8 Wednesday
April , 2020
3.32 AM
livenews logo
flash News
ലോകം മുഴുവൻ സുഖം പകരാൻ അവരൊന്നിച്ചു പാടി; ശ്രദ്ധേയമായി മലയാളി ​ഗായകരുടെ ലോക്ക്ഡൗൺ പാട്ട് തബ്​ലീഗ്​ ജമാഅത്തുകാർക്കെതിരെ നുണ പ്രചരണവുമായി ബിജെപി എംപി; സത്യം വ്യക്തമാക്കി പൊലീസും ഡോക്ടറും ബ്രിട്ടനിൽ പ്രസിദ്ധ ഹാർട്ട് സർജൻ കൊറോണ ബാധിച്ചുമരിച്ചു; ഇതുവരെ മരിച്ചത് ആറു ഡോക്ടർമാർ 'ഇവിടെ ഒരു ട്രീറ്റ്മെന്റും കിട്ടുന്നില്ല; രക്ഷിക്കണം': ദുരിതം വിവരിച്ച് ഡൽഹിയിൽ കോവിഡ് ബാധിച്ച മലയാളി നഴ്സ് കൊറോണ ദുരിതാശ്വാസത്തിന് അജിത്തിന്റെ ഒന്നേകാൽ കോടി രൂപ ഡൽഹിയിൽ മുസ്‌ലിം പള്ളിക്ക് നേരെ വെടിവച്ച നാല് പേർ അറസ്റ്റിൽ; കാരണം തബ്‌ലീഗുകാരോടുള്ള വിരോധം കൊറോണക്കാലത്ത് ഒരുലക്ഷം തൊഴിലാളി കുടുംബങ്ങൾക്ക് സഹായവുമായി ബി​ഗ് ബിയുടെ സിനിമാ കുടുംബം; പദ്ധതിക്ക് പിന്തുണയുമായി കല്യാൺ ജൂവലേഴ്സും കോവിഡ്: സഹായത്തിനായി അമേരിക്കയോട് കൈ നീട്ടില്ലെന്ന് ഇറാൻ കൊറോണ: ഫോർവേഡ് സന്ദേശങ്ങൾക്ക് നിയന്ത്രണമേർപ്പെടുത്തി വാട്സ്ആപ്പ് വ്യാജ അശ്ലീല വീഡിയോകളും ചിത്രങ്ങളും പ്രചരിപ്പിച്ചു; ഡിജിപിക്ക് പരാതി നൽകി ജൂഹി രസ്തോ​ഗി

മലയാളി പൊളിയല്ലേ; പ്രളയത്തെ തോൽപ്പിച്ചവർ കൊറോണ വിതയ്ക്കുന്ന ദുരിതകാലത്തിലും സഹായഹസ്തം നീട്ടുന്നു


ചൈനയിലെ വുഹാനിൽ നിന്ന് ആരംഭിച്ച് ലോകത്തുടനീളം പടർന്നുപിടിച്ച കൊറോണവൈറസ് തകർത്തെറിയുന്നത് വിവിധ വ്യാപാരമേഖലകളെ കൂടിയാണ്. കൊറോണ വൈറസ് വ്യാപന ഭീതിക്കിടെ കച്ചവടവും മറ്റും നഷ്ടത്തിലായതോടെ വാടക കൊടുക്കാൻ പോലും കഴിയാതെ സംസ്ഥാനത്ത് നട്ടംതിരിയുന്നത് ആയിരക്കണക്കിന് വ്യാപാരികളാണ്. ഇങ്ങനെ ബുദ്ധിമുട്ടിലായ വ്യാപാരികൾക്ക് ആശ്വാസമേകി നിരവധി കെട്ടിട ഉടമകളാണ് രം​ഗത്തെത്തിയിരിക്കുന്നത്.

 

കമളശ്ശേരി എച്ച്എംടി ജങ്ഷനിലെ ഷോപ്പിങ് കോംപ്ലക്സ് ഉടമയും പ്രവാസി വ്യവസായ പ്രമുഖനുമായ അമീർ അഹമ്മദ് നാൽപതോളം കടകളിൽ നിന്ന് പ്രതിമാസം ലഭിക്കുന്ന മൂന്നരലക്ഷം രൂപയാണ് വാടകയിനത്തിൽ വേണ്ടെന്നുവച്ചത്. മണപ്പാട്ട് ഫൗണ്ടേഷൻ ചെയർമാൻ കൂടിയായ അമീർ അഹമ്മദ് ചാരിറ്റി മേഖലകളിലും വ്യക്തിമുദ്ര പതിപ്പിച്ചയാളാണ്.

 

സി ഇ ചാക്കുണ്ണിയെന്ന കോഴിക്കോട്ടെ വ്യാപാരപ്രമുഖനും കൊറോണ വിതച്ച ദുരിതങ്ങൾക്കിടെ വ്യാപാരികൾക്ക് ആശ്വാസം പകർന്നു. മിഠായിത്തെരുവിൽ ചാക്കുണ്ണിക്കും കുടുംബത്തിനുമായുള്ള നൂറോളം കടമുറികളുടെ ഒരുമാസത്തെ വാടകയാണ് വേണ്ടെന്നുവച്ചിരിക്കുന്നത്. വാടകയിനത്തിൽ ലഭിക്കേണ്ട  12 ലക്ഷം രൂപയാണ് ഇവർ ത്യജിച്ചത്. സെയിൽസ്മാനായി ജീവിതം ആരംഭിച്ച തനിക്ക് ഒരു വ്യാപാരിയുടെ ബുദ്ധിമുട്ടുകൾ അറിയാമെന്നാണ് ഈ തീരുമാനത്തെക്കുറിച്ച് ചാക്കുണ്ണി പറയുന്നത്.

 

കോഴിക്കോട് അരീക്കാട്ടുള്ള 24 കടമുറികളുടെ വാടക രണ്ടുമാസത്തേക്കാണ് കെ പി നൂറുദ്ദീൻ എന്ന പ്രവാസി വേണ്ടെന്നു വച്ചത്. ആളുകൾ നിത്യവൃത്തിക്കു പാടുപെടുമ്പോഴുണ്ടായ കോവിഡ്-19 പകർച്ച കച്ചവടക്കാരെ ഏറെ ബാധിച്ചതായും ഇത്തരമൊരു സാഹചര്യത്തിലാണ് രണ്ടുമാസത്തേക്ക് വാടക നൽകേണ്ടതില്ലെന്നു വ്യാപാരികളെ അറിയിച്ചതെന്നും അദ്ദേഹം പറഞ്ഞു.

 

 

വടകര ലിങ്ക് റോഡിലെ വൺടൂത്രീ മാൾ ഉടമ റിയാസ് പാണ്ടികശാല മാർച്ച്, ഏപ്രിൽ മാസങ്ങളിലെ വാടകയാണ് വ്യാപാരികൾക്ക് ഒഴിവാക്കി നൽകിയത്.

 


അടുത്തടുത്ത രണ്ടു വർഷങ്ങളിൽ നടന്ന പ്രളയങ്ങളിൽ സഹജീവി സ്നേഹത്തിന്റെ ഉദാത്ത മാതൃകകൾ സൃഷ്ടിച്ച നാടാണ് കേരളം. ഇത്തിരിപ്പോന്ന വൈറസിനു മുന്നിൽ ലോകം മുഴുവൻ ഇന്നു വിറങ്ങലിച്ചുനിൽക്കുമ്പോഴും അതേ കാരുണ്യപ്പുഴകളാണ് ഇപ്പോൾ നമ്മുടെ നാട്ടിൽ കവിഞ്ഞൊഴുന്നത്. ഉള്ളതിൽ പാതി മറ്റുള്ളവർക്ക് പകുത്തുനൽകുന്നവർ അടക്കം അനേകം വ്യക്തികൾ നമുക്കിടയിൽ ആരുമറിയാതെ പോവുന്നുണ്ട്.

 

March 25, 2020, 20:59 pm

Advertisement