോഡ്സെയെ കയറ്റിയത്. 

 

ഗോഡ്‌സെയുടെ 111ാം ജന്മദിനമായ മെയ് 19നാണ് കറന്‍സിയിലെ ചിത്രം മാറ്റി ഫേസ്ബുക്കിലിട്ടത്. ​ഗോഡ്സെ അമരനായിക്കട്ടെ എന്നു പറഞ്ഞായിരുന്നു പോസ്റ്റ്. 'രഘുപതി രാഘവ രാജാ റാം. നാഥുറാം രാജ്യത്തെ രക്ഷിച്ചു. ജന്മദിനത്തില്‍ നാഥുറാം ഗോഡ്‌സെ ജിക്ക് ആദരാഞ്ജലികളും ബഹുമാനവും. അമരനായിരിക്കട്ടെ നാഥുറാം ഗോഡ്‌സെ'- എന്നായിരുന്നു ഇയാളുടെ പോസ്റ്റ്.

 

സംഭവത്തിൽ ഇയാള്‍ക്കെതിരെ രാജ്യദ്രോഹക്കുറ്റം ചുമത്തി കേസെടുക്കണമെന്നാവശ്യപ്പെട്ട് മിശ്ര എന്നയാള്‍ സിദ്ധി കോട്ട്‌വാലി പൊലീസ് സ്റ്റേഷനില്‍ പരാതി നല്‍കിയിട്ടുണ്ട്. 

ഗാന്ധി അനുയായികളുടെ വികാരം വ്രണപ്പെടുത്തുന്നുവെന്നും രാജ്യത്ത് കുഴപ്പങ്ങളുണ്ടാക്കാന്‍ ശ്രമിക്കുന്നുവെന്നും ചൂണ്ടിക്കാട്ടിയാണ് ശിവം ശുക്ലയ്ക്കെതിരെ മിശ്ര പരാതി നല്‍കിയിരിക്കുന്നത്. 

 

ആർബിഐ അച്ചടിക്കുന്ന ഔദ്യോ​ഗിക കറൻസിയെ അപമാനിക്കുകയും ​ഗാന്ധി ഘാതകനെ വാഴ്ത്തുകയും ചെയ്ത ശുക്ലയ്ക്കെതിരെ രാജ്യദ്രോഹം, വ്യാജരേഖ ചമയ്ക്കൽ എന്നീ വകുപ്പുകൾ ചുമത്തി കേസെടുക്കണം എന്നാണ് പരാതിയിലെ ആവശ്യം. 

 

സമൂഹ മാധ്യമങ്ങളിലൂടെ മുസ്‌ലിംകള്‍ക്കും കോണ്‍ഗ്രസിനുമെതിരെ നിരന്തരം ദുരാരോപണങ്ങള്‍ ശിവം ശുക്ല നടത്താറുണ്ടെന്നും ബിജെപി എംപി റിതി പഥകിന്റെയും ആര്‍എസ്എസിന്റേയും പിന്തുണയാണ് ഇയാളുടെ ബലമെന്നും പരാതിക്കാരനായ മിശ്ര ആരോപിക്കുന്നു.

 

പരാതി നൽകി 24 മണിക്കൂർ കഴിഞ്ഞിട്ടും പൊലീസ് കേസെടുക്കാനുള്ള താൽപര്യം കാണിക്കുന്നില്ലെന്നും അവർ വിഷയത്തിൽ നിന്ന് തെന്നിമാറുകയാണെന്നും മിശ്ര പറഞ്ഞു.എന്നാൽ പരാതിയില്‍ അന്വേഷണം നടക്കുകയാണെന്നും നടപടി സ്വീകരിക്കുമെന്നുമാണ് കോട്ട്‌വാലി പൊലീസ് സ്റ്റേഷന്‍ അധികൃതര്‍ പറയുന്നത്. അതേസമയം ശിവം ശുക്ലയെ അറിയില്ലെന്നാണ് എംപി റിതി പഥക്കിന്റെ വാദം. 

 

താന്‍ ആ പോസ്റ്റ് കണ്ടിട്ടില്ല. ആരെങ്കിലും അങ്ങനെയൊന്ന് ഇട്ടിട്ടുണ്ടെങ്കില്‍ പ്രോത്സാഹിപ്പിക്കാനാകില്ല. തനിക്ക് അയാളെ അറിയില്ല. നേതാക്കളുമൊത്തുള്ള പടങ്ങള്‍ നിരവധി പാര്‍ട്ടിക്കാര്‍ ഫേസ്ബുക്കിലിടാറുണ്ട്. അത്തരമൊരാളാണ് ശിവം- എന്നായിരുന്നു റിതി പഥക്കിന്റെ പ്രതികരണം.

May 22, 2020, 12:58 pm

Advertisement

Advertisement