31 Sunday
May , 2020
10.38 PM
livenews logo
flash News
കേരളത്തിൽ വീണ്ടും കോവിഡ് മരണം; മരിച്ചത് കോഴിക്കോട് സ്വദേശിനി പ്രവാസികളുടെ മടക്കം: കെഎംസിസിയുടെ ചാര്‍ട്ടേഡ് വിമാനങ്ങള്‍ അടുത്തദിവസങ്ങളില്‍ പറന്നുയരുമെന്ന് നേതാക്കള്‍ വീരേന്ദ്രകുമാര്‍ അനുസ്മരണം മലപ്പുറം കൊക്കൂര്‍ സ്വദേശി അബൂദബിയില്‍ മരിച്ചു യുഎഇയില്‍ 661 പേര്‍ക്ക് കൂടി കൊറോണ വൈറസ് ബാധ; രണ്ടുമരണം ദുബയ് കെഎംസിസി ചാര്‍ട്ടേര്‍ഡ് ഫ്ളൈറ്റ്: പട്ടിക കോണ്‍സുല്‍ ജനറലിന് കൈമാറി അന്താരാഷ്ട്ര വിമാന സര്‍വീസ്‌ നിരോധനം ജൂണ്‍ 30 വരെ തുടരും സ്കൂട്ടർ ദേഹത്ത് തട്ടിയെന്ന്: അസമിൽ യുവാവിനെ ആൾക്കൂട്ടം തല്ലിക്കൊന്നു; നാല് പേർ അറസ്റ്റിൽ പാലത്തായി പീഡനം: വനിതാ ഐപിഎസ് ഉദ്യോഗസ്ഥയ്ക്ക് അന്വേഷണ ചുമതല നല്‍കണം; മുഖ്യമന്ത്രിക്ക് വിമന്‍ ജസ്റ്റിസ് മൂവ്‌മെന്റിന്റെ കത്ത് വൈദ്യപരിശോധനയ്‌ക്കെത്തിച്ച പോലിസ് മുങ്ങി; ബലാല്‍സംഗത്തിനിരയായ പെണ്‍കുട്ടി വീടെത്താന്‍ നടന്നത് 40 കിലോമീറ്റര്‍

ബം​ഗ്ലാദേശിലേക്ക് അയച്ചോളൂ; ഇന്ത്യൻ പൗരനായി പ്രഖ്യാപിക്കാതെ മൃതദേഹം ഏറ്റെടുക്കില്ലെന്ന് അസമിലെ തടവുകേന്ദ്രത്തിൽ മരിച്ച വൃദ്ധന്റെ കുടുംബം


​ഗുവാഹത്തി: ഫോറിനേഴ്സ് ട്രൈബ്യൂണൽ വിദേശിയാണെന്നു മുദ്രകുത്തിയതിനെ തുടർന്ന് അസമിൽ തടവുകേന്ദ്രത്തിൽ കഴിയുന്നതിനിടെ മരിച്ച വൃദ്ധന്റെ മൃതദേഹം ഏറ്റെടുക്കില്ലെന്ന് കുടുംബം. ഇന്ത്യൻ പൗരനാണെന്ന് പ്രഖ്യാപിക്കാതെ മൃതദേഹം ഏറ്റെടുക്കില്ലെന്നും ഇല്ലെങ്കിൽ ബം​ഗ്ലാദേശിലേക്ക് അയച്ചുകൊള്ളൂവെന്നും കുടുംബം അധികൃതരെ അറിയിച്ചു. ഇതോടെ ദിവസങ്ങൾക്കു മുമ്പ് മരിച്ച ദുലാൽ ചന്ദ്ര പോൾ എന്ന 65കാരന്റെ മൃതദേഹത്തെ ചൊല്ലിയുള്ള അനിശ്ചിതത്വം ദിവസങ്ങൾ പിന്നിട്ടു. മനോവൈകല്യമുള്ള ആളായിരുന്നു ദുലാൽ ചന്ദ്ര. നാലുദിവസം മുമ്പാണ് ദുലാൽ ചന്ദ്ര മരണപ്പെട്ടത്. അസമിലെ തേസ് പൂരിലെ തടവുകേന്ദ്രത്തിൽ 2017 മുതൽ കഴിയുകയായിരുന്നു അദ്ദേഹം. കുടുംബത്തിൽ  ദുലാൽ മാത്രമാണ് വിദേശിയായി മാറിയത്.

 

സംസ്ഥാനം അദ്ദേഹത്തെ വിദേശിയെന്നു പ്രഖ്യാപിച്ചതിനാൽ മൃതദേഹം ബം​ഗ്ലാദേശിനു കൈമാറുകയാണ് വേണ്ടത്. ദുലാൽ ചന്ദ്ര വിദേശിയല്ല ഇന്ത്യൻ പൗരനാണെന്ന് അധികൃതർ പ്രഖ്യാപിക്കുകയാണെങ്കിൽ മാത്രം തങ്ങൾ മൃതദേഹം ഏറ്റുവാങ്ങുമെന്നും അദ്ദേഹത്തിന്റെ മൂത്ത മകൻ ആശിഷ് പറഞ്ഞു.

 

മൃതദേഹം ഏറ്റെടുക്കണമെന്നാവശ്യപ്പെട്ട് സംസ്ഥാന സർക്കാർ നിരവധി തവണ കുടുംബത്തെ കാണുകയുണ്ടായി. എന്നാൽ വീട്ടുകാർ വഴങ്ങാൻ കൂട്ടാക്കിയില്ല. ആയിരക്കണക്കിനു പേരാണ് വിഷയത്തിൽ കഴിഞ്ഞദിവസം പ്രതിഷേധിച്ചത്. ​ഗതാ​ഗതം തടസ്സപ്പെടുത്തിയും ധർണ നടത്തിയുമായിരുന്നു പ്രതിഷേധം. തുടർന്ന് അധികൃതർ അന്വേഷണത്തിനുത്തരവിടുകയും ചെയ്തു.

 

 

അസം ദേശീയ പൗരത്വ രജിസ്റ്റർ അന്തിമ പട്ടിക പുറത്തുവിട്ടപ്പോൾ 19 ലക്ഷത്തിലേറെ പേരാണ് വിദേശികളായി മാറിയത്. നിശ്ചിത സമയപരിധിക്കകം പൗരത്വം തെളിയിച്ചില്ലെങ്കിൽ ഇവരും തടവുകേന്ദ്രത്തിൽ അടയ്ക്കപ്പെടും. ഇതിനായുള്ള തടവറകളുടെ നിർമാണം അസമിൽ വിവിധയിടങ്ങളിൽ നടന്നുവരികയാണ്.

October 17, 2019, 10:43 am

Advertisement