25 Wednesday
November , 2020
4.18 AM
livenews logo
flash News
'കുഴപ്പമൊന്നുമില്ല'; അന്യായ തടവിന്റെ 50ാം ദിവസം സിദ്ദീഖ് കാപ്പന്‍ ഭാര്യയും കുട്ടികളുമായി സംസാരിച്ചു EXCLUSIVE ബിബിസിയുടെ ലോകത്തെ ശ്രദ്ധേയരായ 100 വനിതകളുടെ പട്ടികയിലും ഇടംപിടിച്ച് ഷഹീൻബാ​ഗിലെ ദീദി സ്പുട്നിക് വി കോവിഡ് വാക്സിൻ 95 ശതമാനം ഫലപ്രാപ്തിയുള്ളതെന്ന് റഷ്യ രാജ്യസുരക്ഷ: 43 മൊബൈൽ ആപ്പുകൾക്ക് കേന്ദ്രസർക്കാർ നിരോധനമേർപ്പെടുത്തി യോ​ഗിയെ ഭീഷണിപ്പെടുത്തിയെന്ന്; 16കാരനെ അറസ്റ്റ് ചെയ്ത് യുപി പൊലീസ് ഛത്തീസ്ഗഢിൽ നടക്കാനിറങ്ങിയ 14കാരിയെ നാല് പേർ കൂട്ടബലാത്സം​ഗത്തിനിരയാക്കി പശ്ചിമബം​ഗാളിൽ 480 സിപിഐഎം പ്രവർത്തകർ ബിജെപിയിൽ ചേർന്നു ഈ വർഷമാദ്യം ഏറ്റവും കൂടുതൽ സംസാരിക്കപ്പെട്ട നാമം 'കൊറോണ വൈറസ്' 'തൊപ്പിയിട്ട ഫോട്ടോ വേണ്ട, ഞങ്ങൾ മതേതരരാണ്'; ശാസ്ത്ര സാഹിത്യ പരിഷത്ത് പ്രസം​ഗ മത്സരത്തിൽ ഒന്നാമതെത്തിയ വിദ്യാർഥിയോട് സംഘാടകരുടെ മറുപടി വിവാദത്തിൽ ഇബ്രാഹിംകുഞ്ഞിന് അർബുദം; തുടർ ചികിത്സ വേണം; വിജിലൻസ് കസ്റ്റഡിയിൽ വിടാനാവില്ലെന്ന് കോടതി

ഫാറൂഖ് അബ്ദുല്ല പൊതുസുരക്ഷാ നിയമ പ്രകാരം കസ്റ്റഡിയിൽ; നടപടി ഹേബിയസ് കോർപസ് പരി​ഗണിക്കാനിരിക്കെ


ന്യൂഡൽഹി: ജമ്മു കശ്മീരിൽ കടുത്ത നിയന്ത്രണങ്ങൾ നിലനിൽക്കെ മുൻ മുഖ്യമന്ത്രിയും നാഷണൽ കോൺഫറൻസ് നേതാവുമായ ഫാറൂഖ് അബ്ദുല്ലയെ പൊതു സുരക്ഷാ നിയമപ്രകാരം കസ്റ്റഡിയിലെടുത്തു. വിചാരണ കൂടാതെ രണ്ടു വർഷം വരെ തടവിൽ വയ്ക്കാൻ അനുവദിക്കുന്നതാണ് പിഎസ്എ.

 

എംഡിഎംകെ നേതാവ് വൈക്കോയുടെ ഹേബിയസ് കോർപസ് ഹരജി സുപ്രീംകോടതിയിൽ വാദം കേൾക്കാനിരിക്കെ ഇന്നലെ രാത്രിയാണ് ഫാറൂഖ് അബ്ദുല്ലക്കെതിരെ നടപടിയെടുത്തത്. ഫാറൂഖ് അബ്ദുല്ലയുടെ അറസ്റ്റിനെ കോടതിയിൽ ന്യായീകരിക്കുന്ന തെളിവുകളില്ലാത്തതിനാലാണ് കേന്ദ്രം പിഎസ്എ ചുമത്തിയതെന്നാണ് വിലയിരുത്തൽ. കഴിഞ്ഞ ഒരു മാസമായി വീട്ടുതടങ്കലിലാണ് ഫാറൂഖ് അബ്ദുല്ല.

 

അതേസമയം, വൈകോ സമർപ്പിച്ച ഹേബിയസ് കോർപ്പസ് ഹരജിയിൽ ഇന്ന് സുപ്രീംകോടതി കേന്ദ്രത്തിന് നോട്ടീസ് നൽകി. സെപ്തംബർ 30ന് കേസിൽ വാദം കേൾക്കും. കേന്ദ്രത്തിന് നോട്ടീസ് നൽകുന്നതിനെതിരെ സോളിസിറ്റർ ജനറൽ രംഗത്തെത്തിയെങ്കിലും കോടതി കനിഞ്ഞില്ല. ഹരജി സമർപിക്കാൻ വൈകോയ്ക്ക് നിയമപരമായ അവകാശമില്ലെന്നാണ്  കേന്ദ്രം വാദിച്ചത്.

 

അബ്ദുല്ലയെ കോടതിയിൽ ഹാജരാക്കാൻ കേന്ദ്രത്തിന് നിർദ്ദേശം നൽകണമെന്നും സെപ്തംബർ 15ന് ചെന്നൈയിൽ നടക്കുന്ന സെമിനാറിൽ പങ്കെടുക്കാൻ അദ്ദേഹത്തെ അനുവദിക്കണമെന്നും വൈകോ സുപ്രീംകോടതിയോട് ആവശ്യപ്പെട്ടിരുന്നു. അബ്ദുല്ലയ്ക്ക് ചെന്നൈയിലേക്ക് പോകാൻ അനുമതി ആവശ്യപ്പെട്ട് വൈകോ നേരത്തെ കേന്ദ്രത്തിന് കത്തെഴുതിയിരുന്നുവെങ്കിലും പ്രതികരണമൊന്നും ലഭിച്ചിരുന്നില്ല. 

 

1978ൽ ജമ്മു കശ്മീരിൽ ഷെയ്ഖ് അബ്ദുല്ല സർക്കാരിന്റെ ഭരണകാലത്താണ് ആദ്യമായി പി‌എസ്‌എ പ്രഖ്യാപിക്കുന്നത്. താഴ്വരയിലെ മരം കടത്തുന്നവരെ ലക്ഷ്യമിട്ടാണ് ഈ നിയമം കൊണ്ടുവന്നതെങ്കിലും പിൽക്കാലത്ത് കശ്മീരിലെ ചെറുപ്പക്കാർക്കെതിരെ ക്രൂരമായി ഇത് പ്രയോഗിക്കാൻ തുടങ്ങിയിരുന്നു. 

 

2010ൽ ഈ നിയമം ഭേദഗതി ചെയ്യുകയും ചില വ്യവസ്ഥകൾ കർശനമാക്കുകയും ചെയ്തു. ആദ്യതവണ പിടിയിലാകുന്ന കുറ്റവാളികളെ തടങ്കലിൽ വയ്ക്കാനുള്ള സമയം ആറുമാസമായി പരിമിതപ്പെടുത്തി. തടവുകാരന്റെ പെരുമാറ്റത്തിൽ പുരോഗതിയൊന്നുമില്ലെങ്കിൽ രണ്ട് വർഷം വരെ തടവ് നീട്ടാം. 

 

നിലവിൽ രാജ്യസഭാ അംഗമായ ഫാറൂഖ് അബ്ദുല്ല ആഗസ്റ്റ് അഞ്ച് മുതൽ വീട്ടുതടങ്കലിലാണ്. എന്നാൽ ആഗസ്റ്റ് ആറിന് കേന്ദ്ര ആഭ്യന്തരമന്ത്രി അമിത് ഷാ പാർലമെന്റിൽ അറസ്റ്റ് നിഷേധിച്ചിരുന്നു. തന്നെ അറസ്റ്റ് ചെയ്തിട്ടില്ലെന്ന അമിത്ഷായുടെ പ്രസ്താവന നുണയാണെന്ന് ഫാറൂഖ് അബ്ദുല്ല തന്നെ തിരിച്ചടിച്ചിരുന്നു. 

 

അതേസമയം, ആർട്ടിക്കിൾ 370 നീക്കുന്നതിന് തൊട്ടുമുമ്പ് പ്രധാനമന്ത്രി നരേന്ദ്രമോദി ഫാറൂഖ് അബ്ദുല്ല, മകൻ ഉമർ അബ്ദുല്ല എന്നിവരെ സന്ദർശിച്ചിരുന്നുവെന്ന് ദി ഹിന്ദുവിന്റെ സുഹാസിനി ഹൈദർ ട്വീറ്റ് ചെയ്തു

September 16, 2019, 13:29 pm

Advertisement

Advertisement