24 Friday
January , 2020
7.30 AM
livenews logo
flash News
പുലരാനിരിക്കുന്നത് നീതിപീഠങ്ങളുടെ ബധിര കർണങ്ങളിൽ ഇടിനാദം മുഴങ്ങുന്ന പ്രഭാതങ്ങൾ പൗരത്വ പ്രക്ഷോഭത്തിനിടെ ബിജെപിക്ക് തിരിച്ചടി; ​ഗുജറാത്ത് എംഎൽഎ രാജിവച്ചു റോഹിങ്ക്യൻ വംശഹത്യക്കെതിരെ നടപടിയെടുക്കണം; മ്യാൻമറിനോട് അന്താരാഷ്ട്ര നീതിന്യായ കോടതി ജിപിഎസിനു പകരക്കാരനെയും കൊണ്ട് ഐഎസ്ആർഒ; വൈകാതെ ഫോണുകളിൽ ലഭ്യമാവും വുഹാൻ വൈറസ് ബാധ: സൗദിയിൽ 30 മലയാളി നഴ്സുമാർ നിരീക്ഷണത്തിൽ ജംബോ പട്ടികയിൽ എന്നെ പരി​ഗണിക്കേണ്ട; പൊട്ടിത്തെറിച്ച് വി ഡി സതീശൻ പൗരത്വനിയമത്തെ അനുകൂലിച്ച പരിപാടിക്കെതിരെ പ്രതിഷേധിച്ച യുവതിയെ അറസ്റ്റ് ചെയ്ത് പൊലീസ് ആസാദി മുഴക്കിയാൽ രാജ്യ​ദ്രോഹത്തിനു കേസെടുക്കുമെന്ന യുപി മുഖ്യമന്ത്രിയുടെ പ്രസ്താവനയ്ക്കെതിരേ ഫേസ്ബുക്ക് പേജിൽ പൊങ്കാല പ്രതി പിടിക്കപ്പെടുംമുമ്പ് ഭീകരൻ; ശേഷം വെറും യുവാവ്: ജന്മഭൂമിയുടെ ഭീകര നിലപാട് ചീറ്റി യാത്രാമധ്യേ എൻജിൻ തകരാറിലായി; ഇൻഡി​ഗോ വിമാനം മുംബൈയിൽ എമർജൻസി ലാന്റിങ് നടത്തി

ലോകത്തിലെ ഏറ്റവും ഉയരമുള്ള ഹോട്ടലുമായി ദുബയ് വീണ്ടും

January 14, 2020, 09:21 am

ദുബയ്: ബുർജ് ഖലീഫയുടെ ഉയരപ്പെരുമയിൽ ലോകത്തെ അമ്പരിക്കുന്ന ദുബയ് മറ്റൊരു നേട്ടം കൂടി ഊട്ടിയുറപ്പിക്കുകയാണ്. ലോകത്തിലെ ഏറ്റവും ഉയരമുള്ള ഹോട്ടൽ എന്ന നേട്ടത്തിനു മേൽ മറ്റൊരു റെക്കോഡ് കൂടി തിരുത്തുകയാണ് ദുബയ് ഇത്തവണ്. 2023ൽ പൂർത്തിയാവുന്ന സീൽ ടവറിലൂടെയാണ് ദുബയ് റെക്കോഡിന്റെ ഉയരപ്പട്ടിക പുതുക്കുന്നത്.  

 

ദ ഫസ്റ്റ് ​ഗ്രൂപ്പ് നിർമിക്കുന്ന സീൽ ടവറിന് 360 മീറ്റർ ഉയരമുണ്ടാവും. ദുബയ് മറീനയിൽ നിർമിക്കുന്ന സീൽ ടവറിൽ 1042 സ്യൂട്ടുകൾ ഉണ്ടാവും. നോർ എന്ന നിർമാണക്കമ്പനിയാണ് സീൽ ടവറിന്റെ രൂപരേഖ തയ്യാറാക്കിയത്.

 

 

21ാം നൂറ്റാണ്ടിലെ ന​ഗരമെന്ന് അറിയപ്പെടുന്ന ദുബയിൽ അംബരചുംബികളായ നിരവധി കെട്ടിടങ്ങളുണ്ട്. ഷെയ്ഖ് സാഇദ് റോഡിലുള്ള ജെവോറ എന്ന ഹോട്ടലാണ് നിലവിൽ ലോകത്തിലെ ഏറ്റവും ഉയരമുള്ള ഹോട്ടൽ. 356.3 മീറ്റർ ഉയരമാണ് ജെവോറയ്ക്ക് ഉള്ളത്. ഇതുമാത്രമല്ല ഉയരപ്പെരുമയിൽ ലോകത്തെ മറ്റ് അഞ്ച് ഹോട്ടലുകളും ദുബയിൽ തന്നെയാണ്. ജെഡബ്ല്യു മാരിയറ്റ് മാർക്വിസ് ഹോട്ടൽ ടവർ 1, ജെ ഡബ്ല്യു മാരിയറ്റ് മാർക്വിസ് ഹോട്ടൽ ടവർ 2, റോസ് റയ്ഹാൻ ബൈ റോടാന, ബുർജ് അൽ അറബ്, എമിറേറ്റ്സ് ടവർ 2 എന്നിവയാണ് മറ്റ് അഞ്ച് ഹോട്ടലുകൾ.

 

ലോകത്തെ 100 ഉയരമുള്ള ഹോട്ടലുകളുടെ പട്ടികയിൽ 12ഉം ദുബയിൽ നിന്നുതന്നെയാണ്. ഇതിനു പുറമേ ഏഴ് വൻ ഹോട്ടലുകളുടെ നിർമാണം നടന്നുവരികയും ചെയ്യുന്നു. 309 മീറ്ററിനു മുകളിൽ ഉയരമുള്ളതായിരിക്കും ഈ കെട്ടിടങ്ങളെന്നാണ് വിവരം.

 


321 മീറ്റർ ഉയരത്തോടെ 1999ൽ നിർമിച്ച ബുർജ് അൽ അറബാണ് ലോകത്തിലെ ഏറ്റവും ഉയരമുള്ള ഹോട്ടൽ എന്ന നേട്ടം ദുബയിൽ നിന്ന് കൈവരിച്ചത്.

January 14, 2020, 09:21 am

Advertisement