9 Sunday
August , 2020
5.02 PM
livenews logo
flash News
അമിത് ഷായ്ക്ക് കോവിഡ് നെ​ഗറ്റീവായെന്ന ബിജെപി എംപിയുടെ പ്രചരണം വ്യാജം; ടെസ്റ്റുകളൊന്നും നടത്തിയിട്ടില്ലെന്ന് ആഭ്യന്തര മന്ത്രാലയം രണ്ട് മാസം പ്രായമായ പെൺകുഞ്ഞുമായി യുവതി കിണറ്റിൽ ചാടി; കുഞ്ഞ് മരിച്ചു കരിപ്പൂര്‍ ദുരന്തം പൈലറ്റിന്റെ ആത്മഹത്യയോ? സംശയത്തിന് കാരണമേറെ വീടുകയറി ബലാത്സംഗം; വീട്ടമ്മയുടെ പരാതിയിൽ പള്ളി വികാരി അറസ്റ്റിൽ 24 മണിക്കൂറിനിടെ രാജ്യത്ത് 64399 കൊറോണ കേസുകൾ; രോ​ഗബാധിതർ 21.5 ലക്ഷം കടന്നു പപ്പടം കഴിച്ചാൽ കോവിഡിനെ തുരത്താമെന്ന് പറഞ്ഞ കേന്ദ്ര ജലവിഭവ മന്ത്രിക്കും കൃഷി മന്ത്രിക്കും കോവിഡ് 101 പ്രതിരോധ ഉപകരണങ്ങളുടെ ഇറക്കുമതി നിരോധിക്കുമെന്ന് കേന്ദ്രമന്ത്രി രാജ്നാഥ് സിങ് യുപിയിൽ ആറു വയസുകാരിയെ തട്ടിക്കൊണ്ടുപോയി പീ‍ഡിപ്പിച്ചു; സ്വകാര്യ ഭാ​ഗങ്ങൾ വികൃതമാക്കി വിജയവാഡയിൽ ക്വാറന്റൈൻ കേന്ദ്രത്തിനു തീപ്പിടിച്ചു ഒമ്പതു മരണം; അരക്കോടി രൂപ നഷ്ടപരിഹാരം പ്രഖ്യാപിച്ച് മുഖ്യമന്ത്രി കരിപ്പൂർ വിമാനത്താവളം തകർക്കാൻ തഞ്ചം നോക്കി കല്ലെറിയുന്നവരോട്

പെരുന്നാളിന് ഒറ്റ മണിക്കൂറിൽ ഈരാറ്റുപേട്ട പിരിച്ചത് 5.1 ലക്ഷം രൂപ; 10 ടണ്‍ ഭക്ഷണ സാധനങ്ങള്‍ നൽകി അജ്മി ഫുഡ്സ്


ഷിയാസ് ബിൻ ഫരീദ്

 

കോട്ടയം: പ്രളയബാധിതരായി വടക്കൻ ജില്ലകളിലെ ദുരിതാശ്വാസ ക്യാംപുകളിൽ കഴിയുന്നവർക്ക് കൈത്താങ്ങായി ഈരാറ്റുപേട്ടയുടെ പെരുന്നാൾ ദിവസത്തെ സാന്ത്വനം. ദുരിതാശ്വാസത്തിനായി ഇന്നലെ ഒരു മണിക്കൂർ കൊണ്ട് ഈ നാട് പിരിച്ചെടുത്തത് 5.1 ലക്ഷം രൂപ. ബലി പെരുന്നാൾ നിസ്കാരം കഴിഞ്ഞ് സ്ഥലത്തെ മഹല്ലുകളുടെ നേതൃത്വത്തിലുള്ള പൗരസമൂഹം നാട്ടിലെ വിവിധ പള്ളികളിൽ നടത്തിയ പിരിവിലാണ് ഇത്രയും രൂപ ലഭിച്ചത്. ഇതിൽ മൂന്നു മഹല്ലുകളിലൊന്നായ പുത്തൻപള്ളിയിൽ നിന്നു മാത്രം ലഭിച്ചത് ഒരു ലക്ഷത്തിലധികം രൂപയാണ്. ഇതാദ്യമായാണ് ഒരു ന​ഗരസഭയുടെ നേതൃത്വത്തിൽ ദുരിതാശ്വാസത്തിനായി ഇത്രയധികം തുക സമാഹരിക്കുന്നത്. 

 

കേരളത്തിലെ ഏറ്റവും ചെറിയ മുനിസിപാലിറ്റിയായ ഈരാറ്റുപേട്ടയിലെ യുവാക്കളും മധ്യവയസ്കരും കുട്ടികളുമെല്ലാമാണ് പള്ളികളിൽ പിരിവിന് നേതൃത്വം നൽകിയത്. 25 പള്ളികളിൽ നിന്നാണ് തുക സമാഹരിച്ചത്. ഈ പണം ഉപയോ​ഗിച്ച് ഭക്ഷണസാധനങ്ങൾ ഉൾപ്പെടെയുള്ളവ വാങ്ങിയാണ് ക്യാംപുകളിലേക്ക് എത്തിക്കുക. ഇതു കൂടാതെ വീടുകളിൽ നിന്നും കളക്ഷൻ സെന്ററിലേക്ക് വിഭവ സമാഹകരണവും നടക്കും. ഇതിനായി ഷാദി മഹൽ ഓ‍ഡിറ്റോറിയത്തിൽ കളക്ഷൻ സെന്ററും പ്രവർത്തനമാരംഭിച്ചിട്ടുണ്ട്. 

25 ലോഡ് സാധനങ്ങളുമായി ലോറികൾ നാളെയും മറ്റന്നാളുമായി പുറപ്പെടും. വയനാട്, നിലമ്പൂർ, കോഴിക്കോട് അടക്കമുള്ള പ്രളയബാധിത പ്രദേശങ്ങളിലേക്കാണ് സാധനങ്ങൾ എത്തിക്കുകയെന്ന് സംഘാടകർ ന്യൂസ്ടാ​ഗ് ലൈവിനോടു പറഞ്ഞു. സാധനങ്ങൾ എത്തിക്കുക കൂടാതെ, വളണ്ടിയർ സേവനത്തിനും നിരവധി പേരാണ് സന്നദ്ധരായിട്ടുള്ളത്. ഇവർ പ്രളയം കീഴടക്കിയ വീടുകൾ വൃത്തിയാക്കുന്നതുൾപ്പെടെയുള്ള സേവനങ്ങൾക്കായി വിവിധയിടങ്ങളിലേക്ക് പുറപ്പെടും. 

 

അതേസമയം, മലബാർ മേഖലയിലെ പ്രളയ ദുരിതാശ്വാസത്തിന് കൈത്താങ്ങായി ഈരാറ്റുപേട്ട പൗരാവലി കൈകോർത്തപ്പോൾ ഇരട്ടിമധുരമായി നാട് കേന്ദ്രീകരിച്ച് പ്രവർത്തിക്കുന്ന കേരളത്തിലെ പ്രധാന ഫുഡ് പ്രൊഡക്റ്റ്സ് ബ്രാന്‍റായ 'അജ്മി ഫുഡ്സി'ന്റെ സഹായം. 10 ടൺ ഭക്ഷ്യ വസ്തുക്കളാണ് അജ്മി ഫുഡ്സ് നൽകുന്നത്. അജ്മി ഫുഡ്സിന്റെ കോർപറേറ്റ് ഓഫീസിൽ നടന്ന ചടങ്ങിൽ എംഡി കെ കെ അബ്ദുൽ ഖാദർ പ്രളയ ദുരിതാശ്വാസത്തിനായി രൂപീകരിച്ച ഈരാറ്റുപേട്ട കോഡിനേഷൻ സമിതിയുടെ ചെയർമാൻ മുഹമ്മദ് നദീർ മൗലവിക്ക് കൈമാറി. 

വിവിധ മഹല്ല് ഭാരവാഹികളായ പി ഇ മുഹമ്മദ് സക്കീർ, അനസ് കണ്ടത്തിൽ, കെ എം ജാഫർ, ഷിഹാബുദ്ദീൻ മൗലവി, ഹാഷിർ നദ്‌വി, അജ്മി സാരഥികളായ ഫൈസൽ, അഫ്സൽ, റാഷിദ് എന്നിവർ സംബന്ധിച്ചു. കഴിഞ്ഞ വർഷം പ്രളയമുണ്ടായപ്പോൾ ഏതാണ്ട് 150ലേറെ ലോ‍‍ഡ് സാധനങ്ങളാണ് വിവിധ ക്യാംപുകളിലേക്ക് ഈരാറ്റുപേട്ടയിൽ നിന്ന് എത്തിച്ചത്. 

 

കൂടാതെ നാട്ടുകാരുടെ നേതൃത്വത്തിൽ വീട് വൃത്തിയാക്കലിനുള്ള വളണ്ടിയർമാരും സേവനപാതയിൽ സജീവമായിരുന്നു. വെള്ളക്കെട്ടിൽ വീണ് അപകടം പറ്റിയവരെ രക്ഷപെടുത്താനും മൃതദേഹങ്ങൾ കണ്ടെടുക്കാനുമായി വിവിധ സേനകൾ പോലും തോറ്റുപോയിടത്ത് നന്മക്കൂട്ടം എന്ന യുവകൂട്ടായ്മയും ശ്രദ്ധേയ സാന്നിധ്യം അറിയിച്ചിരുന്നു. 

August 13, 2019, 11:20 am

Advertisement

Advertisement