14 Thursday
November , 2019
5.37 PM
livenews logo
flash News
സുദർശന് സംഘപരിവാറുമായി അടുത്ത ബന്ധം; വ്യക്തമാക്കി സെമിനാർ പങ്കാളിത്തം പള്ളി പ്രവേശന അനുമതിക്കായി മുസ്ലിം സ്ത്രീകളാരും കോടതിയിൽ എത്തിയിട്ടിട്ടില്ലല്ലോയെന്ന് ജസ്റ്റിസ് നരിമാൻ റഫാൽ കേസ്: പുനഃപരിശോധനാ ഹരജികൾ തള്ളി 'ചൗകീദാർ ചോർഹേ': രാഹുലിനെതിരെ കോടതിയലക്ഷ്യമില്ല; കൂടുതൽ ജാ​ഗ്രത വേണം ശബരിമല വിധി പുനഃപരിശോധനയ‌ടക്കം മതാചാര ഹരജികളെല്ലാം വിശാല ബെഞ്ചിലേക്ക് കാനഡ ലോകത്തിലെ ഏറ്റവും തണുപ്പുള്ള പ്രദേശമാവുന്നു; പൊതുജനങ്ങൾക്ക് മുന്നറിയിപ്പുമായി അധികൃതർ പ്രസ്സ് ആൻറ്​ ഇൻഫർമേഷൻ കോൺസുലിനു മീഡിയ ഫോറം യാത്രയയപ്പ്​ നൽകി ഫാൽക്കൺ എഫ് സി ജേഴ്‌സി പ്രകാശനം ചെയ്തു മലപ്പുറം സ്വദേശി ജിദ്ദയിൽ നിര്യാതനായി സുദര്‍ശന്‍ പത്മനാഭന്‍ മിസോറമിലേക്ക് മുങ്ങി; നിയമപോരാട്ടത്തിന് ആക്ഷന്‍ കൗണ്‍സില്‍

ടി ട്വന്റി ലോകകപ്പ് ഫിക്ചർ പുറത്തുവിട്ടു; ഇന്ത്യ സൂപ്പർ 12ൽ

November 04, 2019, 13:32 pm

ടി ട്വന്റി ലോകകപ്പ് 2020 ഫിക്ചർ ഇന്റർനാഷനൽ ക്രിക്കറ്റ് കൗൺസിൽ പുറത്തുവിട്ടു. 2020 ഒക്ടോബർ 18 മുതൽ നവംബർ 15വരെ ആസ്ത്രേലിയയിലാണ് ലോകകപ്പ് നടക്കുന്നത്. 16 രാജ്യങ്ങൾ പങ്കെടുക്കുന്ന ലോകകപ്പിൽ പാപുവ ന്യൂ ​ഗിനിയ, അയർലന്റ്, ഒമാൻ, നെതർലന്റ്സ്, നമീബിയ, സ്കോട്ട്ലാന്റ് എന്നിവരാണ് പുതിയ മുഖങ്ങൾ.

 

എ, ബി എന്നിങ്ങനെ രണ്ടു പ്രാഥമിക ​ഗ്രൂപ്പുകളിലായാണ് മൽസരങ്ങൾ. പാവുവ ന്യൂ ​ഗിനിയ, അയർലന്റ്, ഒമാൻ എന്നിവർ ശ്രീലങ്കയുടെ നേതൃത്വത്തിലുള്ള എ ​ഗ്രൂപ്പിലും നെതർലന്റ്സ്, നമീബിയ, സ്കോട്ട്ലാന്റ് എന്നിവർ ബം​ഗ്ലാദേശിന്റെ ബി ​ഗ്രൂപ്പിലും അണിനിരക്കും. ഈ ​ഗ്രൂപ്പുകളിൽ നിന്ന് ആദ്യ രണ്ടു സ്ഥാനങ്ങളിൽ എത്തുന്നവരാണ് സൂപ്പർ 12ൽ ഇടംപിടിക്കുന്നത്.

 

കർദിനിയ പാർക്ക് സ്റ്റേഡിയത്തിൽ അയർലന്റും ശ്രീലങ്കയും തമ്മിലാണ് ഉദ്ഘാടന മൽസരം. ​സൂപ്പർ പന്ത്രണ്ടിലെ ​ഗ്രൂപ്പ് ഒന്നിൽ പാകിസ്താൻ, ആസ്ത്രേലിയ, ന്യൂസിലാന്റ്, വെസ്റ്റ് ഇൻഡീസ് എന്നീ ടീമുകളാണുള്ളത്.  ഈ ടീമിലേക്ക് ​ഗ്രൂപ്പ് എയിൽ നിന്നുള്ള ആദ്യ സ്ഥാനക്കാരും ​ഗ്രൂപ്പ് ബിയിൽ നിന്നുള്ള രണ്ടാം സ്ഥാനക്കാരും എത്തും.

ഗ്രൂപ്പ് രണ്ടിൽ ഇന്ത്യ, ഇം​ഗ്ലണ്ട്, ദക്ഷിണാഫ്രിക്ക, അഫ്​ഗാനിസ്താൻ എന്നീ ടീമുകളാണുള്ളത്. ​ഗുപ്പ് ബിയിൽ നിന്നുള്ള ആദ്യ സ്ഥാനക്കാരും ​ഗ്രൂപ്പ് എയിൽ നിന്നുള്ള രണ്ടാം സ്ഥാനക്കാരും ഈ ​ഗ്രൂപ്പിലേക്കാണ് എത്തുക.

 

നവംബർ 15ന് മെൽബൺ ക്രിക്കറ്റ് ​ഗ്രൗണ്ടിലാണ് ഫൈനൽ നടക്കുക.

November 04, 2019, 13:32 pm

Advertisement