17 Sunday
January , 2021
1.51 PM
livenews logo
flash News
'അയ്യോ ഞങ്ങളെ അൺ ഇൻസ്റ്റാൾ ചെയ്യല്ലേ'; 'ആപ്പിലായതോടെ' സ്റ്റാറ്റസിലൂടെയും വിശദീകരണവുമായി വാട്ട്സ്ആപ്പ്; പിന്നാലെ ട്രോൾ മഴ ശ്രീധരൻ പിള്ള തേഞ്ഞു; നേതാക്കളാരും എത്തിയില്ല; മുസ്‌ലിം സംഘടനാ പ്രതിനിധികളുമായുള്ള കൂടിക്കാഴ്ച ചീറ്റി മധ്യപ്രദേശിൽ 13കാരിയെ ഒമ്പതം​ഗസംഘം നിരവധി തവണ കൂട്ടബലാൽസം​ഗം ചെയ്തു മലബാര്‍ എകസ്പ്രസില്‍ തീപ്പിടിത്തം; ഒഴിവായത് വൻ ദുരന്തം; യാത്രക്കാർ സുരക്ഷിതർ ആന്ധ്രയിൽ ക്ഷേത്രങ്ങൾ തകർക്കുന്നതിനു പിന്നിൽ ബിജെപിയും ടിഡിപിയുമെന്ന് പൊലീസ് മേധാവി ആത്മഹത്യ ചെയ്യാൻ ​ഗർഭിണി കിണറ്റിൽ ചാടി; പിന്നാലെ ഭർത്താവും, രക്ഷയ്ക്കെത്തിയത് അ​ഗ്നിരക്ഷാസേന കങ്കണ മാനസികരോ​ഗിയും വായാടിയുമെന്ന് അർണബ്; അതിര് വിടുന്നതായും വാട്ട്സ്ആപ്പ് ചാറ്റ് മലപ്പുറത്ത് കോൺഗ്രസ് കച്ചമുറുക്കുന്നു മാപ്പുമില്ല കോപ്പുമില്ല; ഗാന്ധിജിയെ വധിച്ചത് ആര്‍എസ്എസെന്ന് പറഞ്ഞതിന് വക്കീൽ നോട്ടീസ് അയച്ചവരോട് റിജിൽ മാക്കുറ്റി അർണബുമായുള്ള വാട്ട്സ്ആപ്പ് ചാറ്റ് പുറത്തുവന്നതിന് പിന്നാലെ മുൻ ബാർക് സിഇഒ ഐസിയുവിൽ; പ്രതികരണ ശേഷി നഷ്ടമായെന്ന് ഡോക്ടർമാർ

ജനതാ കർഫ്യൂവിനിടെ ആളുകളെ തടഞ്ഞ് ചോദ്യം ചെയ്ത് ദൃശ്യങ്ങൾ പ്രചരിപ്പിച്ചയാൾക്കെതിരെ കേസ്


പത്തനംതിട്ട: ജനതാ കര്‍ഫ്യൂവിന്റെ പേരില്‍ സദാചാര പൊലീസ് ചമഞ്ഞ് വഴിയാത്രക്കാരെ തടഞ്ഞ് നിര്‍ത്തി ചോദ്യം ചെയ്യുകയും ദൃശ്യങ്ങള്‍ ചിത്രീകരിച്ച് സമൂഹമാധ്യമങ്ങള്‍ വഴി പ്രചരിപ്പിക്കുകയും ചെയ്തയാള്‍ക്കെതിരെ കേസെടുത്തു. പ്രകാശ് ഇഞ്ചത്താനം എന്നയാൾക്കെതിരെയാണ് കേസെടുത്തത്. ഇയാള്‍ക്കെതിരെ പത്തനംതിട്ട പ്രസ് ക്ലബ്ബ് കളക്ടര്‍ക്കും എസ്പിക്കും പരാതി നല്‍കിയിരുന്നു. ഓൺലൈൻ ചാനൽ എന്ന പേരിലാണ് ഇയാൾ വീഡിയോ എടുത്ത് പ്രചരിപ്പിച്ചത്.

 

ഇന്നലെ രാവിലെ ഒമ്പത് മണിയോടെയായിരുന്നു സംഭവം. സെന്‍ട്രല്‍ ജങ്ഷന്‍ വഴി അത്യാവശ്യ കാര്യങ്ങള്‍ക്ക് പോയ ആളുകളെയാണ് ഇയാള്‍ തടഞ്ഞുനിര്‍ത്തി ചോദ്യം ചെയ്തത്. 'പ്രധാനമന്ത്രി പ്രഖ്യാപിച്ച കര്‍ഫ്യൂവില്‍ എന്താണ് പങ്കെടുക്കാത്തത്, എന്തുകൊണ്ട് നിങ്ങളീ കർഫ്യൂ സമയത്ത് ഇറങ്ങി നടന്നു, എന്തിനാണ് പുറത്തിറങ്ങിയത്' എന്നൊക്ക ചോദിച്ച് ഇയാള്‍ ആളുകളോട് ദേഷ്യപ്പെടുകയും ആക്രോശിക്കുകയുമായിരുന്നു.

 

ഇതിനിടെ, ബൈക്കിലെത്തിയ ആൾ പൊലീസുകാരനാണെന്നറിയാതെ ചോദ്യം ചെയ്യുകയും വെച്ചൂച്ചിറ സ്റ്റേഷനിലെ പൊലീസാണെന്ന് പറയുകയും ചെയ്യുന്നതോടെ ഇയാൾ പരുങ്ങലിലാവുകയും ചെയ്യുന്നു. ഒടുവിൽ നടന്നുവരുന്ന മറ്റൊരാൾ 'ചേട്ടനെന്തിനാ ഇറങ്ങിയേ, ചേട്ടന് പെരക്കകത്ത് കയറി ഇരിക്കാൻ മേലേ, ചേട്ടന് ഇറങ്ങാമോ' എന്നു തിരിച്ചുചോദിക്കുന്നതോടെ ഇയാൾക്ക് പിന്നീടൊന്നും മിണ്ടാൻ പറ്റാതാവുകയായിരുന്നു. 

 

തുടർന്ന്, 'ഇതാണ് ജനങ്ങളുടെ പ്രതികരണം' എന്നു പറഞ്ഞ് വീഡിയോ ഷൂട്ടിങ് അവസാനിപ്പിച്ച് പ്രകാശ് ഇഞ്ചത്താനം തടിതപ്പുകയായിരുന്നു. ഇയാൾ പ്രചരിപ്പിച്ച വീഡിയോ സോഷ്യൽമീഡിയയിൽ വൈറലായിരുന്നു. 

March 23, 2020, 10:54 am

Advertisement

Advertisement