12 Wednesday
May , 2021
8.06 AM
livenews logo
flash News
ആലത്തൂർ സ്വദേശിയുടെ മൃതദേഹം ഖമീസ് മുഷൈത്തിൽ ഖബറടക്കി പ്രഫ. ഹാനി ബാബുവിന്റെ നില ​ഗുരുതരം; ജയിലിൽ ചികിൽസ നിഷേധിക്കുന്നതായി കുടുംബം രാജ്യാന്തരതലത്തിൽ മുഖംകെട്ട് നരേന്ദ്ര മോദി അയോധ്യയിലെ ഹിന്ദു ഭൂരിപക്ഷ ദേശത്തെ ഗ്രാമത്തലവനായി തെരഞ്ഞെടുക്കപ്പെട്ട് മുസ്​ലിം യുവാവ്; ഇവിടെ വർ​ഗീയത തോൽക്കുന്നു ഇടുക്കി സ്വദേശിനി ഇസ്രായേലിൽ റോക്കറ്റാക്രമണത്തിൽ മരിച്ചു മാസപ്പിറവി കണ്ടില്ല; കേരളത്തിൽ ചെറിയ പെരുന്നാൾ മറ്റന്നാൾ ഹമാസിന്റെ തിരിച്ചടി; റോക്കറ്റാക്രമണത്തിൽ തങ്ങളുടെ രണ്ട് പൗരന്മാർ കൊല്ലപ്പെട്ടതായി ഇസ്രായേൽ 'ഇസ്രായേൽ ഭീകര രാജ്യം; വർഗവിവേചന രാഷ്​ട്രം'; ഫലസ്തീനെതിരായ അതിക്രമത്തിൽ രൂക്ഷ വിമർശനവുമായി സ്വര ഭാസ്കർ സംസ്ഥാനത്ത് ഇന്ന് 37290 പേർക്ക് കോവിഡ്; ടിപിആർ നിരക്ക് 26.77 ശതമാനം തെലങ്കാനയിൽ നാളെ മുതൽ 10 ദിവസത്തെ ലോക്ക്ഡൗൺ; രാവിലെ 6 മുതൽ 10 വരെ നിയന്ത്രണങ്ങളിൽ ഇളവ്

അസം ഒരു ഉദാഹരണമാണ്; യുപിയിലും പൗരത്വ പട്ടിക കൊണ്ടുവരുമെന്ന് ആദിത്യനാഥ്


ലക്‌നൗ: അസം മാതൃകയിൽ ഉത്തർപ്രദേശിലും പൗരത്വ പട്ടിക കൊണ്ടുവരുമെന്ന മുന്നറിയിപ്പുമായി മുഖ്യമന്ത്രി യോ​ഗി ആദിത്യനാഥ്. അസമിലേത് വളരെ പ്രധാനപ്പെട്ടതും ധീരവുമായി നടപടിയായിരുന്നെന്നും ആവശ്യം വരുമ്പോൾ യുപിയിലും പൗരത്വപട്ടിക നടപ്പാക്കുമെന്നും ആദിത്യനാഥ് പറഞ്ഞു.

 

‘ആദ്യ ഘട്ടത്തില്‍ അസമില്‍ നടപ്പിലാക്കി. അവിടെ നടപ്പാക്കിയ രീതി ഞങ്ങള്‍ക്ക് മുന്നിലൊരു മാതൃകയാണ്. അവരുടെ അനുഭവം ഉപയോഗിച്ച് ഘട്ടം ഘട്ടമായി ഉത്തര്‍പ്രദേശിലും നടപ്പാക്കാന്‍ കഴിയും. ദേശസുരക്ഷയെ സംബന്ധിച്ചെടുത്തോളം ഇത് വളരെ പ്രധാനപ്പെട്ടതാണ്. പാവങ്ങളുടെ അവകാശങ്ങള്‍ അനധികൃത കുടിയേറ്റക്കാര്‍ തട്ടിയെടുക്കുന്നത് അവസാനിപ്പിക്കാന്‍ എന്‍ആര്‍സിക്കും കഴിയും‘- ആദിത്യനാഥ് പറഞ്ഞു.

 

ഇതിനിടെ, ഹരിയാനയില്‍ പൗരത്വ പട്ടിക കൊണ്ടുവരുമെന്ന് കഴിഞ്ഞദിവസം മുഖ്യമന്ത്രി മനോഹര്‍ ലാല്‍ ഖട്ടര്‍ പറഞ്ഞിരുന്നു. കഴിഞ്ഞദിവസം നേവി ചീഫ് അഡ്മിറല്‍ സുനില്‍ ലാന്‍ബ, ഹൈക്കോടതി മുന്‍ ജഡ്ജി എച്ച് എസ് ഭല്ല എന്നിവരുമായി കൂടിക്കാഴ്ച നടത്തിയ ശേഷമാണ് ഖട്ടര്‍ ഹരിയാനയിലും എന്‍ആര്‍സി കൊണ്ടുവരുമെന്ന് പ്രഖ്യാപിച്ചത്.

 

കഴിഞ്ഞമാസം പ്രസിദ്ധീകരിച്ച അസം പൗരത്വ പട്ടികയില്‍ നിന്നും 19,06,567 പേരാണ് പുറത്തായത്. തങ്ങളുടെ പേരുകള്‍ ഉള്‍പ്പെടുത്താനും പരാതികള്‍ നല്‍കാനുമായി ഇവര്‍ക്ക് 120 ദിവസത്തെ സമയമാണ് സർക്കാർ നല്‍കിയിരിക്കുന്നത്. എന്നാൽ ഇത് അന്തിമലല്ലെന്നും ഇനിയും ആളുകളെ പുറന്തള്ളുമെന്നും റിപ്പോർട്ടുകളുണ്ട്.

September 16, 2019, 14:15 pm

Advertisement

Advertisement