5 Sunday
July , 2020
6.49 AM
livenews logo
flash News
എട്ടുപോലിസുകാരെ കൊന്ന ​ഗുണ്ടാനേതാവിന്റെ വീടും കാറുകളും മണ്ണുമാന്തിയന്ത്രം കൊണ്ട് തരിപ്പണമാക്കി യുപി പോലിസ് തൃണമൂൽ കോൺ​ഗ്രസ് കൗൺസിലർക്ക് വെടിയേറ്റു പൊലീസ് ജീപ്പിൽ യുവതിയുമായി കറങ്ങിയ സിഐയ്ക്ക് സസ്പെൻഷൻ മാസ്കിടാത്തത് ചോദ്യം ചെയ്ത പൊലീസുകാരെ കൈയേറ്റം ചെയ്തു; യുപിയിൽ ബിജെപി നേതാവും മകനും അറസ്റ്റിൽ യുഎഇ വിമാനങ്ങൾക്ക്‌ ഇന്ത്യയിലിറങ്ങാനുള്ള വിലക്ക് നീക്കണമെന്ന് എം.കെ രാഘവൻ എം.പി സംസ്ഥാനത്ത് 240 പേർക്ക് കൊറോണ ബാധ; 209 പേർ രോഗമുക്തി നേടി ബേപ്പൂർ സ്വദേശി റിയാദിൽ കൊറോണ ബാധിച്ചു മരിച്ചു യുഡിഎഫിന്റെ മുഖ്യമന്ത്രി സ്ഥാനാർഥി ഉമ്മൻചാണ്ടിയല്ല; വ്യക്തമാക്കി കെ സുധാകരൻ മൂന്ന് ലക്ഷത്തിന്റെ സ്വർണ മാസ്ക് വച്ച് പൂനെ സ്വദേശി; പക്ഷേ ഫലപ്രാപ്തിയിൽ സംശയം യുഎഇയിൽ 716 പേർക്ക് കൊറോണ വൈറസ് ബാധ; 704 പേർക്ക് രോ​ഗമുക്തി

ഭീകരർക്കൊപ്പം അറസ്റ്റിലായ ദേവീന്ദർ സിങ്ങ് ദേവീന്ദർ ഖാൻ ആയിരുന്നെങ്കിൽ ആർഎസ്എസിന്റെ പ്രതികരണരീതി മാറിയേനെ: ആധിർ രഞ്ജൻ ചൗധരി


ഹിസ്ബുൽ ഭീകരർക്കൊപ്പം കശ്മീരിൽ അറസ്റ്റിലായ ഡിവൈഎസ്പ് ദേവീന്ദർ സിങ്ങിന്റെ പേര് ദേവീന്ദർ ഖാൻ എന്നായിരുന്നുവെങ്കിൽ ആർഎസ്എസിന്റെ പ്രതികരണരീതി മാറിയേനെയെന്ന് ലോക്സഭയിലെ കോൺ​ഗ്രസിന്റെ പ്രതിപക്ഷ നേതാവ് ആയ ആധിർ രഞ്ജൻ ചൗധരി. രാജ്യത്തിന്റെ ശത്രുക്കളെ മതത്തിന്റെയും വംശത്തിന്റെയും നിറത്തിന്റെയും വിവേചനമില്ലാതെ വിമർശിക്കപ്പെടണമെന്നും അദ്ദേഹം പറഞ്ഞു.

 


പുൽവാമ ആക്രമണത്തിനു പിന്നിലെ യഥാർഥ പ്രതികൾ ആരാണെന്ന ചോദ്യവും ഇപ്പോൾ ഉയരുന്നുണ്ടെന്നു പറഞ്ഞ ആധിർ ചൗധരി പുൽവാമയിലെ ഡപ്യൂട്ടി പോലിസ് സൂപ്രണ്ട് ആയിരുന്നു ദേവീന്ദർ സിങ്ങെന്നും ചൂണ്ടിക്കാട്ടി.

 

പുൽവാമയിൽ സിആർപിഎഫ് വാഹനവ്യൂഹത്തിലേക്ക് സ്ഫോടകവസ്തു നിറച്ച വണ്ടി ഓടിച്ചുകയറ്റി ആക്രമണം നടത്തുകയായിരുന്നുവെന്നാണ് വിശദീകരണം. കനത്ത സുരക്ഷയോടെ നീങ്ങുന്ന സൈനികവ്യൂഹത്തിലേക്ക് സ്ഫോടകവസ്തുക്കൾ നിറച്ച വാഹനം എത്തിക്കാൻ ഭീകരർക്ക് കഴിഞ്ഞത് എങ്ങനെയാണെന്ന ചോദ്യവും അന്ന് ഉയർന്നിരുന്നു. നാൽപതിലേറെ സിആർപിഎഫ് സൈനികരായിരുന്നു ആക്രമണത്തിൽ കൊല്ലപ്പെട്ടത്.

 

 

 

ശ്രീന​ഗർ വിമാനത്താവളത്തിലെ ജമ്മുകശ്മീർ പോലിസിന്റെ ആന്റി ഹൈജാക്കിങ് യൂനിറ്റിലും ദേവീന്ദർ സിങ് പ്രവർത്തിച്ചിരുന്നു. 2001ലെ പാർലമെന്റ് ആക്രമണവുമായി ബന്ധപ്പെട്ടും ദേവീന്ദർ സിങ്ങിന്റെ പേര് ഉയർന്നിരുന്നു. കേസിൽ പ്രതിയാക്കി തൂക്കിലേറ്റപ്പെട്ട അഫ്സൽ ​ഗുരു 2013ൽ എഴുതിയ കത്തിലാണ് ദേവീന്ദർ സിങ്ങിനെക്കുറിച്ച് വെളിപ്പെടുത്തിയത്. ദേവീന്ദർ സിങ് പരിചയപ്പെടുത്തിക്കൊടുത്തയാളെ അദ്ദേഹത്തിന്റെ നിർദേശപ്രകാരം ഡൽഹിയിൽ എത്തിക്കുകയും തന്റെ പേരിൽ അഫ്സൽ ​ഗുരു വീടെടുത്തു നൽകുകയുമായിരുന്നു. ഈ സംഘം പാർലമെന്റ് ആക്രമിക്കുകയും ഇതിനു പിന്നാലെ ഈ വിവരങ്ങളൊന്നും അറിയാതിരുന്ന അഫ്സൽ ​ഗുരുവിനെ പോലിസ് പ്രതിയാക്കി അറസ്റ്റ് ചെയ്യുകയുമായിരുന്നുവെന്നായിരുന്നു കത്തിലെ വെളിപ്പെടുത്തൽ.

 

രണ്ട് ഹിസ്ബുൽ മുജാഹിദീൻ ഭീകരർക്കൊപ്പം കശ്മീരിൽ നിന്ന് ഡൽഹിയിലേക്ക് ആയുധങ്ങളുമായി പോവുമ്പാഴായിരുന്നു ദേവീന്ദർ സിങ് അറസ്റ്റിലായത്. ഷോപിയാനിൽ നിന്ന് സുരക്ഷിതമായി ഭീകരരെ തന്റെ വസതിയിലേക്ക് എത്തിച്ച് അവരെ അവിടെ താമസിപ്പിച്ചിരുന്നുവെന്ന് അന്വേഷണസംഘം കണ്ടെത്തി. മൊഴിയുടെ അടിസ്ഥാനത്തിൽ ദേവീന്ദർ സിങ്ങിന്റെ വസതിയിൽ നിന്നും എ കെ 47 ഉൾപ്പെടെയുള്ള ആയുധങ്ങളും കണ്ടെടുക്കുകയുണ്ടായി.

January 14, 2020, 17:03 pm

Advertisement