14 Friday
August , 2020
4.06 AM
livenews logo
flash News
നടി ​നിക്കി ​ഗൽറാണിക്ക് കോവിഡ് സ്ഥിരീകരിച്ചു മലപ്പുറം എസ്പിക്ക് കോവിഡ് ബാബരി മണ്ണിലെ അനീതിയുടെ ശിലാസ്ഥാപനം: പ്രതിപക്ഷ പാർട്ടികളുടെ നിലപാട് മതേതര ഇന്ത്യക്ക് അപമാനമെന്ന് കോയ ചേലേമ്പ്ര കാസർ​ഗോട്ടെ 16കാരിയുടെ മരണം വിഷം ഉള്ളിൽച്ചെന്ന്; കൊലപാതകത്തിൽ സഹോദരൻ കസ്റ്റഡിയിൽ വാരണാസിയിൽ കോവിഡ് ബാധിച്ച് മരിച്ച മെഡിക്കൽ ഓഫീസറുടെ മൃതദേഹം മാറി നൽകി; തിരിച്ചറിഞ്ഞത് ദഹിപ്പിക്കുന്നതിനിടെ കോവിഡ് വാക്സിൻ മൂന്നാം ഘട്ട പരീക്ഷണം 107 രാജ്യങ്ങളിൽ നിന്നായി 15000 വോളന്റിയർമാരിൽ പൂർത്തിയാക്കി ഇന്ന് 1564 പേര്‍ക്ക് കൊറോണ; 1380ഉം സമ്പർക്കം ആദ്യം നമസ്തേ ട്രംപ്, ഇപ്പോ രാമക്ഷേത്ര പൂജ; എന്നിട്ടും അവര്‍ പറയുന്നു ‘കൊറോണ ജിഹാദ്’; പ്രശാന്ത് ഭൂഷൺ പെട്ടിമുടിയിലെ കുടുംബങ്ങൾക്ക് വീട് വച്ച് നൽകും; വിദ്യാർഥികളുടെ പഠന ചെലവ് സർക്കാർ വഹിക്കും; മുഖ്യമന്ത്രി ഇന്ത്യയിൽ കൊറോണ ബാധിതർ 24 ലക്ഷം തൊടുന്നു; പുതുതായി രോ​ഗം സ്ഥിരീകരിച്ചത് 66999 പേർക്ക്

സൗദിയുമായുള്ള ചര്‍ച്ചകളില്‍ പുരോഗതിയെന്ന് ഖത്തര്‍ വിദേശകാര്യ മന്ത്രി


ദോഹ: രണ്ടുവര്‍ഷം പിന്നിട്ട ഗള്‍ഫ്‌ പ്രതിസന്ധി അനുരഞ്ജനത്തിന്‍റെ പാതയിലേക്ക് നീങ്ങുന്നതായും ഇയ്യിടെ സൗദി അറേബ്യയുമായി ഖത്തര്‍ നടത്തിയ ചര്‍ച്ചകള്‍ക്ക് ശേഷം പ്രശ്നപരിഹാരത്തിനുള്ള സാധ്യതകള്‍ തെളിഞ്ഞുവരുമെന്ന് പ്രതീക്ഷിക്കുന്നതായും ഖത്തര്‍ ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ്‌ മുഹമ്മദ് ബിന്‍ അബ്ദുല്‍ റഹ്മാന്‍ അല്‍ താനി. വെള്ളിയാഴ്ച റോമില്‍ നടന്ന ഒരു സമ്മേളനത്തില്‍ പങ്കെടുത്തു സംസാരിക്കുകയായിരുന്നു അദ്ദേഹം. ഗള്‍ഫ്‌ പ്രതിസന്ധി പരിഹരിക്കപ്പെടാനുള്ള സാധ്യതകള്‍ ശക്തിപ്പെട്ടതായി അന്താരാഷ്ട്ര മാധ്യമങ്ങള്‍ റിപോര്‍ട്ട് ചെയ്തുകൊണ്ടിരിക്കുന്ന സമയത്താണ് വിദേശകാര്യ മന്ത്രിയുടെ പ്രസ്താവന എന്നത് ശ്രദ്ധേയമാണ്.

 

ഖത്തറുമായി ബന്ധം പുനസ്ഥാപിക്കാന്‍ ഉപരോധ രാജ്യങ്ങള്‍ 13 ആവശ്യങ്ങളാണ് മുന്നോട്ടുവച്ചിരുന്നത്. അല്‍ ജസീറ ചാനല്‍ അടച്ചുപൂട്ടുക, ഇറാനുമായുള്ള ബന്ധം കുറയ്ക്കുക, ഖത്തറിലുള്ള തുര്‍കിഷ് സൈനിക താവളം അടച്ചുപൂട്ടുക എന്നിവ അതില്‍ പെടുന്നു. എന്നാല്‍ സൗദിയുമായി ഇപ്പോള്‍ നടക്കുന്ന ചര്‍ച്ചകളില്‍ ഈ 13 ആവശ്യങ്ങള്‍ ഉള്‍പ്പെടുന്നില്ലെന്നും വിദേശകാര്യ മന്ത്രി പറഞ്ഞു.

 

സൗദിയും ഖത്തറും തമ്മില്‍ വിവിധ സ്ഥലങ്ങളില്‍ നിരവധി ചര്‍ച്ചകള്‍ നടന്നതായി അദ്ദേഹം പറഞ്ഞു. ഒക്ടോബറില്‍ ഷെയ്ഖ്‌ മുഹമ്മദ് ബിന്‍ അബ്ദുല്‍ റഹ്മാന്‍ അല്‍ താനി സൗദിയില്‍ രഹസ്യ സന്ദര്‍ശനം നടത്തിയതായി വാള്‍സ്ട്രീറ്റ് ജേണല്‍ റിപോര്‍ട്ട്‌ ചെയ്തിരുന്നു.

 

ദോഹയിൽ നടക്കുന്ന അറേബ്യൻ ഗള്‍ഫ് കപ്പില്‍ പങ്കെടുക്കാന്‍ സൗദിയും യുഎഇയും തീരുമാനിച്ചതും ഡിസംബര്‍ പത്തിന് റിയാദില്‍ നടക്കുന്ന ഗള്‍ഫ്‌ ഉച്ചകോടിയില്‍ പങ്കെടുക്കാന്‍ ഖത്തര്‍ അമീറിന് സൗദി രാജാവിന്‍റെ ക്ഷണം ലഭിച്ചതും ​ഗൾഫ് പ്രതിസന്ധി ഇല്ലാതാവുന്നതിന്റെ സൂചനകളാണ് നൽകുന്നത്. ഭീകരവാദത്തെ പ്രോൽസാഹിപ്പിക്കുന്നു, ഭീകരസം​ഘടനകൾക്ക് സാമ്പത്തിക സഹായം നൽകുന്നു തുടങ്ങിയ കാരണങ്ങൾ ചൂണ്ടിക്കാട്ടിയാണ് സൗദിയും യുഎഇയും ബഹ്റയ്നും ഉൾപ്പെടെയുള്ള രാജ്യങ്ങൾ ഖത്തറിനെതിരേ ഉപരോധമേർപ്പെടുത്തിയത്.

 

അതേസമയം ഉപരോധത്തെ മറികടക്കുന്നതിനുള്ള അനേക നടപടികൾ ത്വരിത​ഗതിയിൽ പൂർത്തിയാക്കി ഖത്തർ 2022 ലോകകപ്പ് ഫുട്ബോളിന് ആതിഥ്യം വഹിക്കുന്നതിനുള്ള ഒരുക്കങ്ങളും ഇതിനകം നടത്തിക്കഴിഞ്ഞു.

December 07, 2019, 15:12 pm

Advertisement

Advertisement