28 Thursday
October , 2021
4.52 PM
livenews logo
flash News
മോന്‍സൻ പീഡിപ്പിച്ച പെണ്‍കുട്ടിക്ക് മെഡി. കോളേജിൽ മുറി പൂട്ടി ഡോക്ടര്‍മാരുടെ ഭീഷണി; ഞെട്ടിക്കുന്ന വെളിപ്പെടുത്തല്‍ ബജാജ് പൾസർ 250 പുറത്തിറക്കി പാക് വിജയമാഘോഷിച്ചതിന് അറസ്റ്റിലായ കശ്മീരി വിദ്യാർഥികൾക്കെതിരേ രാജ്യദ്രോഹക്കുറ്റം ചുമത്തും താഹയ്ക്ക് ജാമ്യം ലഭിച്ചതിൽ സന്തോഷം; ഉമ്മ ജമീല പന്തീരാങ്കാവ് യുഎപിഎ കേസ്; താഹാ ഫസലിന് ജാമ്യം ഹരിയാനയിൽ വനിതാ കർഷക സമരക്കാർക്കിടയിലേക്ക് ട്രക്ക് പാഞ്ഞുകയറി; മൂന്ന് പേർ കൊല്ലപ്പെട്ടു; ഡ്രൈവർ ഓടിയൊളിച്ചു പൊലീസുകാരന്റെ ഭാര്യയോട് എസ്ഐ അപമര്യാദയായി പെരുമാറി; കേസിന് പിന്നാലെ ഒളിവിൽ ആർസിസി സ്ഥാപക ഡയറക്ടർ ഡോ. എം കൃഷ്ണൻ നായർ അന്തരിച്ചു മയക്കുമരുന്ന് കേസിൽ കിരൺ ​ഗോസാവി പിടിയിൽ സാങ്കേതിക രംഗത്തെ പുതിയ പ്രവണതകൾ അനിവാര്യമെന്ന് എം എ യൂസഫലി

515 വർഷം മുമ്പ് ടിപ്പു ഹിന്ദുക്കളേയും ക്രിസ്ത്യാനികളേയും കൊന്നൊടുക്കി; വർ​ഗീയ വിദ്വേഷ പ്രസം​ഗവുമായി ഫാദർ ജോസഫ് പുത്തൻപുരയ്ക്കൽ


ടിപ്പു സുൽത്താന്റെ പേരിൽ കളവ് പ്രചരിപ്പിച്ചും ചരിത്രം വളച്ചൊടിച്ചും മുസ്ലിങ്ങൾക്കെതിരെ വർ​ഗീയ വിദ്വേഷ പരാമർശങ്ങളുമായി ചിരിയച്ചൻ എന്നറിയപ്പെടുന്ന ഫാദർ ജോസഫ് പുത്തൻപുരയ്ക്കൽ. മുസ്ലിങ്ങളാണ് ലോകത്ത് ഏറ്റവും കൂടുതൽ ക്രിസ്ത്യാനികളെ കൊന്നൊടുക്കുന്നതെന്നും 515 കൊല്ലം മുമ്പ് ടിപ്പു സുൽത്താൻ മലബാറിൽ വന്ന് ഹിന്ദുക്കളേയും ക്രിസ്ത്യാനികളേയും കൊന്നൊടുക്കിയെന്നും ഫാദർ ജോസഫ് പറയുന്നു. ഒരു ചർച്ചിൽ നടന്ന പ്രഭാഷണത്തിലായിരുന്നു ഫാദറിന്റെ വിദ്വേഷ പരാമർ‍ശങ്ങളും നുണകളും. 

 

270 കൊല്ലം മുമ്പ് 1750ലാണ് ടിപ്പു സുൽത്താൻ ജനിച്ചതെന്നിരിക്കെയാണ് 515 കൊല്ലം മുമ്പ് അദ്ദേഹം കേരളത്തിലെത്തി ഹിന്ദുക്കളേയും ക്രിസ്ത്യാനികളേയും കൊന്നൊടുക്കിയെന്ന വിചിത്ര വാദവുമായി ഫാദർ ജോസഫ് പുത്തൻപുരയ്ക്കൽ രം​ഗത്തെത്തിയിരിക്കുന്നത്. മൈസൂർ രാജാവായിരുന്നു ടിപ്പുവെന്നിരിക്കെ അദ്ദേഹം വൊഡയാർ രാജാവിന്റെ സൈന്യാധിപനായിരുന്നു എന്നാണ് ഫാദർ ജോസഫ് പറയുന്നത്. വ്യക്തിത്വവികാസം, വ്യക്തിയും സമൂഹവും, കുടുംബബന്ധങ്ങള്‍ തുടങ്ങിയ വിഷയങ്ങളെ നര്‍മത്തില്‍ ചാലിച്ച് അവതരിപ്പിക്കുന്നയാളാണ് ഇയാൾ. മാത്രമല്ല ഇത്തരം പ്രഭാഷങ്ങളിൽ സ്ത്രീ വിരുദ്ധതയും ഏറെയാണ്. 

 

ഇത്തരത്തിൽ പ്രഭാഷണങ്ങളും നർമവും കൊണ്ട് സമൂഹത്തിനിടയിൽ ശ്രദ്ധേയനായ ഒരു വൈദികനാണ് സംഘപരിവാർ നേതാക്കൾക്ക് സമാനമായ വർ​ഗീയ-വിദ്വേഷ- മുസ്ലിം വിരുദ്ധ പരാമർശങ്ങളും നടത്തിയിരിക്കുന്നത്. പൗരത്വ നിയമം നടപ്പാക്കുമ്പോൾ മുസ്ലിങ്ങൾക്കൊപ്പം ക്രിസ്ത്യാനികൾക്കും നീതി നിഷേധിക്കപ്പെടാമെങ്കിലും അവർ വിശ്വസിക്കാൻ പറ്റുന്നവരല്ലെന്ന് ഫാദർ ജോസഫ് പറയുന്നു. ബോംബെയിൽ ക്രിസ്ത്യാനികൾ നിൽക്കുന്നത് ശിവസേനയുള്ളതു കൊണ്ടാണ്. അല്ലെങ്കിൽ മുസ്ലിങ്ങൾ നമ്മളെ ഇല്ലാതാക്കും.

 

കേന്ദ്രം അവരോട് കാണിച്ചത് അനീതിയാണ്. അത് മറ്റൊരു വശം. എന്നാൽ അവരത്ര പുണ്യാളന്മാരൊന്നുമല്ല. ലോകത്ത് ഏറ്റവും കൂടുതൽ നമ്മളെ കൊല്ലുന്നത് ഹിന്ദുക്കളല്ലെന്നും മുസ്ലിങ്ങളാണെന്നും ഫാദർ ആരോപിക്കുന്നു. അന്ന് ടിപ്പുവിന്റെ പട്ടാളം ഇവിടെ വന്ന് തിരിച്ചുപോയില്ലായിരുന്നെങ്കിൽ 500 വർഷം മുമ്പ് അവർ കോട്ടയം, അടൂർ, പത്തനംതിട്ട, ദേവലോകം, വകയാർ റാന്നി എന്നീ സ്ഥലങ്ങളിലൂടെയും വന്നേനെ. അങ്ങനെയെങ്ങാനും വന്നു പോയിരുന്നെങ്കിൽ നിങ്ങടെയാക്കെ പേര് ഇപ്പോൾ ഫാത്തിമ, സുലൈഖ, ബഷീർ, മുസ്തഫ എന്നിങ്ങനെ ആയിരുന്നേനെ- എന്നും ഫാദർ വിശ്വാസികളോട് പറയുന്നു.

 

പൗരത്വനിയമത്തിനെതിരെ രാജ്യമൊട്ടാകെ പ്രതിഷേധം ശക്തമായി തുടരുമ്പോഴാണ് ഇത്തരത്തിൽ മുസ്ലിം വിരുദ്ധ പരാമർശങ്ങളുമായി വ്യക്തിത്വ വികസന ക്ലാസുകളുടെ ആചാര്യനായ ഫാദർ ജോസഫ് പുത്തൻപുരയ്ക്കൽ രം​ഗത്തുവരുന്നത്. നേരത്തെ, ഫാദർ ജോസഫ് പുത്തൻപുരയ്ക്കൽ അം​ഗമായ സീറോ മലബാർ സഭ കേരളത്തിൽ ലൗ ജിഹാദ് ഉണ്ടെന്നും ക്രിസ്ത്യൻ പെൺകുട്ടികളെ നിർബന്ധിച്ച് മതംമാറ്റി തീവ്രവാദത്തിനായി റിക്രൂട്ട് ചെയ്യുകയാണെന്നുള്ള നുണവാദവുമായി രം​ഗത്തുവന്നിരുന്നു. മുമ്പ് ഡിജിപിയും സർക്കാരും ഹൈക്കോടതിയും എൻഐഎയും തന്നെ കേരളത്തിൽ ലൗ ജിഹാദ് ഇല്ലെന്ന് വ്യക്തമാക്കിയിരിക്കെയാണ് സീറോ മലബാർ ഇത്തരമാരു സംഘപരിവാർ അനുകൂല നിലപാടുമായി രം​ഗത്തുവന്നത്. ഇത് വലിയ വിവാദമായിരുന്നു. 

 

ഫാദർ ജോസഫ് പുത്തൻപുരയ്ക്കലിന്റെ വിവാദ പ്രസം​ഗം ഇങ്ങനെ.

വൊഡയാർ രാജാവിന്റെ സൈന്യാധിപനായ ടിപ്പു സുൽത്താൻ മലബാറിൽ വന്നു. കുതിരപ്പുറത്ത് വന്ന് ടിപ്പുവും പട്ടാളവും ക്രിസ്ത്യാനികളെ വെടിവച്ചു കൊന്നു. ഹിന്ദുക്കെളെ ഇല്ലാതാക്കി.പേടിപ്പിച്ചു വിരട്ടി മുസ്ലിങ്ങളാക്കി. അല്ലാതെ മലബാറിൽ മുസ്ലിം സ്ട്രീറ്റ്സൊന്നുമല്ല. ഹിന്ദുക്കളേയും ക്രിസ്ത്യാനികളേയും പ്രേരിപ്പിച്ചു മതം മാറ്റിയതാണ്. 515 വർഷങ്ങൾക്കപ്പുറത്ത്.

ഇപ്പോ പൗരത്വ ബില്ലൊക്കെ വരുമ്പോൾ... കാണിച്ചത് തെറ്റാണ് കേന്ദ്രത്തിൽ നിന്ന്... പക്ഷേ ഒരു കാര്യം നമ്മൾ ഓർക്കണം. മുസ്ലിങ്ങളുടെ നീതി നിഷേധിക്കപ്പെടുമ്പോൾ നമ്മുടേയും നിഷേധിക്കപ്പെടാം. പക്ഷേ മുസ്ലിങ്ങളേയും വിശ്വസിക്കാൻ പറ്റുന്നവരല്ല. ബോംബെയിൽ നമ്മൾ നിൽക്കുന്നത് ശിവസേനയുള്ളതു കൊണ്ടാണ്. 
അല്ലെങ്കിൽ മുസ്ലിങ്ങൾ നമ്മളെ ബോംബെയിൽ ഇല്ലാതാക്കും. 
രണ്ടു മാസം മുമ്പ് ധ്യാനത്തിന് പോയപ്പോൾ കണ്ടു ഇവരുടെ പ്രവർത്തികൾ. ലോകത്ത് ഒരു രാജ്യത്തേയുള്ളൂ മുസ്ലിമിന് മാത്രം സഞ്ചരിക്കാവുന്ന റോഡ്. സൗദിയിൽ- മക്കയിൽ. മുസ്ലിം റോഡാ... നമ്മൾ വണ്ടിയോടിച്ചാൽ ശിക്ഷയാ... അപ്പോൾ മതഭ്രാന്ത് ഹിന്ദുക്കളേക്കാൾ കൂടുതൽ മുസ്ലിങ്ങൾക്കാണ്. അത് പറയാതിരിക്കാൻ പറ്റില്ല. 
കേന്ദ്രം അവരോട് കാണിച്ചത്. അനീതി. അത് മറ്റൊരു വശം. പക്ഷേ അവരും അത്ര പുണ്യാളന്മാരൊന്നുമല്ല. നമ്മൾ സഹിക്കുന്ന ഒരു ഭാ​ഗമാണ്. 
ഏറ്റവും കൂടുതൽ നമ്മളെ കൊല്ലുന്നതാരാ? ഹിന്ദുക്കളാണോ? നൈജീരിയയിൽ. ഇറാഖിൽ. മുസ്ലിങ്ങളാ...
അതും നമ്മൾ ഇതിനോട് കൂട്ടിവായിക്കണം.

അപ്പോൾ നമ്മൾ ഒരു പക്ഷം പിടിച്ച് വികാരത്തിൽ പറയുമ്പോൾ മറു പക്ഷം കൂടി ഓർക്കണം.
നമ്മളെ കൊല്ലുന്നത് മുഴുവൻ മുസ്ലിങ്ങളാ... ലോകത്ത് എവിടെ ചെന്നാലും. 
ഈ മതഭ്രാന്തന്മാർ വന്ന ശേഷമാണ് ഈ ബഹളം. അല്ലെങ്കിൽ നമ്മളെ ഏറ്റവും വേദനിപ്പിച്ചത് ഇവരാണ്... 

അന്ന് ടിപ്പുവിന്റെ പട്ടാളം ചെറായി ബീച്ചിനടുത്തുള്ള ഒരു പള്ളിക്കടുത്ത് വരുമ്പോൾ... അന്ന് എട്ടുനോമ്പിന്റെ കാലമാ... ആൾക്കാര് പള്ളിയിൽ പ്രാർഥിക്കുവാണ്... അപ്പോൾ ശക്തമായ മഞ്ഞ് വന്നു. അതിൽ ഈ പള്ളിയങ്ങ് മറഞ്ഞുപോയി. പള്ളി മറഞ്ഞതോടെ ടിപ്പുവിന്റെ പട്ടാളം പള്ളി കാണാതെ മുമ്പോട്ടു പോയി. അപ്പോഴാണ് വാടിയാറിൽ നിന്ന് മറ്റൊരു യുദ്ധം ടിപ്പുവിനെ തിരിച്ചുവിളിച്ചു. ആ പട്ടാളം അന്ന് പോയിരുന്നില്ലെങ്കിൽ 500 വർഷം മുമ്പ് ആ പട്ടാളം വന്നേനെ. കോട്ടയം, അടൂർ, പത്തനംതിട്ട, ദേവലോകം, വകയാർ റാന്നി...ഇതിലേ ഒറ്റ പോക്ക് പോയേനെ. അങ്ങനെയെങ്ങാനും പോയിരുന്നെങ്കിൽ നിങ്ങടെയാക്കെ പേര് ഇപ്പോ ഫാത്തിമ, സുലൈഖ, ബഷീർ, മുസ്തഫ എന്നിങ്ങനെ ആയിരുന്നേനെ.

January 30, 2020, 19:28 pm

Advertisement

Advertisement