16 Thursday
July , 2020
11.35 PM
livenews logo
flash News
സുശാന്തിന്റെ മരണം സിബിഐ അന്വേഷിക്കണമെന്ന് ‌‌അമിത് ഷായോട് റിയ ചക്രവർത്തി ജയിലിൽ കഴിയുന്ന ആക്ടിവിസ്റ്റ് വരവരറാവുവിന് കൊറോണ ബാധ പാലത്തായി കേസ്: തനിക്കൊന്നും പറയാൻ കഴിയില്ല; പ്രതിക്ക് ജാമ്യം കിട്ടിയതിൽ മുഖ്യമന്ത്രി തിരുവനന്തപുരം സ്വദേശി കുവൈത്തിൽ കൊറോണ ബാധിച്ചു മരിച്ചു സ്വർണക്കടത്ത് കേസ്: യുഎഇ അറ്റാഷെയ്ക്കും പങ്കെന്ന് സരിത്തിന്റെ അഭിഭാഷകൻ; വെളിപ്പെടുത്തൽ രാജ്യം വിട്ടതിന് പിന്നാലെ ശിവശങ്കറിനെ രക്ഷപ്പെടുത്താമെന്ന് മുഖ്യമന്ത്രി കരുതേണ്ടെന്ന് മുല്ലപ്പള്ളി രാമചന്ദ്രൻ സ്വർണക്കടത്ത് കേസ്: എം ശിവശങ്കറിന് സസ്പെൻഷൻ കേരളത്തിൽ ഇന്ന് കൊറോണ ബാധിച്ചത് 722 പേർക്ക് പാലത്തായി പീഡനക്കേസിൽ ബിജെപി നേതാവ് പത്മരാജന് ജാമ്യം മുംബൈയിൽ അഞ്ചുനിലക്കെട്ടിടം തകർന്നുവീണു; രക്ഷാപ്രവർത്തനം പുരോ​ഗമിക്കുന്നു

ദേശസുരക്ഷാ നിയമപ്രകാരം ആരെയും കസ്റ്റഡിയിലെടുക്കാൻ ഡൽഹി പോലിസിന് ലഫ്.​ഗവർണറുടെ അനുമതി


പൗരത്വ നിയമഭേദ​ഗതിക്കും പൗരത്വ രജിസ്ട്രേഷനുമെതിരേ കനത്ത പ്രതിഷേധങ്ങൾക്കുന്ന രാജ്യതലസ്ഥാനത്ത് ദേശസുരക്ഷാ നിയമപ്രകാരം സംശയം തോന്നുന്ന ആരെയും കസ്റ്റഡിയിലെടുക്കുന്നതിന് ഡൽഹി പോലിസ് കമ്മീഷണർക്ക് ​ലഫ്റ്റനന്റ് ​ഗവർണർ അനിൽ ബൈജാൽ അധികാരം നൽകി. ദേശസുരക്ഷയ്ക്കോ  നിയമപാലനത്തിനോ ഭീഷണിയാണെന്നു തോന്നിയാൽ വ്യക്തികളെ മാസങ്ങളോളം കരുതൽ തടങ്കലിൽ വയ്ക്കാൻ അധികാരം നൽകുന്ന നിയമമാണിത്.

 

ജനുവരി 19 മുതൽ ഏപ്രിൽ 18 വരെ മൂന്നുമാസത്തേക്കാണ് ഡൽഹിയിൽ രാജ്യസുരക്ഷാ നിയമം നടപ്പാക്കുകയെന്ന് ​അറിയിപ്പിൽ പറയുന്നു. ലഫ്റ്റനന്റ് ​ഗവർണർ അനുമതി നൽകിയതിനെ തുടർന്ന് ജനുവരി പത്തിനാണ് ഇതുസംബന്ധിച്ച അറിയിപ്പ് പുറത്തിറങ്ങിയത്.

 


അതേസമയം ഇടയ്ക്കിടെയുള്ള പതിവ് ഉത്തരവ് മാത്രമാണിതെന്നും നിലവിലെ സാഹചര്യവുമായി ഇതിനു ബന്ധമില്ലെന്നുമാണ് ഡ‍ൽഹി പോലിസിന്റെ പ്രതികരണം.

 

പൗരത്വ നിയമഭേദ​ഗതിക്കെതിരേ രാജ്യത്ത് ആദ്യമായി എതിർപ്പുയർന്ന ജാമിഅ മില്ലിയ ഇസ് ലാമിയയിൽ ഡൽഹി പോലിസ് നടത്തിയ അതിക്രമം അന്താരാഷ്ട്ര ശ്രദ്ധ നേടിയിരുന്നു. വിദ്യാർഥികൾക്കു നേരെ വെടിയുതിർക്കുകയും ബസ്സുകൾക്ക് തീയിടുകയും ചെയ്ത പോലിസ് സംഘത്തിൽ സിവിൽ ഡ്രസിലുള്ള നിരവധി യുവാക്കൾ അഴിഞ്ഞാടിയതും പുറത്തുവരികയുണ്ടായി.

 

കൊടുംതണുപ്പിനെ പോലും അവ​ഗണിച്ച് ഷഹീൻ ബാ​ഗിൽ രണ്ടുമാസത്തിലധികമായി വീട്ടമ്മമാർ നടത്തിവരുന്ന കുത്തിയിരിപ്പ് സമരം ദിനംപ്രതി ശക്തമാവുന്നതിനിടെയാണ് ദേശസുരക്ഷാ നിയമ പ്രകാരം ജനങ്ങളെ കസ്റ്റഡിയിലെടുക്കാനുള്ള അധികാരം ​ഗവർണർ പോലിസിന് അനുവദിച്ചിരിക്കുന്നത്.

January 18, 2020, 08:36 am

Advertisement