24 Friday
January , 2020
7.38 AM
livenews logo
flash News
പുലരാനിരിക്കുന്നത് നീതിപീഠങ്ങളുടെ ബധിര കർണങ്ങളിൽ ഇടിനാദം മുഴങ്ങുന്ന പ്രഭാതങ്ങൾ പൗരത്വ പ്രക്ഷോഭത്തിനിടെ ബിജെപിക്ക് തിരിച്ചടി; ​ഗുജറാത്ത് എംഎൽഎ രാജിവച്ചു റോഹിങ്ക്യൻ വംശഹത്യക്കെതിരെ നടപടിയെടുക്കണം; മ്യാൻമറിനോട് അന്താരാഷ്ട്ര നീതിന്യായ കോടതി ജിപിഎസിനു പകരക്കാരനെയും കൊണ്ട് ഐഎസ്ആർഒ; വൈകാതെ ഫോണുകളിൽ ലഭ്യമാവും വുഹാൻ വൈറസ് ബാധ: സൗദിയിൽ 30 മലയാളി നഴ്സുമാർ നിരീക്ഷണത്തിൽ ജംബോ പട്ടികയിൽ എന്നെ പരി​ഗണിക്കേണ്ട; പൊട്ടിത്തെറിച്ച് വി ഡി സതീശൻ പൗരത്വനിയമത്തെ അനുകൂലിച്ച പരിപാടിക്കെതിരെ പ്രതിഷേധിച്ച യുവതിയെ അറസ്റ്റ് ചെയ്ത് പൊലീസ് ആസാദി മുഴക്കിയാൽ രാജ്യ​ദ്രോഹത്തിനു കേസെടുക്കുമെന്ന യുപി മുഖ്യമന്ത്രിയുടെ പ്രസ്താവനയ്ക്കെതിരേ ഫേസ്ബുക്ക് പേജിൽ പൊങ്കാല പ്രതി പിടിക്കപ്പെടുംമുമ്പ് ഭീകരൻ; ശേഷം വെറും യുവാവ്: ജന്മഭൂമിയുടെ ഭീകര നിലപാട് ചീറ്റി യാത്രാമധ്യേ എൻജിൻ തകരാറിലായി; ഇൻഡി​ഗോ വിമാനം മുംബൈയിൽ എമർജൻസി ലാന്റിങ് നടത്തി

‘ഒരു ബംഗ്ലാദേശി അഭയാർഥി ഇന്‍ഫോസിസ് സിഇഒ ആവണമെന്നാണ് ആഗ്രഹം’: പൗരത്വ നിയമത്തില്‍ മൈക്രോസോഫ്റ്റ് സിഇഒ

January 14, 2020, 12:40 pm

വാഷിങ്ടൺ: മതാടിസ്ഥാനത്തിൽ പൗരന്മാരെ വിഭജിക്കാനായി മോദി സർക്കാർ പാസ്സാക്കിയ പൗരത്വ ഭേദഗതി നിയമത്തിനെതിരെ വിദേശരാജ്യങ്ങളിലടക്കം വ്യാപക പ്രതിഷേധം നടക്കുന്നതിനിടെ പ്രതികരണവുമായി മൈക്രോസോഫ്റ്റ് സിഇഒ സത്യ നദെല്ല. നിയമം നടപ്പാക്കുന്നതില്‍ തനിക്ക് വിഷമുണ്ടെന്ന് അദ്ദേഹം വ്യക്തമാക്കി. യുഎസില്‍ നടന്ന ഒരു പരിപാടിയിൽ സംസാരിക്കുകയായിരുന്നു ഇന്ത്യൻ വംശജനായ സത്യ നദെല്ല.

 

‘ഇപ്പോള്‍ സംഭവിച്ചു കൊണ്ടിരിക്കുന്നത് വിഷമകരമായ കാര്യമാണ്. അത് വളരെ മോശവുമാണ്. ഒരു ബംഗ്ലാദേശി കുടിയേറ്റക്കാരന്‍ ഇന്ത്യയില്‍ വന്ന് വലിയ സംരഭങ്ങൾ കെട്ടിപ്പടുക്കണം. അല്ലെങ്കില്‍ ഇന്‍ഫോസിസിന്റെ അടുത്ത സിഇഒ ആവണം. അതാണെന്റെ അഭിലാഷം. അമേരിക്കയിൽ എനിക്കെന്ത് സംഭവിച്ചോ അത് ഇന്ത്യയിലും സംഭവിക്കണമെന്നാണ് ഞാൻ ആ​ഗ്രഹിക്കുന്നത്.‘- ബസ്ഫീഡ് എഡിറ്റര്‍ ഇന്‍ ചീഫ് ബെന്‍ സ്മിത്തിനോട് സത്യ നദെല്ല പറഞ്ഞു. ബെന്‍ സ്മിത്ത് ആണ് ട്വിറ്റര്‍ വഴി ഇതാദ്യം പുറത്തുവിട്ടത്. പിന്നീട് മൈക്രോസോഫ്റ്റ് അവരുടെ ഔദ്യോഗിക ട്വിറ്റര്‍ വഴിയും നദെല്ലയുടെ പ്രതികരണം പങ്കുവച്ചു.

 

‘എല്ലാ രാജ്യങ്ങളും അവരുടെ അതിര്‍ത്തികള്‍ നിര്‍ണയിക്കണം. രാജ്യത്തെ സുരക്ഷ ഉറപ്പാക്കണം. അതിനനുസൃതമായ കുടിയേറ്റ നയങ്ങളും കൊണ്ടു വരണം. ജനാധിപത്യ രാജ്യങ്ങളില്‍ ആ അതിരുകള്‍ ജനങ്ങളും അവരുടെ ഭരണകൂടവും ചേർന്ന് ചര്‍ച്ച ചെയ്ത് നിര്‍ണയിക്കണം. ഞാന്‍ എന്നെ രൂപപ്പെടുത്തിയത് ഇന്ത്യന്‍ പാരമ്പര്യത്തിലാണ്. വൈവിധ്യമാര്‍ന്ന ഇന്ത്യന്‍ സംസ്കാരത്തിലാണ് ഞാന്‍ വളര്‍ന്നത്. യുഎസിലാണ് എന്റെ കുടിയേറ്റ അനുഭവം. ഒരു കുടിയേറ്റക്കാരന് ഇന്ത്യന്‍ സമൂഹത്തിനും സാമ്പത്തിക വ്യവസ്ഥയ്ക്കും ഗുണപ്രദമായ ഒരു മള്‍ട്ടി നാഷനല്‍ കോര്‍പറേഷനെ നയിക്കാൻ കഴിയുന്ന അല്ലെങ്കിൽ പുരോ​ഗതിയുള്ളൊരു സ്റ്റാർട്ട് അപ്പ് ആരംഭിക്കാൻ കഴിയുന്നൊരു ഇന്ത്യയാണ് എന്റെ പ്രതീക്ഷ’- മൈക്രോസോഫ്റ്റ് പങ്കുവച്ചു. ഹൈദ്രാബാദിൽ ജനിച്ച നദെല്ല അമേരിക്കൻ പൗരനാണ്. 

January 14, 2020, 12:40 pm

Advertisement