14 Thursday
November , 2019
4.27 PM
livenews logo
flash News
സുദർശന് സംഘപരിവാറുമായി അടുത്ത ബന്ധം; വ്യക്തമാക്കി സെമിനാർ പങ്കാളിത്തം പള്ളി പ്രവേശന അനുമതിക്കായി മുസ്ലിം സ്ത്രീകളാരും കോടതിയിൽ എത്തിയിട്ടിട്ടില്ലല്ലോയെന്ന് ജസ്റ്റിസ് നരിമാൻ റഫാൽ കേസ്: പുനഃപരിശോധനാ ഹരജികൾ തള്ളി 'ചൗകീദാർ ചോർഹേ': രാഹുലിനെതിരെ കോടതിയലക്ഷ്യമില്ല; കൂടുതൽ ജാ​ഗ്രത വേണം ശബരിമല വിധി പുനഃപരിശോധനയ‌ടക്കം മതാചാര ഹരജികളെല്ലാം വിശാല ബെഞ്ചിലേക്ക് കാനഡ ലോകത്തിലെ ഏറ്റവും തണുപ്പുള്ള പ്രദേശമാവുന്നു; പൊതുജനങ്ങൾക്ക് മുന്നറിയിപ്പുമായി അധികൃതർ പ്രസ്സ് ആൻറ്​ ഇൻഫർമേഷൻ കോൺസുലിനു മീഡിയ ഫോറം യാത്രയയപ്പ്​ നൽകി ഫാൽക്കൺ എഫ് സി ജേഴ്‌സി പ്രകാശനം ചെയ്തു മലപ്പുറം സ്വദേശി ജിദ്ദയിൽ നിര്യാതനായി സുദര്‍ശന്‍ പത്മനാഭന്‍ മിസോറമിലേക്ക് മുങ്ങി; നിയമപോരാട്ടത്തിന് ആക്ഷന്‍ കൗണ്‍സില്‍

മോദിയുടെ ഭരണം പോലെയാകരുത് കേരളത്തിലേത്: കാനം രാജേന്ദ്രൻ

November 08, 2019, 11:07 am

കൊച്ചി: മാവോവാദി വേട്ടയും യുഎപിഎ കേസും അടക്കമുള്ള കാര്യങ്ങളിൽ പിണറായി സർക്കാരിനെതിരെ വീണ്ടും രൂ​ക്ഷ വിമർശനവുമായി സിപിഐ സംസ്ഥാന സെക്രട്ടറി കാനം രാജേന്ദ്രൻ. മോദിയുടെ ഭരണം പോലെയാകരുത് കേരളത്തിലെ ഭരണമെന്ന് കാനം രാജേന്ദ്രൻ തുറന്നടിച്ചു.

 

പൊലീസ് നയങ്ങളെയെല്ലാം പിന്തുണക്കേണ്ട ബാധ്യത സിപിഐക്കില്ല. മാവോവാദികളെ അനുകൂലിക്കുന്ന പാർട്ടിയല്ല സിപിഐ. എന്നാൽ അവരെ കൊല്ലാൻ പാടില്ല. ഉന്‍മൂലന സിദ്ധാന്തമാണ് ഇപ്പോൾ പൊലീസ് നടപ്പാക്കുന്നതെന്നും അത് പാടില്ലെന്നും കാനം വ്യക്തമാക്കി.

 

മഞ്ചക്കണ്ടിയിലെ സിപിഐ അന്വേഷണ സംഘത്തിന്റെ കണ്ടെത്തൽ ശരിയാണെന്ന് ബോധ്യപ്പെട്ടു. ആ റിപ്പോർട്ട് സർക്കാരിന് കൈമാറിയിട്ടുണ്ട്. മാവോവാദികളുടെ കൊലയിൽ പൊലീസ് നിരത്തുന്ന തെളിവുകള്‍ അന്തിമമല്ല. പൊലീസ് നടപടിയെ എങ്ങനെയാണ് രാഷ്ട്രീയപാർട്ടികൾ നോക്കിക്കാണുന്നതെന്ന് ഇന്നലെ പ്രകാശ് കാരാട്ട് പറഞ്ഞപ്പോൾ ബോധ്യമായല്ലോയെന്നും കാനം ചോദിച്ചു.

 

പൊലീസ് പുറത്തുവിട്ട ദൃശ്യങ്ങളുടെ ആധികാരികതയെയും കാനം ചോദ്യം ചെയ്തു. ലോകത്തെവിടെയെങ്കിലും ഒരു പൊലീസുകാരൻ കമിഴ്ന്ന് കിടന്ന് മഹസ്സർ എഴുതുന്നത് കണ്ടിട്ടുണ്ടോയെന്ന് കാനം ചോദിച്ചു. അപ്പോൾ അതൊക്കെ ശരിയാണെന്ന് പറയരുത്. അതൊക്കെ കോടതി തീരുമാനിക്കട്ടെ. യുഎപിഎ ചുമത്താൻ പാടില്ല എന്നാണ് ദേശീയതലത്തിൽ ഇടതുപക്ഷ നയം.

 

ദേശാഭിമാനിയിലെ മുഖപ്രസംഗത്തില്‍ വിമര്‍ശിക്കുന്നത് സിപിഐയെ അല്ലെന്നും മുന്നണിയില്‍ തര്‍ക്കങ്ങളില്ലെന്നും കാനം വ്യക്തമാക്കി.

November 08, 2019, 11:07 am

Advertisement