17 Tuesday
September , 2019
1.36 AM
livenews logo
flash News
സംവരണം: യോഗി ആദിത്യനാഥിന് തിരിച്ചടിയായി അലഹബാദ് ഹൈക്കോടതി വിധി കർണാടകയിൽ കന്നഡ മതി; അതിൽ വിട്ടുവീഴ്ചയില്ല; അമിത്ഷായുടെ ഹിന്ദി വാദം തള്ളി യെദ്യൂരപ്പ പ്രതികൾക്കെതിരെ കൊലക്കുറ്റം ചുമത്തിയില്ലെങ്കിൽ ജീവനൊടുക്കും; തബ്‌രീസ് അന്‍സാരിയുടെ ഭാര്യ പഴയത്ത് മന സുമേഷ് നമ്പൂതിരി ഗുരുവായൂര്‍ ക്ഷേത്രം മേല്‍ശാന്തി പഞ്ചറായ ടയര്‍ മാറ്റിയിടുന്നതിനിടെ ഡ്രൈവറും സഹായിക്കാനെത്തിയ ഡോക്ടറും ബസ് കയറി മരിച്ചു അസം ഒരു ഉദാഹരണമാണ്; യുപിയിലും പൗരത്വ പട്ടിക കൊണ്ടുവരുമെന്ന് ആദിത്യനാഥ് ഫാറൂഖ് അബ്ദുല്ല പൊതുസുരക്ഷാ നിയമ പ്രകാരം കസ്റ്റഡിയിൽ; നടപടി ഹേബിയസ് കോർപസ് പരി​ഗണിക്കാനിരിക്കെ കശ്മീരില്‍ സ്‌കൂളുകള്‍ അടഞ്ഞുതന്നെ; കുട്ടികളെ പഠിപ്പിക്കാന്‍ ബദല്‍മാര്‍ഗവുമായി അധികൃതര്‍ ആവശ്യമെങ്കിൽ ജമ്മു കശ്മീർ സന്ദർശിക്കും: സുപ്രീംകോടതി ചീഫ് ജസ്റ്റിസ് മാതൃഭാഷ ഹിന്ദിയായവർ വെറും 26% മാത്രം; ഏറ്റവുമധികം സംസാരിക്കുന്നത് ഹിന്ദിയല്ലെന്ന് സെൻസസ് കണക്കുകൾ

അവശേഷിക്കുന്ന സംസ്ഥാനങ്ങളിലും ​ഗോഹത്യാ നിരോധനം നടപ്പാക്കുമെന്ന് പശു കമ്മീഷൻ ചെയർമാൻ

September 11, 2019, 12:25 pm

കൂടുതൽ സംസ്ഥാനങ്ങളിൽ ഗോവധം നടപ്പാക്കുമെന്ന മുന്നറിയിപ്പുമായി ദേശീയ പശു കമ്മീഷൻ ചെയർമാൻ. ഇപ്പോൾ ​ഗോവധം നിയമവിധേയമായ എല്ലാ സംസ്ഥാനങ്ങളിലും അധികം താമസിയാതെ തന്നെ പശുക്കളെ അറുക്കുന്നതിന് വിലക്ക് കൊണ്ടുവരുമെന്ന് കമ്മീഷൻ ചെയർമാൻ വല്ലഭ് കതിരിയ അറിയിച്ചു.

 

"ശാസ്ത്രത്തിന്റെയും ആത്മീയതയുടെയും സങ്കലനത്തിലൂടെ പശുവിനെ സാമൂഹിക പരിഷ്കരണത്തിനുള്ള ഒരു ഉപാധിയാക്കി മാറ്റാനാണ് കമ്മീഷൻ ഉദ്ദേശിക്കുന്നത്." കതിരിയ പറഞ്ഞു. ഗോരക്ഷകർ പശുക്കളുടെ ക്ഷേമത്തിനായി അഹോരാത്രം പ്രവർത്തിക്കുന്നവരാണെന്നും ആകെ റിപ്പോർട്ട് ചെയ്യപ്പെട്ടിട്ടുള്ള ഒറ്റപ്പെട്ട ചില ആൾക്കൂട്ട ഹത്യകൾ നടന്നത് അനധികൃതമായി പശുക്കളെ കടത്തുന്നതുമായി ബന്ധപ്പെട്ടാണെന്നുമാണ് കതിരിയയുടെ വാദം.

 

തദ്ദേശീയമായ ഉയർന്ന പാലുൽപാദന ശേഷിയുള്ള ഇനങ്ങൾ വികസിപ്പിച്ചു കൊണ്ടുവരാനും പദ്ധതിയുണ്ട്. ചാണകവും ഗോമൂത്രവും ഉപയോഗിച്ചുള്ള ജൈവവളങ്ങളുടെയും കീടനാശിനികളുടെയും ഉപയോഗത്തിലൂടെ കൃഷിയുടെ ചെലവ് വലിയ തോതിൽ കുറയ്ക്കാനാകുമെന്നും  കതിരിയ 'ഇന്ത്യ സ്‌പെൻഡി'നു നൽകിയ അഭിമുഖത്തിൽ കതാരിയ അഭിപ്രായപ്പെട്ടു.

 

2019 ഫെബ്രുവരിയിലാണ് പശുക്കളുടെ ക്ഷേമത്തിനെന്ന പേരിൽ കേന്ദ്ര സർക്കാർ കമ്മീഷൻ സ്ഥാപിക്കുന്നത്. 'രാഷ്ട്രീയ കാമധേനു ആയോഗ്' കെട്ടിപ്പടുക്കുന്നതിലൂടെ രാജ്യത്തെ മാടുകളുടെ സംരക്ഷണമാണ് ഉദ്ദേശിക്കുന്നതെന്നാണ് സർക്കാർ അവകാശവാദം. ആർഎസ്എസിൽ പ്രധാന സ്ഥാനങ്ങൾ വഹിച്ചിട്ടുള്ള കതിരിയ മുൻകാലങ്ങളിൽ ഗുജറാത്തിലെ ഗോ സേവാ ആയോഗിന്റെ ചെയർമാനായിരുന്നു.

 

കഴിഞ്ഞ അഞ്ചുവർഷത്തിനിടെ പശുസംരക്ഷണവുമായി ബന്ധപ്പെട്ടുള്ള അക്രമസംഭവങ്ങളിൽ ​ഗണ്യമായ വർധനവാണ് ഉണ്ടായിരിക്കുന്നത്. 2012 മുതൽ പശുക്കളുമായി ബന്ധപ്പെട്ട 133 അക്രമസംഭവങ്ങളാണ് റിപ്പോർട്ട് ചെയ്യപ്പെട്ടിട്ടുള്ളത്. 50ലധികം പേർക്ക് ജീവൻ നഷ്ടമായി. 290 പേർക്ക് മർദനങ്ങളിൽ ഗുരുതര പരിക്കുകളേറ്റു. 2014 നു ശേഷമാണ് ഇതിൽ 98 ശതമാനം അക്രമങ്ങളും നടന്നിട്ടുള്ളത്. 2017ൽ ​രാജ്യമൊട്ടാകെ ​ഗോഹത്യ നിരോധനം ഏർപ്പെടുത്തിയെങ്കിലും കേരളം അടക്കമുള്ള സംസ്ഥാനങ്ങളുടെ കടുത്ത എതിർപ്പിനെ തുടർന്ന് പിൻവലിക്കാൻ കേന്ദ്രസർക്കാർ നിർബന്ധിതരാവുകയായിരുന്നു.

 

വിവിധ സംസ്ഥാനങ്ങളിൽ പല തരത്തിലുള്ള നിയമങ്ങളാണ് ഗോഹത്യയുമായി ബന്ധപ്പെട്ട് ഇപ്പോൾ നിലവിലുള്ളത്. എന്നാൽ കേരളം, പശ്ചിമബംഗാൾ, അരുണാചൽ പ്രദേശ്, അസം, മേഘാലയ, സിക്കിം, ത്രിപുര, മിസോറം തുടങ്ങിയ സംസ്ഥാനങ്ങളിൽ ഇത് ബാധകമല്ല. വീണ്ടും മോദി സർക്കാർ അധികാരത്തിലെത്തിയ സാഹചര്യത്തിൽ കാലികളെ കശാപ്പ് ചെയ്യുന്നത് രാജ്യമൊട്ടാകെ നിരോധിക്കാനുള്ള നീക്കത്തിന്റെ സൂചനയാണോ പശുകമ്മീഷൻ ചെയർമാന്റെ പ്രസ്താവനയെന്ന ആശങ്ക ബലപ്പെടുകയാണ്.

September 11, 2019, 12:25 pm