25 Wednesday
November , 2020
5.16 AM
livenews logo
flash News
'കുഴപ്പമൊന്നുമില്ല'; അന്യായ തടവിന്റെ 50ാം ദിവസം സിദ്ദീഖ് കാപ്പന്‍ ഭാര്യയും കുട്ടികളുമായി സംസാരിച്ചു EXCLUSIVE ബിബിസിയുടെ ലോകത്തെ ശ്രദ്ധേയരായ 100 വനിതകളുടെ പട്ടികയിലും ഇടംപിടിച്ച് ഷഹീൻബാ​ഗിലെ ദീദി സ്പുട്നിക് വി കോവിഡ് വാക്സിൻ 95 ശതമാനം ഫലപ്രാപ്തിയുള്ളതെന്ന് റഷ്യ രാജ്യസുരക്ഷ: 43 മൊബൈൽ ആപ്പുകൾക്ക് കേന്ദ്രസർക്കാർ നിരോധനമേർപ്പെടുത്തി യോ​ഗിയെ ഭീഷണിപ്പെടുത്തിയെന്ന്; 16കാരനെ അറസ്റ്റ് ചെയ്ത് യുപി പൊലീസ് ഛത്തീസ്ഗഢിൽ നടക്കാനിറങ്ങിയ 14കാരിയെ നാല് പേർ കൂട്ടബലാത്സം​ഗത്തിനിരയാക്കി പശ്ചിമബം​ഗാളിൽ 480 സിപിഐഎം പ്രവർത്തകർ ബിജെപിയിൽ ചേർന്നു ഈ വർഷമാദ്യം ഏറ്റവും കൂടുതൽ സംസാരിക്കപ്പെട്ട നാമം 'കൊറോണ വൈറസ്' 'തൊപ്പിയിട്ട ഫോട്ടോ വേണ്ട, ഞങ്ങൾ മതേതരരാണ്'; ശാസ്ത്ര സാഹിത്യ പരിഷത്ത് പ്രസം​ഗ മത്സരത്തിൽ ഒന്നാമതെത്തിയ വിദ്യാർഥിയോട് സംഘാടകരുടെ മറുപടി വിവാദത്തിൽ ഇബ്രാഹിംകുഞ്ഞിന് അർബുദം; തുടർ ചികിത്സ വേണം; വിജിലൻസ് കസ്റ്റഡിയിൽ വിടാനാവില്ലെന്ന് കോടതി

ഭീകരരെ ലക്ഷ്യസ്ഥാനത്താക്കാൻ ഡി​വൈഎ​സ്പി ദേ​വീ​ന്ദ​ർ സി​ങ്ങ് വാങ്ങിയത്​​ 12 ലക്ഷമെന്ന് പൊലീസ്


ഡൽഹി: ക​ശ്​​മീ​രി​ൽ ഹിസ്​ബുൽ മുജാഹിദീൻ ഭീകരരെ സഹായിക്കാൻ ഡി​വൈഎ​സ്പി ദേ​വീ​ന്ദ​ർ സി​ങ്ങി​​ന്​ ലഭിച്ചത്​​ 12 ലക്ഷം രൂപയെന്ന്​ പൊലീസ്. ഹിസ്​ബുൽ ഭീകരവാദികളായ നവീദ്​ ബാബു, അൽത്താഫ്​ എന്നിവരെ ലക്ഷ്യസ്ഥാനത്തേക്ക് കൊണ്ടുപോവാനാണ് ഡിവൈഎസ്പിക്ക്​ 12 ലക്ഷം രൂപ നൽകിയത്. ഇവരെ ഷോപ്പിയാനിൽ നിന്നും പാകിസ്​താനിലേക്ക്​ കടത്തുകയായിരുന്നു ദേവീന്ദറി​ന്റെ ദൗത്യം. ഇതിന്​ മുമ്പും ദേവീന്ദർ ഭീകരരെ സ്വന്തം വാഹനത്തിൽ കൊണ്ടുപോയതായി സൂചന ലഭിച്ചിട്ടുണ്ടെന്നും പൊലീസ്​ വ്യക്തമാക്കി.  

 

ഭീകര സംഘത്തെ ദേവീന്ദർ സിങ് പാർപ്പിച്ചിരുന്നത് സ്വന്തം വീട്ടിലായിരുന്നെന്ന് നേരത്തെ, പൊലീസ് വൃത്തങ്ങൾ വെളിപ്പെടുത്തിയിരുന്നു. ശ്രീ​ന​ഗറിലെ ബദാമി ബാ​ഗ് കന്റോൺമെന്റിലെ അതീവ സുരക്ഷയുള്ള വസതിയിലായിരുന്നു ദേവീന്ദർ സിങ് ഹിസ്​ബുൽ മുജാഹിദീൻ ഭീകരരെ ഒളിപ്പിച്ചിരുന്നതെന്നാണ് ഉയർന്ന പൊലീസ് ഉദ്യോ​ഗസ്ഥർ നൽകുന്ന സൂചന. സൈന്യത്തിന്റെ 15 കോർസ് ഹെഡ് ക്വോർട്ടേഴ്സിനു സമീപമാണ് ദേവീന്ദർ സിങ്ങിന്റെ വസതി.

 

ദക്ഷിണ കശ്മീരിലെ ഷോപിയാനിൽ നിന്ന് ഭീകരരെ ദേവീന്ദർ സിങ് വെള്ളിയാഴ്ച തന്റെ വീട്ടിലെത്തിക്കുകയും അവിടെ കഴിയാൻ അവസരമൊരുക്കുകയുമായിരുന്നു. മുൻ പൊലീസുകാരനായ ഹിസ്ബുൽ ഭീകരർ നവീദ് ബാബുവും അയാളുടെ സഹായികളായ ഇർഫാനും റാഫിയുമാണ് ദേവീന്ദർ സിങ്ങിന്റെ വസതിയിൽ താമസിച്ചത്. 

 

ശ​നി​യാ​ഴ്​​ച​യാ​ണ്​ ധീരതയ്ക്കുള്ള രാഷ്ട്രപതിയുടെ മെഡൽ നേടിയിട്ടുള്ള ദേവീന്ദർ സിങ് രണ്ട് ഹിസ്ബുൽ മുജാഹിദീൻ ഭീകരർക്കൊപ്പം അറസ്റ്റിലായത്. 2001ലെ പാർമെന്റ് ആക്രമണക്കേസിൽ തന്നെ ദേവീന്ദർ സിങ് കുരുക്കിയതാണെന്ന കേസിൽ തൂക്കിലേറ്റപ്പെട്ട അഫ്സൽ ​ഗുരുവിന്റെ 2013ലെ വെളിപ്പെടുത്തലിനു ശക്തിപകരുന്നതായിരുന്നു പുതിയ സംഭവവികാസം. നിരവധി ആഴ്​ചകളായി ദേവിന്ദറിന്റെ യാത്രകൾ ഉൾപ്പെടെ പൊലീസ്​ നിരീക്ഷിച്ചു വരികയായിരുന്നു. 

 

കഴിഞ്ഞദിവസം ദേ​വീ​ന്ദ​ർ സി​ങ്ങിന്റെ ശ്രീ​ന​ഗ​ർ ഇ​ന്ദി​ര ന​ഗ​റി​ലെ വീ​ട്ടി​ൽ നടത്തിയ പൊ​ലീ​സ്​ പ​രി​ശോ​ധ​നയിൽ അഞ്ച്​ ഗ്രനേഡുകളും മൂന്ന്​ എ​കെ 47 തോ​ക്കു​ക​ളും പിടിച്ചെടുത്തിരുന്നു. ചോ​ദ്യം​ ചെ​യ്യ​ലി​ൽ ഇ​ദ്ദേ​ഹം ചി​ല വി​വ​ര​ങ്ങ​ൾ വെ​ളി​പ്പെ​ടു​ത്തി​യ​തിന്റെ അ​ടിസ്ഥ​ന​ത്തി​ലാ​യി​രു​ന്നു പ​രി​ശോ​ധ​ന. ക​ന​ത്ത സു​ര​ക്ഷാ​വ​ല​യ​മു​ള്ള ശ്രീ​ന​ഗ​ർ വി​മാ​ന​ത്താ​വ​ള​ത്തി​ലാണ് ദേ​വീ​ന്ദ​ർ സി​ങ് ജോലി ചെയ്യുന്നത്. കശ്​മീരിൽ 12 ഓളം പൊലീസുകാരെ കൊലപ്പെടുത്തിയ കേസിൽ പ്രതിയാണ്​ പിടിയിലായ നവീദ്​ ബാബു. ദേ​വീ​ന്ദ​ർ സിങ്ങും നവീദും തമ്മിൽ നിരവധി തവണ ബന്ധപ്പെട്ടിരുന്നതായും പൊലീസ്​ കണ്ടെത്തിയിരുന്നു.

January 14, 2020, 13:52 pm

Advertisement

Advertisement