8 Wednesday
April , 2020
5.29 AM
livenews logo
flash News
ലോകം മുഴുവൻ സുഖം പകരാൻ അവരൊന്നിച്ചു പാടി; ശ്രദ്ധേയമായി മലയാളി ​ഗായകരുടെ ലോക്ക്ഡൗൺ പാട്ട് തബ്​ലീഗ്​ ജമാഅത്തുകാർക്കെതിരെ നുണ പ്രചരണവുമായി ബിജെപി എംപി; സത്യം വ്യക്തമാക്കി പൊലീസും ഡോക്ടറും ബ്രിട്ടനിൽ പ്രസിദ്ധ ഹാർട്ട് സർജൻ കൊറോണ ബാധിച്ചുമരിച്ചു; ഇതുവരെ മരിച്ചത് ആറു ഡോക്ടർമാർ 'ഇവിടെ ഒരു ട്രീറ്റ്മെന്റും കിട്ടുന്നില്ല; രക്ഷിക്കണം': ദുരിതം വിവരിച്ച് ഡൽഹിയിൽ കോവിഡ് ബാധിച്ച മലയാളി നഴ്സ് കൊറോണ ദുരിതാശ്വാസത്തിന് അജിത്തിന്റെ ഒന്നേകാൽ കോടി രൂപ ഡൽഹിയിൽ മുസ്‌ലിം പള്ളിക്ക് നേരെ വെടിവച്ച നാല് പേർ അറസ്റ്റിൽ; കാരണം തബ്‌ലീഗുകാരോടുള്ള വിരോധം കൊറോണക്കാലത്ത് ഒരുലക്ഷം തൊഴിലാളി കുടുംബങ്ങൾക്ക് സഹായവുമായി ബി​ഗ് ബിയുടെ സിനിമാ കുടുംബം; പദ്ധതിക്ക് പിന്തുണയുമായി കല്യാൺ ജൂവലേഴ്സും കോവിഡ്: സഹായത്തിനായി അമേരിക്കയോട് കൈ നീട്ടില്ലെന്ന് ഇറാൻ കൊറോണ: ഫോർവേഡ് സന്ദേശങ്ങൾക്ക് നിയന്ത്രണമേർപ്പെടുത്തി വാട്സ്ആപ്പ് വ്യാജ അശ്ലീല വീഡിയോകളും ചിത്രങ്ങളും പ്രചരിപ്പിച്ചു; ഡിജിപിക്ക് പരാതി നൽകി ജൂഹി രസ്തോ​ഗി

അമേരിക്കയെ കൊറോണ വരിഞ്ഞുമുറുക്കുന്നു


കൊറോണ വൈറസ് അമേരിക്കയിൽ പിടിമുറുക്കുന്നു. കഴിഞ്ഞ ഒരു ദിവസം മാത്രം 17166 പേർക്കാണ് രാജ്യത്ത് കൊറോണ ബാധ സ്ഥിരീകരിച്ചത്. 268 പേർ മരിക്കുകയും ഇതോടെ ആകെ മരണം 1295 ആയി ഉയർന്നു.  85377 പേർക്കാണ് രാജ്യത്ത് വൈറസ് ബാധിച്ചത്.  2122 പേരുടെ നില ​ഗുരുതരമായി തുടരുകയാണ്.

 

ദിനംപ്രതി യുഎസിൽ വൈറസ് ബാധിതരുടെ എണ്ണം വർധിക്കുകയാണ്. വൈറസിന്റെ പ്രഭവകേന്ദ്രമായ ചൈനയിൽ പോലും 81340 പേർക്കാണ് കൊറോണ വൈറസ് ബാധിച്ചിരുന്നത്. വരുംദിവസങ്ങളിൽ കൂടുതൽ പേർക്ക് വൈറസ് ബാധിക്കുമെന്നാണ് ഇവിടെ നിന്നു പുറത്തുവരുന്ന വാർത്തകൾ വ്യക്തമാക്കുന്നത്.

 

കൊറോണ വൈറസ് വ്യാപനത്തെ നിസാരമാക്കുന്ന പ്രസ്താവനകൾ പോലും പ്രസിഡന്റ് ട്രംപിൽ നിന്നുണ്ടായിരുന്നു. വലിയ അപകടത്തിലേക്കാണ് അമേരിക്കയുടെ പോക്കെന്നാണ് ആരോ​ഗ്യവിദ​ഗ്ധർ ചൂണ്ടിക്കാട്ടുന്നത്.
 

 

കാലിഫോർണിയയും ലോസ് ആഞ്ചലസിലെയും ജയിലുകളിൽ നിന്ന് തടവുപുള്ളികളെ മോചിപ്പിക്കുന്നത് ഉൾപ്പെടെയുള്ള നടപടികൾക്ക് നേരത്തേ തുടക്കം കുറിച്ചിരുന്നു. കൂടുതൽ ടെസ്റ്റുകൾ നടത്തുന്നത് അടക്കമുള്ള നടപടികൾക്ക് അമേരിക്ക വേ​ഗം കൂട്ടിയതോടെയാണ് ദിനം പ്രതി രോ​ഗബാധിതരുടെ എണ്ണത്തിലും വർധനവ് ഉണ്ടായിരിക്കുന്നത്. തുടക്കത്തിൽ ജാ​ഗ്രത പാലിച്ചിരുന്നെങ്കിൽ ഇപ്പോഴുണ്ടായിരിക്കുന്ന അവസ്ഥയിലേക്ക് കാര്യങ്ങൾ എത്തുമായിരുന്നില്ലെന്നാണ് വിലയിരുത്തൽ.

 

 

ഇറ്റലിയിൽ 80589 പേർക്കാണ് ഇതുവരെ വൈറസ് ബാധിച്ചത്. 8215 പേർക്ക് ഇവിടെ ജീവഹാനി സംഭവിച്ചു. ഇന്നലെ മാത്രം 6203 പേർക്ക് രോ​ഗം ബാധിക്കുകയും 712 പേർ മരിക്കുകയും ചെയ്തു. സ്പെയിനിൽ 57786 പേർക്കാണ് വൈറസ് ബാധിച്ചത്. ഇതിൽ 8271 പേർക്ക് ഇന്നലെയാണ് വൈറസ് ബാധിച്ചത്. ഇതിൽ 718 പേർ മരിച്ചു.

 


ലോകത്താകെ 531804 പേർക്ക് കൊറോണ വൈറസ് ബാധിക്കുകയും 24073 പേർ മരിക്കുകയും ചെയ്തിട്ടുണ്ട്. ഇതിൽ 2791 മരണങ്ങൾ ഇന്നലെ മാത്രം നടന്നതാണ്. 19357 പേരാണ് ​ഗുരുതരാവസ്ഥയിൽ കഴിയുന്നത്.

March 27, 2020, 07:51 am

Advertisement