18 Friday
September , 2020
10.47 PM
livenews logo
flash News
നടിയെ ആക്രമിച്ച കേസ്: സിദ്ദിഖും ഭാമയും കൂറുമാറിയതിനെതിരെ രൂക്ഷ വിമർശനവുമായി​ നടിമാർ ദുബയ് നടപടി പിൻവലിച്ചു; നാളെ മുതൽ ദുബയിൽ നിന്ന് ഇന്ത്യയിലേക്കും തിരിച്ചുമുള്ള സർവീസുകൾ പുനരാരംഭിക്കുമെന്ന് എയർഇന്ത്യ ടിക്ക്ടോക്കിനും വിചാറ്റിനും പൂട്ടിട്ട് അമേരിക്ക; നിരോധനം ഞായറാഴ്ച മുതൽ ഷോപിയാനിൽ യുവാക്കൾ വെടിയേറ്റ് മരിച്ച സംഭവം: സൈനികർ നിയമം ലംഘിച്ചെന്ന് കണ്ടെത്തൽ; നടപടിക്കൊരുങ്ങി ആർമി ഒക്ടോബർ പകുതിയോടെ തൊണ്ണൂറിലേറെ കേന്ദ്രങ്ങളിലേക്ക് സർവീസ് നടത്തുമെന്ന് ഖത്തർ എയർവേസ് സംസ്ഥാനത്ത് 4167 പേർക്ക് കൂടി കൊറോണ; 3849 പേർ സമ്പർക്കബാധിതർ പ്ലേ സ്റ്റോറിൽ നിന്ന് പേ ടിഎം ആപ്പ് നീക്കം ചെയ്ത് ​ഗൂ​ഗിൾ ഡൽഹി കലാപത്തിൽ ജയിലിലടച്ച ജെഎൻയു വിദ്യാർഥിനിക്ക് ജാമ്യം; കലാപം പ്രോൽസാഹിപ്പിച്ചതിനു തെളിവില്ലെന്ന് ഡൽഹി കോടതി വീടുകൾ കേന്ദ്രീകരിച്ച് മോഷണം നടത്തിവന്ന മൂന്നു സൗദി യുവാക്കൾ അറസ്റ്റിലായി ഖത്തർ യുഎഇ തർക്കത്തിൽ പണംവാരി വാഷിങ്ടൺ ലോബികൾ

അഭിനയമോ​​ഹവുമായി ചേക്കേറിയ മുംബൈയിൽ തന്നെ ഇർഫാന്റെ അന്ത്യവും


വിടപറഞ്ഞത് അപൂർവ പ്രതിഭയാണ്. ഇന്ത്യൻ സിനിമയുടെ യശസ്സ് ഹോളിവുഡിലും ഉയർത്തിയ, കണ്ണുകൾ കൊണ്ട് പോലും കഥപറയുന്ന അഭിനേതാവ്. അഭിനയത്തിലും പൂർണത പുലർത്തിയ താരമായ ഷഹബ്സാദ് ഇർഫാൻ അലി ഖാൻ  എന്ന ഇർഫാൻ ഖാൻ അപ്രതീക്ഷിതമായാണ് നമ്മോടു വിടപറഞ്ഞത്. രാജസ്ഥാനിലെ ഇടത്തരം കുടുംബത്തിൽ നിന്ന് അഭിനയ മോഹവുമായി ചേക്കേറിയ ന​ഗരമായ മുംബൈയിൽ തന്നെയായി അദ്ദേഹത്തിന്റെ അന്ത്യവും. ക്രിക്കറ്റിനോടുള്ള പ്രണയം സാമ്പത്തിക പരാധീനത മൂലം ഇർഫാൻ ഉപേക്ഷിച്ചതാണ് അദ്ദേഹത്തെ അഭിനയരം​ഗത്തെത്തിച്ചത്.

 

1984ൽ ന്യൂഡൽഹിയിൽ നാഷനൽ സ്കൂൾ ഓഫ് ഡ്രാമയിൽ ചേരുന്നതിനു മുമ്പ് ഇർഫാൻ എംഎ പൂർത്തിയാക്കിയിരുന്നു. തുടർന്ന് അഭിനയം ജീവിതസപര്യ ആക്കിയ ഇർഫാൻ നാടകങ്ങളിലും സീരിയലുകളിലും സിനിമകളിലും മുഖംകാണിച്ചു. അഭിനയ തിരക്കിനിടയിലും ഇർഫാൻ വായനയെ നെഞ്ചോടു ചേർത്തു. 2001ൽ ദ വാരിയറിലൂടെയാണ് ഇർഫാന്റെ മുഖം സിനിമാപ്രേമികൾക്ക് ചിരപരിതമാവുന്നത്. 2005ൽ റോ​ഗിൽ പ്രധാന വേഷം ചെയ്ത് ഇർഫാൻ ബോളിവുഡിൽ കാലുറപ്പിച്ചു. സ്ലം ഡോഡ് മില്യനയർ, ദ അമേസിങ് സ്പൈഡർ മാൻ, ലൈഫ് ഓഫ് പൈ, ജുറാസിക് വേൾഡ് തുടങ്ങിയ ഹോളിവുഡ് ചിത്രങ്ങളിലും അദ്ദേഹം വേഷമിട്ടു.

 

2011ൽ പാൻ സിങ് തോമറിലെ അഭിനയത്തിന് മികച്ച നടനുള്ള ദേശീയ പുരസ്കാരം ഇർഫാൻ സ്വന്തമാക്കി. അതേവർഷം തന്നെ രാജ്യം പത്മശ്രീ നൽകി ആദരിച്ചു. 2013ൽ പുറത്തിറങ്ങിയ ഇർഫാൻ ചിത്രം ദ ലഞ്ച് ബോക്സ് വൻ വിജയമായിരുന്നു. 2014ൽ അമിതാഭ് ബച്ചനും ദീപിക പദുക്കോണും അണിനിരന്ന പികുവിൽ പ്രധാനകഥാപാത്രം ചെയ്തും ഇർഫാൻ വിസ്മയിപ്പിച്ചു.

 

2017ൽ പ്രദർശനത്തിനെത്തിയ ഖാൻ ചിത്രം ഹിന്ദി മീഡിയവും വിജയക്കൊടുമുടി കയറി. ഇതിനിടെ അദ്ദേഹത്തിന് അർബുദബാധയുണ്ടായി. എന്നാൽ ആത്മബലം കൊണ്ടും ലണ്ടനിലെ മികച്ച ചികിൽസകൊണ്ടും അദ്ദേഹം അഭിനയരം​ഗത്ത് തിരികെയെത്തി. 2018ൽ ദുർഖർ സൽമാൻ, മിതില പാർക്കർ, കൃതി ഖർബന്ദ എന്നിവർക്കൊപ്പം കർവാൻ എന്ന ചിത്രത്തിൽ ഇർഫാൻ പ്രധാനവേഷത്തിലെത്തി. അം​ഗ്രേസി മീഡിയമാണ് ഇർഫാന്റെ അവസാനചിത്രം. 2020 മാർച്ച് 13നായിരുന്നു ചിത്രം പ്രദർശനത്തിനെത്തിയത്.

 


ഹിന്ദി മീഡിയത്തിന്റെ രണ്ടാം ഭാ​ഗമൊരുക്കുന്നതിന് തയ്യാറെടുക്കുന്നതിനിടെയാണ് ഇർഫാൻ വൻകുടലിന് അണുബാധയേറ്റ് ആശുപത്രിയിലാവുന്നതും ബുധനാഴ്ച മരണത്തിനു കീഴടങ്ങുന്നതും. ഏതാനും ദിവസം മുമ്പായിരുന്നു ഇർഫാന്റെ മാതാവ് സഈദ ബീ​ഗം മരിച്ചത്. കൊറോണ വൈറസ് വ്യാപനത്തെ തുടർന്ന് പ്രഖ്യാപിച്ച ലോക്ക് ഡൗൺ മൂലം ഇർഫാൻ സംസ്കാരച്ചടങ്ങിൽ പങ്കെടുക്കാൻ പോലും കഴിഞ്ഞിരുന്നില്ല. മാതാവിനു പിന്നാലെ ഇർഫാനും അപ്രതീക്ഷിതമായി ജീവിതത്തിന് കർട്ടനിടുകയായിരുന്നു. വിസ്മയിപ്പിക്കുന്ന പകർന്നാട്ടങ്ങൾ തുടർന്നും കാണാൻ അവസരം നൽകാതെ വിടപറഞ്ഞ അതുല്യപ്രതിഭയ്ക്ക് ആദരാഞ്ജലികൾ അർപ്പിക്കുകയാണ് സിനിമാ ലോകവും ആസ്വാദകരും.

 

സ്കൂൾ ഓഫ് ഡ്രാമയിലെ സ​​ഹപാഠി സുതപ ദേവേന്ദ്ര സിക്ദർ ആണ് ഇർഫാന്റെ പത്മി. രണ്ടു മക്കളുണ്ട് ദമ്പതികൾക്ക്. അപൂർവ അർബുദം ബാധിച്ച വേളയിൽ എല്ലാ പരിചരണവും നൽകി ഒപ്പം നിന്ന സുതപയ്ക്ക് വേണ്ടി ജീവിതത്തിലേക്ക് തിരികെ വരണമെന്ന് താനേറെ ആ​ഗ്രഹിച്ചിരുന്നുവെന്ന് ഇർഫാൻ പറയുകയുണ്ടായി മുമ്പ്. നമ്മൾ ആ​ഗ്രഹിക്കുന്നത് നൽകേണ്ട ബാധ്യത ജീവിതത്തിനില്ലല്ലോ എന്ന തത്വചിന്തയും അദ്ദേഹം അതോടൊപ്പം ചേർത്തുവച്ചിരുന്നു. അർ‌ബുദത്തെ അതിജയിച്ച് ആ​ഗ്രഹം പോലെ സുതപയുടെ അരികിലേക്ക് മടങ്ങിയെത്താൻ കഴിഞ്ഞെന്ന ചാരിതാർഥ്യത്തിലാവാം ഇർഫാൻ ഈ ജീവിതത്തോട് വിടപറഞ്ഞത്.

 

 

April 29, 2020, 16:14 pm

Advertisement

Advertisement