18 Friday
September , 2020
9.31 PM
livenews logo
flash News
ദുബയ് നടപടി പിൻവലിച്ചു; നാളെ മുതൽ ദുബയിൽ നിന്ന് ഇന്ത്യയിലേക്കും തിരിച്ചുമുള്ള സർവീസുകൾ പുനരാരംഭിക്കുമെന്ന് എയർഇന്ത്യ ടിക്ക്ടോക്കിനും വിചാറ്റിനും പൂട്ടിട്ട് അമേരിക്ക; നിരോധനം ഞായറാഴ്ച മുതൽ ഷോപിയാനിൽ യുവാക്കൾ വെടിയേറ്റ് മരിച്ച സംഭവം: സൈനികർ നിയമം ലംഘിച്ചെന്ന് കണ്ടെത്തൽ; നടപടിക്കൊരുങ്ങി ആർമി ഒക്ടോബർ പകുതിയോടെ തൊണ്ണൂറിലേറെ കേന്ദ്രങ്ങളിലേക്ക് സർവീസ് നടത്തുമെന്ന് ഖത്തർ എയർവേസ് സംസ്ഥാനത്ത് 4167 പേർക്ക് കൂടി കൊറോണ; 3849 പേർ സമ്പർക്കബാധിതർ പ്ലേ സ്റ്റോറിൽ നിന്ന് പേ ടിഎം ആപ്പ് നീക്കം ചെയ്ത് ​ഗൂ​ഗിൾ ഡൽഹി കലാപത്തിൽ ജയിലിലടച്ച ജെഎൻയു വിദ്യാർഥിനിക്ക് ജാമ്യം; കലാപം പ്രോൽസാഹിപ്പിച്ചതിനു തെളിവില്ലെന്ന് ഡൽഹി കോടതി വീടുകൾ കേന്ദ്രീകരിച്ച് മോഷണം നടത്തിവന്ന മൂന്നു സൗദി യുവാക്കൾ അറസ്റ്റിലായി ഖത്തർ യുഎഇ തർക്കത്തിൽ പണംവാരി വാഷിങ്ടൺ ലോബികൾ ശിശുവിന്റെ മൃതദേഹം ഫ്രീസറിൽ വച്ചത് ജീവനക്കാർ മറന്നു; കണ്ടെത്തുന്നത് അഞ്ചാം ദിവസം

സ്തനസൗന്ദര്യ ചികിൽസ: സ്ത്രീകൾക്ക് മുന്നറിയിപ്പുമായി എഫ്ഡിഎ


സ്തനസൗന്ദര്യചികിൽസയ്ക്കു(ബ്രസ്റ്റ് ഇംപ്ലാന്റ്)വിധേയരാവുന്നതിനു മുമ്പ് സ്ത്രീകൾക്ക് അതിന്റെ പ്രത്യാഘാതങ്ങളെക്കുറിച്ച് മുന്നറിയിപ്പ് നൽകിയിരിക്കണമെന്ന് യുഎസ് ഫുഡ് ആന്റ് ഡ്ര​ഗ് അഡ്മിനിസ്ട്രേഷൻ മുന്നറിയിപ്പ്. ക്ഷീണം, സന്ധിവേദന, അപൂർവ അർബുദത്തിനുള്ള സാധ്യത തുടങ്ങിയ കാര്യങ്ങൾ ബ്രസ്റ്റ് ഇംപ്ലാന്റിനു ശേഷം ഉണ്ടാവുമെന്ന് ചികിൽസയ്ക്കു വിധേയരാവുന്നതിനു മുമ്പ് സ്ത്രീകളെ ബോധവൽക്കരിക്കണമെന്നാണ് മുന്നറിയിപ്പ്.

 

ഇംപ്ലാന്റ്സ് പാക്കേജുകൾക്കു മുകളിൽ ഇത്തരം മുന്നറിയിപ്പുകൾ പ്രദർശിപ്പിക്കണമെന്ന് നിർമാതാക്കൾക്ക് അധികൃതർ നിർദേശം നൽകി. സ്തന സൗന്ദര്യ ചികിൽസയ്ക്ക് വിധേയരാവുന്നവരിൽ ഉയർന്ന തോതിൽ ഓട്ടോഇമ്യൂൺ രോ​ഗ(പ്രതിരോധ സംവിധാനം ശരീരത്തെ ആക്രമിക്കുന്ന അവസ്ഥ)ത്തിന് കാരണമാവുന്നുണ്ടെന്ന പഠനത്തിന്റെ അടിസ്ഥാനത്തിലാണ് എഫ്ഡിഎ മുന്നറിയിപ്പ്.

 

ലക്ഷക്കണക്കിന് സ്ത്രീകളാണ് സ്തനവലിപ്പം കൂട്ടുന്നതിനും അർബുദത്തിനു ശേഷം നീക്കം ചെയ്ത സ്തനങ്ങൾക്കു പകരമായും ബ്രസ്റ്റ് ഇംപ്ലാന്റ് രീതി അവംലബിക്കാറുള്ളത്. 2018ൽ 3,13,000 സ്ത്രീകൾ സ്തനവലിപ്പം കൂട്ടാനുള്ള ശസ്തക്രിയയ്ക്ക് വിധേയരായെന്നാണ് കണക്ക്. ഒരുലക്ഷത്തിലേറെ പേർ അർബുദത്തെ തുടർന്ന് നീക്കം ചെയ്ത സ്തനങ്ങൾ പുനസ്ഥാപിക്കുന്ന ചികിൽസയ്ക്കും വിധേയരായി. ശസ്ത്രക്രിയയ്ക്ക് വിധേയരായവരിൽ ആയിരക്കണക്കിനു പേർക്കാണ് സന്ധിവേദനയും തളർച്ചയും ഉൾപ്പെടെയുള്ള രോ​ഗാവസ്ഥയുണ്ടായത്.

 


ബ്രസ്റ്റ് ഇംപ്ലാന്റ് ചികിൽസയ്ക്കു വിധേയരായ ശേഷം ബുദ്ധിമുട്ടുകൾ നേരിടുന്നവർ മാർച്ച് മാസത്തിൽ ഉപദേശക സമിതി മുമ്പാകെ ഹാജരായി തങ്ങളുടെ പരാതികൾ ബോധിപ്പിച്ചിരുന്നു. ഇതിന്റെ അടിസ്ഥാനത്തിലാണ് എഫ്ഡിഎ ചെക് ലിസ്റ്റ് തയ്യാറാക്കിയതും നിർമാതാക്കൾക്ക് വിവിധ നിർ​ദേശങ്ങൾ കൈമാറിയതും.

October 24, 2019, 20:54 pm

Advertisement

Advertisement