23 Wednesday
September , 2020
8.37 AM
livenews logo
flash News
ചികിത്സ വൈകി ആദിവാസി ബാലന്റെ മരണം; മധ്യപ്രദേശിൽ തൊഴിലുടമയടക്കം മൂന്ന് പേർക്കെതിരെ എൻഎസ്എ ചുമത്തി കുവൈത്തിൽ പ്രവാസി തൊഴിലാളികളെ പരിമിതപ്പെടുത്താൻ തീരുമാനം അലൻ- താഹ കേസിലെ ജാമ്യ ഉത്തരവ് വായിച്ച് പോസ്റ്റിട്ടു; പൊലീസുകാരനെ വീണ്ടും വേട്ടയാടി കമ്മീഷണർ; കാരണം കാണിക്കല്‍ നോട്ടീസ് പാലത്തായി കേസിലെ വീഴ്ച മറയ്ക്കാൻ ശ്രമിച്ച് എസ്പി യതീഷ് ചന്ദ്രയും; മറുപടിയില്ലാതെ വിവരാവകാശ അപേക്ഷ ചട്ടവിരുദ്ധമായി തീർപ്പാക്കി അബൂദബിയിൽ മദ്യം വാങ്ങുന്നതിനും കുടിക്കുന്നതിനുമുള്ള അനുമതി റദ്ദാക്കി അന്ന് ചായക്കടക്കാരനായും ഇന്ന് കർഷകനായും ഒരേ ആൾ; മോദി സർക്കാരിനെ ന്യായീകരിക്കാൻ എഎന്‍എ റിപ്പോർട്ടറുടെ വേഷം കെട്ടൽ കാർഷിക ബില്ലുകളെ പ്രതിപക്ഷം എതിർക്കുന്നത് ഇടനിലക്കാരുടെ സ്വാധീനം മൂലം; ബിജെപി സർക്കാരിന് തിരിച്ചടി; നിയമസഭയിലെ കൈയാങ്കളി കേസ് പിൻവലിക്കില്ലെന്ന് കോടതി പാപ്പരെന്ന് പ്രഖ്യാപിച്ച കമ്പനികൾക്കടക്കം വിദേശത്ത് കോടിക്കണക്കിന് കള്ളപ്പണം; മോദി സർക്കാരിന്റെ ഇരട്ടത്താപ്പ് വ്യക്തമാക്കി രേഖകൾ വൈപ്പിനിൽ യുവാവിനെ മർദനമേറ്റ് മരിച്ച നിലയിൽ കണ്ടെത്തി

മഹാരാഷ്ട്ര എംഎംല്‍എയുടെ അണികള്‍ പാകിസ്താന്‍ സിന്ദാബാദ് വിളിച്ചെന്ന് പ്രതീഷ് വിശ്വനാഥ്; നുണ ചീറ്റിയപ്പോള്‍ ട്വീറ്റ് മുക്കി


മഹാരാഷ്ട്ര എംഎല്‍എ അബൂ ആസിം അസ്മിയുടെ അണികള്‍ അദ്ദേഹത്തിന്റെ സാന്നിധ്യത്തില്‍ റെയില്‍വേ സ്‌റ്റേഷനില്‍ വച്ച് പാകിസ്താന്‍ സിന്ദാബാദ് വിളിച്ചെന്ന വ്യാജ പ്രചരണവുമായി വിദ്വേഷ പ്രചാരകനും തീവ്ര ഹിന്ദുത്വവാദിയുമായ പ്രതീഷ് വിശ്വനാഥ്. ട്വിറ്ററിലൂടെയായിരുന്നു പ്രതീഷിന്റെ വ്യാജ പ്രചരണം. എന്നാല്‍ വീഡിയോയില്‍ അങ്ങനൊരു മുദ്രാവാക്യം ആരും വിളിക്കുന്നില്ലെന്ന് പലരും ചൂണ്ടിക്കാട്ടിയതോടെ പ്രതീഷ് വിശ്വനാഥ് വിവാദ ട്വീറ്റ് മുക്കി തടിയൂരി. 

 

'ശിവസേനയ്ക്ക് എന്താണ് ഇതേക്കുറിച്ച് പറയാനുള്ളത്. ഇത് അബൂ അസ്മി. മഹാരാഷ്ട്ര മഹാവികാസ് അഖാഡി സര്‍ക്കാരിലെ എംഎല്‍എ. അയാളുടെ സാന്നിധ്യത്തില്‍ അണികള്‍ പാകിസ്താന്‍ സിന്ദാബാദ് വിളിക്കുന്നു. ഇത്തരം പാക് അനുകൂലികളുമായി ഉദ്ധവ് താക്കറെ യോജിപ്പിലെത്തിയോ? പരിതാപകരം- എന്നാണ് പ്രതീഷ് വിശ്വനാഥ് ട്വീറ്റ് ചെയ്തത്. 

എന്നാല്‍ 'അവര്‍ സാജിദ് ഭായ് സിന്ദാബാദ്' എന്നാണ് വിളിക്കുന്നതെന്നും പാകിസ്താന്‍ സിന്ദാബാദ് എന്നല്ലെന്നും ഇതിനടിയില്‍ നിരവധി പേര്‍ ചൂണ്ടിക്കാട്ടി. 'ഈ വീഡിയോ നീക്കം ചെയ്യണം, ഇത് ശരിയായ വഴിയല്ല, നമ്മള്‍ ശരിയായ വഴിക്ക് പോരാടുന്നവരാണ്. വെല കളയല്ലേ പ്ലീസ്, നമുക്ക് ശരിയാവേണ്ടതുണ്ട്'- എന്നാണ് ഒരു കമന്റ്. സോഷ്യല്‍മീഡിയയിലൂടെ നിരന്തരം വിദ്വേഷവും മുസ്‌ലിം വിരുദ്ധതതയും വര്‍ഗീയതയും പ്രചരിപ്പിക്കുന്ന പ്രതീഷ് വിശ്വനാഥ് ഒടുവില്‍ ട്വീറ്റ് ചീറ്റിയപ്പോള്‍ നീക്കം ചെയ്യുകയായിരുന്നു.

 

അതേസമയം, തന്റെ പേരില്‍ വ്യാജ പ്രചരണം നടത്തിയവര്‍ക്കെതിരെ ശക്തമായ നടപടിയാവശ്യപ്പെട്ട് അബൂ അസ്മി രംഗത്തെത്തി. സമാജ്‌വാദി പാര്‍ട്ടി എംഎല്‍എയായ അബൂ അസ്മി കടന്നുവരുമ്പോള്‍ ആളുകള്‍ പാകിസ്താന്‍ സിന്ദാബാദ് എന്നു വിളിക്കുന്നു എന്ന വ്യാജ ആരോപണം സോഷ്യല്‍മീഡിയയില്‍ വ്യാപകമായി പ്രചരിച്ചിരുന്നു. ഈ മാസം 14ന് മുംബൈയിലെ ഒരു റെയില്‍വേ സ്റ്റേഷനിലായിരുന്നു സംഭവം. ഇവിടെ നിന്നും ഉത്തര്‍പ്രദേശിലേക്കുള്ള ശ്രമിക് സ്‌പെഷ്യല്‍ ട്രെയിനില്‍ മടങ്ങുന്ന ഇതര സംസ്ഥാന തൊഴിലാളികളെ യാത്രയാക്കാന്‍ എത്തിയതായിരുന്നു അബൂ ആസിം അസ്മി. 

ഇദ്ദേഹം നടന്നുവരുമ്പോള്‍ പ്ലാറ്റ്‌ഫോമില്‍ നില്‍ക്കുന്ന ഒരാള്‍ 'അബൂ ആസിം അസ്മി സിന്ദാബാദ്', 'മുംബൈ പൊലീസ് സിന്ദാബാദ്', 'സാജിദ് ഭായ് സിന്ദാബാദ് എന്ന് മുദ്രാവാക്യം വിളിച്ചുകൊടുക്കുകയും ട്രെയിനിനുള്ളില്‍ ഉള്ളവര്‍ ഇതേറ്റു പറയുകയും ചെയ്യുന്ന ചെയ്യുന്ന വീഡിയോ ആണ് പ്രചരിച്ചത്. മുദ്രാവാക്യങ്ങള്‍ കൃത്യമായി കേള്‍ക്കാമെന്നിരിക്കെ ഇത് പാകിസ്താന്‍ സിന്ദാബാദ് എന്നാണ് എന്നായിരുന്നു സംഘപരിവാര്‍ കേന്ദ്രങ്ങളുടെ പ്രചരണം. മുംബൈയിലെ വഡാല റെയില്‍വേ സ്റ്റേഷനിലാണ് ഇതെന്നായിരുന്നു ഭൂരിഭാഗം വ്യാജ പ്രചരണ പോസ്റ്റുകളിലും പറഞ്ഞിരുന്നത്. 

 

പാകിസ്താന്‍ അനുകൂല മുദ്രാവാക്യമൊന്നും അവിടെ ആരും വിളിച്ചില്ലെന്നും താന്‍ റെയില്‍വേ സ്‌റ്റേഷനില്‍ ചെല്ലുമ്പോള്‍ മുംബൈ പൊലീസ് അവിടെ ഉണ്ടായിരുന്നതായും അവര്‍ എല്ലാം കേള്‍ക്കുകയും കാണുകയും ചെയ്തിട്ടുണ്ടെന്നും അബൂ അസ്മി പറഞ്ഞു. അങ്ങനെയെന്തെങ്കിലും മുദ്രാവാക്യം വിളിച്ചിട്ടുണ്ടെങ്കില്‍ മുംബൈ പൊലീസിന് നടപടിയെടുക്കാമല്ലോയെന്നും അദ്ദേഹം ചോദിച്ചു. തനിക്കെതിരെ വ്യാജ പ്രചരണം നടത്തിയ ചിലരുടെ ട്വീറ്റുകളും അദ്ദേഹം പങ്കുവച്ചു. കൊറോണ വൈറസ് ബാധയുടെ പശ്ചാത്തലത്തില്‍ ഇത്തരം വിദ്വേഷ പ്രചാരണം നടത്തുന്നവര്‍ക്കെതിരെ ശക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

May 19, 2020, 21:27 pm

Advertisement

Advertisement