4 Thursday
March , 2021
2.45 PM
livenews logo
flash News
നല്ലവരായി ജീവിക്കാന്‍ ഔപചാരിക വിദ്യാഭ്യാസം മാത്രം മതിയാകില്ല: മേയര്‍ ഇ ശ്രീധരൻ ബിജെപിയുടെ മുഖ്യമന്ത്രി സ്ഥാനാർഥിയെന്ന് കെ സുരേന്ദ്രൻ രണ്ടിലയ്ക്കു വേണ്ടി ജോസഫ് വിഭാ​ഗം സുപ്രിംകോടതിയിൽ സർക്കാരിന് തിരിച്ചടി; സ്ഥിരപ്പെടുത്തൽ നിയമനങ്ങൾ ഹൈക്കോടതി റദ്ദാക്കി ഓവറിൽ ആറു സിക്സുമായി പൊള്ളാർഡ്; ലങ്കയ്ക്കെതിരേ വെസ്റ്റിൻഡീസിന് ജയം യുപിയിൽ ദുരഭിമാനക്കൊല: 17കാരിയുടെ തലവെട്ടിയെടുത്ത് പിതാവ് പൊലീസ് സ്റ്റേഷനിൽ ഐ എം വിജയൻ ഇനി മലബാർ സ്പെഷൽ പൊലീസ് അസിസ്​റ്റന്റ് കമാൻഡന്റ് മകനെ കാണാനില്ലെന്ന് പരാതി; വണ്ടികയറ്റികൊന്ന അമ്മയെ കൈയോടെ പിടിച്ച് പൊലീസ് ശ്രീജ നെയ്യാറ്റിൻകരയ്ക്കെതിരെ ലൈം​ഗികാധിക്ഷേപവുമായി പൊലീസുകാരൻ; അശ്ലീല കമന്റുകൾ സംഘപരിവാറിനെതിരായ പോസ്റ്റുകളിൽ ഡൽഹി വംശഹത്യ ബാധിച്ച മുസ്‌ലിം ഭൂരിപക്ഷ വാർഡിൽ കോൺഗ്രസ് സ്ഥാനാർഥിയുടെ ഭൂരിപക്ഷം 10642; ബിജെപിക്ക് 105 വോട്ട്

കർഷകർക്കൊപ്പം; കാർഷിക നിയമങ്ങൾ പഠിക്കാൻ നിയോ​ഗിച്ച സമിതിയിൽ നിന്ന് പിന്മാറി ഭൂപീന്ദർ സിങ്


കാർഷിക നിയമങ്ങൾ സ്റ്റേ ചെയ്തതിനു പിന്നാലെ അവയുടെ പ്രശ്നങ്ങൾ പഠിക്കാൻ സുപ്രീംകോടതി നിയോഗിച്ച വിദഗ്ധ സമിതിയിൽ ഭിന്നത. സമിതിയിൽ നിന്നും കാർഷിക സാമ്പത്തിക വിദഗ്ധൻ ഭൂപീന്ദർ സിങ് മാൻ പിന്മാറി. പഞ്ചാബിലെ കർഷകരുടെ താൽപര്യം പരിഗണിച്ച് ​സമിതിയിൽ നിന്ന്​ താൻ പിന്മാറുകയാണെന്ന്​ സുപ്രീംകോടതി നിയോഗിച്ച നാലംഗ സംഘത്തിലെ അംഗമായ ഭൂപീന്ദർ സിങ് അറിയിച്ചു.

 

ഭാരതീയ കിസാൻ യൂണിയന്റെ അധ്യക്ഷൻ ആണ് ഭൂപീന്ദർ സിങ്. കർഷകരുടെ ഒപ്പം നിൽക്കുകയാണെന്നും യാതൊരു വിധ വിട്ടുവീഴ്ചയ്ക്കും തയാറാവാൻ സാധിക്കില്ലെന്നും ഭൂപീന്ദർ സിങ് പറഞ്ഞു. സമിതിയിൽ ഉൾപ്പെടുത്തിയ സുപ്രീംകോടതിയോട്​ നന്ദിയുണ്ട്​. കർഷകനെന്ന നിലയിലും കാർഷിക യുണിയൻ നേതാവെന്ന നിലയിലും കർഷകരുടെ വികാരം എനിക്ക്​ മനസിലാക്കാനാവും.

 

ഈയൊരു സാഹചര്യത്തിൽ എനിക്ക്​ ലഭിച്ച പദവി ഉപേക്ഷിക്കാൻ തയാറാണ്​. പഞ്ചാബിലെ കർഷകരുടെ താൽപര്യങ്ങളെ തനിക്ക്​ ഉപേക്ഷിക്കാനാവില്ലെന്ന്​ ഭൂപീന്ദർ സിങ്​ മാൻ പറഞ്ഞു. അതേസമയം, ഭൂപീന്ദർ സിങ്​ മാൻ സമിതിയിൽ നിന്ന്​ പിന്മാറുകയാണെന്ന്​ ഭാരതീയ കിസാൻ യൂണിയനും ട്വിറ്ററിലൂടെ അറിയിച്ചിട്ടുണ്ട്​. 

 

കഴിഞ്ഞദിവസമാണ്​ കർഷക പ്രശ്​നം പരിഹരിക്കാൻ സുപ്രീംകോടതി നാലംഗ സമിതിയെ നിയോഗിച്ചത്​. എന്നാൽ, സമിതിക്കെതിരെ രൂപീകരണവേളയിൽ തന്നെ വിമർശനങ്ങൾ ഉയർന്നിരുന്നു. 

 

നേരത്തെ കേന്ദ്ര കാർഷിക മന്ത്രി അടക്കമുള്ളവരെ സമീപിച്ച് കാർഷിക നിയമങ്ങൾ നടപ്പാക്കണമെന്ന് ആവശ്യപ്പെട്ട ആളായിരുന്നു ഭൂപീന്ദർ സിങ്. തുടർന്ന് കേന്ദ്ര സർക്കാർ കാർഷിക നിയമങ്ങളിലെ പ്രശ്നങ്ങൾ പഠിക്കാനുള്ള സമിതിയുടെ മധ്യസ്ഥത വഹിക്കാൻ സിങ്ങിനോട് ആവശ്യപ്പെടുകയായിരുന്നു. ഇതിനു പിന്നാലെയാണ് കർഷകർക്ക് പിന്തുണ പ്രഖ്യാപിച്ച് സമിതിയിൽ നിന്നും ഭൂപീന്ദർ സിങ് പിന്മാറുന്നത്.

 

പഞ്ചാബിൽ നിന്ന് വലിയ തോതിലുള്ള വിമർശനങ്ങളും പ്രതിഷേധവും ഭൂപീന്ദർ സിങ് നേരിട്ടിരുന്നു. ഈ സാഹചര്യത്തിലാണ് കർഷക സമരത്തിനൊപ്പം നിൽക്കാനും സമിതിയിൽ നിന്ന് പിന്മാറാനും ഭൂപീന്ദർ സിങ് തീരുമാനിക്കുന്നത്.

January 14, 2021, 16:51 pm

Advertisement

Advertisement