ഡൽഹിയിൽ ഡോക്ടറുടെ ഭാര്യക്കും മകൾക്കും അടക്കം അഞ്ചുപേർക്ക് കൊറോണ

ഡൽഹിയിൽ കൊറോണ വൈറസ് സ്ഥിരീകരിച്ച ഡോക്ടറുടെ ഭാര്യക്കും(48) മകൾക്കും(17)രോ​ഗബാധ. ഷഹദരയിലെ മൊഹല്ല ക്ലിനിക്കിലെ ഡോക്ടറിന് മാർച്ച് 21നാണ് കൊറോണ വൈറസ് ബാധ കണ്ടെത്തിയത്. സൗദിയിൽ നിന്നു മടങ്ങിയെത്തിയ യുവതി ക്ലിനിക്കിൽ എത്തിയതിനെ തുടർന്നാണ് ഡോക്ടർക്ക് രോ​ഗം ബാധിച്ചത്. ​ഗുരു തേജ് ബഹാദൂർ ആശുപത്രിയിലെ ഐസൊലേഷനിൽ കഴിയുകയാണ് ഇരുവരും. 

ബുധനാഴ്ച മാത്രം ഡൽഹിയിൽ അഞ്ച് പുതിയ കേസുകളാണ് റിപോർട്ട് ചെയ്തത്. ജഹാം​ഗീർ പൂരിയിൽ നിന്നുള്ള 35കാരനാണ് വൈറസ് ബാധ സ്ഥിരീകരിച്ച മറ്റൊരാൾ. ദിൽദാഷ് ​ഗാർഡനിൽ നിന്നു മടങ്ങിയെത്തിയ യുവതിയിൽ നിന്നാണ് ഇദ്ദേഹത്തിന് വൈറസ് പിടിപെട്ടത്. യുവതിയുടെ കുടുംബത്തിന് മറ്റു നാല് പേർക്കും നേരത്തേ വൈറസ് ബാധിച്ചതായി കണ്ടെത്തിയിരുന്നു.