18 Friday
September , 2020
12.50 PM
livenews logo
flash News
ശിശുവിന്റെ മൃതദേഹം ഫ്രീസറിൽ വച്ചത് ജീവനക്കാർ മറന്നു; കണ്ടെത്തുന്നത് അഞ്ചാം ദിവസം ലോകത്ത് കൊറോണ ബാധിതരുടെ എണ്ണം മൂന്നുകോടി പിന്നിട്ടു വിവാദ കാർഷിക ബില്ലുകളിൽ പ്രതിഷേധിച്ച് കേന്ദ്ര ഭക്ഷ്യമന്ത്രി രാജിവച്ചു ഹിന്ദുത്വ ഭരണത്തില്‍ മുസ്‌ലിംകള്‍ സുരക്ഷിതരല്ല; ഇന്ത്യയിലെ മുസ്‌ലിം നേതൃത്വം കപടവേഷധാരികൾ; ഉമർ ഖാലിദിനെ ഉടൻ മോചിപ്പിക്കണമെന്നും കുവൈത്തി അഭിഭാഷകന്‍ അൽജസീറയെ ഫറ നിയമത്തിനു കീഴിൽ കൊണ്ടുവന്നു; യുഎസ് നടപടി യുഎഇ-ഇസ്രായേൽ നയതന്ത്രകരാറിന്റെ ഭാ​ഗമെന്ന് അൽജസീറ പ്രധാനമന്ത്രി രാജ്യത്തെ 60 കോടി ജനങ്ങളുടെ ജീവിതം മെച്ചപ്പെടുത്തി; അമിത് ഷാ കണ്ണൂരിൽ സമര ഡ്യൂട്ടിയിലുണ്ടായിരുന്ന പൊലീസുകാരന് കോവിഡ് തൊഴിലില്ലാതെ പത്ത് കോടി പേർ; മോദിയുടെ ജന്മദിനം ദേശീയ തൊഴിലില്ലായ്മ ദിനമായി ആചരിച്ച് യുവജനങ്ങൾ യൂത്ത് കോൺ​ഗ്രസ് മാർച്ചിൽ സംഘർഷം; വി ടി ബൽറാം എംഎൽഎയ്ക്ക് ലാത്തിച്ചാർജിൽ പരിക്ക് വെളുപ്പാന്‍ കാലത്ത് ‘വിശദീകരണം നല്‍കാന്‍’ പോകേണ്ടി വരുന്ന സാഹിബിന് തോര്‍ത്ത് വാങ്ങാന്‍ എന്റെ വക 25; ജലീലിനെ ട്രോളി വി ടി ബൽറാം

കൂടത്തായ് കൊലപാതകം രണ്ട് സിനിമകളാകുന്നു; ഒന്നിൽ അന്വേഷണ ഉദ്യോ​ഗസ്ഥൻ മോഹൻലാൽ


ഏറെ കോളിളക്കം സൃഷ്ടിച്ച കൂടത്തായി കൊലപാതക പരമ്പര രണ്ട് സിനിമകളാകുന്നു. കേരളത്തെ ഞെട്ടിച്ച സയനൈഡ് കൊലകളിലെ ചുരുള്‍ മുഴുവന്‍ അഴിയും മുമ്പു തന്നെ ഈ സംഭവങ്ങള്‍ വെള്ളത്തിരയിലെത്തിക്കാനാണ് സിനിമാ പ്രവർത്തകരുടെ മത്സരം. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിക്കുന്ന സിനിമയിൽ മോഹൻലാലാണ് നായകൻ. 

 

അന്വേഷണ ഉദ്യോ​ഗസ്ഥാനായാണ് ചിത്രത്തിൽ ലാലെത്തുകയെന്നാണ് റിപ്പോർട്ടുകൾ. ഇതിന്റെ ചിത്രീകരണം ഫെബ്രുവരിയോടെ ആരംഭിക്കുമെന്നാണ് സൂചന. തിരക്കഥയും സംവിധാനവും ആര് നിര്‍വ്വഹിക്കും എന്നകാര്യം വ്യക്തമല്ല. ചിത്രത്തില്‍ ആരാവും ജോളിയായി എത്തുന്നതെന്ന കാര്യവും പുറത്തുവിട്ടിട്ടില്ല. മറ്റ് അഭിനേതാക്കളെക്കുറിച്ചും അറിവില്ല.

 

ജീത്തു ജോസഫിന്റെ സംവിധാനത്തില്‍ ഒരുങ്ങുന്ന ത്രില്ലര്‍ ചിത്രത്തില്‍ അഭിനയിക്കാനുള്ള ഒരുക്കത്തിലായിരുന്നു മോഹന്‍ലാല്‍. എന്നാല്‍, അതിനുശേഷമാണ് കൂടത്തായി സംഭവം പുറത്തുവരുന്നത്. ഇതോടെ ഈ സംഭവങ്ങളുടെ ചുവടുപിടിച്ച് പുതിയ കഥ ഒരുക്കുകയായിരുന്നു അണിയറ പ്രവര്‍ത്തകര്‍ എന്നാണ് അറിയുന്നത്. ജീത്തു തന്നെയാണോ ചിത്രം സംവിധാനം ചെയ്യുന്നതെന്നോ മറ്റ് അണിയറ പ്രവര്‍ത്തകരുടെ വിവരങ്ങളോ ഇതുവരെ ഔദ്യോഗികമായി പുറത്തുവന്നിട്ടില്ല. അതേസമയം, നേരത്തെ തയ്യാറാക്കിയ കഥ പൂര്‍ണമായും മാറ്റാതെ ചിലഭാഗങ്ങള്‍ കൂട്ടിച്ചേര്‍ക്കുമെന്നാണ് വിവരം.

 

ഇതിനിടെ, 'കൂടത്തായ്, കൊലപാതകങ്ങളുടെ ഒന്നര പതിറ്റാണ്ട്' എന്ന പേരില്‍ റോണക്‌സ് ഫിലിപ്പ് ഒരു ചിത്രം പ്രഖ്യാപിച്ചിട്ടുണ്ട്. നടി ഡിനി സാനിയല്‍ ഡോളി എന്ന കഥാപാത്രത്തെ അവതരിപ്പിക്കുന്ന ചിത്രത്തിന്റെ പോസ്റ്ററും പുറത്തുവിട്ടിരുന്നു. അലക്‌സ് ജേക്കബ് നിർമിക്കുന്ന ചിത്രത്തിന്റെ കഥയെഴുതുന്നത് വിജീഷ് തുണ്ടത്തിലാണ്. സിനിമയുടെ ഫസ്റ്റ്ലുക്ക് പോസ്റ്ററും റിലീസ് ചെയ്തിരുന്നു. എന്നാൽ ആന്റണി പെരുമ്പാവൂർ– മോഹൻലാല്‍ ടീം ഇതേ വിഷയത്തിൽ സിനിമ പ്രഖ്യാപിച്ചതോടെ ആശങ്കയിലാണ് ഡിനി. ഇക്കാര്യം തന്റെ ഫേസ്ബുക്ക് പോസ്റ്റിലൂടെ ഡിനി വ്യക്തമാക്കി. 

 

കൂടത്തായ് സിനിമയുടെ ജോലികൾ ഇന്നലെ ഔദ്യോഗികമായി ആരംഭിച്ചിരുന്നു. ഇന്നലെ തന്നെ ഫേസ്ബുക്കിൽ പോസ്റ്റർ റിലീസ് ചെയ്തിരുന്നു.  എന്നാൽ ഇന്ന് രാവിലെ മലയാള മനോരമയിൽ വന്ന വാർത്ത കണ്ട് താൻ ഞെട്ടിയെന്നാണ് ഡിനിയുടെ ഫേസ്ബുക്ക് പോസ്റ്റ്. 'കൂടത്തായിയിൽ ലാൽ' എന്ന തലക്കെട്ടിലായിരുന്നു വാർത്ത.

 

കോഴിക്കോട് കൂടത്തായി പൊന്നാമറ്റം കുടുംബത്തിലെ ആറു പേര്‍ 14 വര്‍ഷത്തിനിടെ സമാന ലക്ഷണങ്ങളോടെ കുഴഞ്ഞു വീണ് മരിച്ചതിലെ ദുരൂഹതയാണ് കൊലാപാതകത്തിന്റെ ചുരുള്‍ നീക്കിയത്. സിനിമയെക്കുറിച്ചുള്ള കൂടുതല്‍ വിവരങ്ങള്‍ക്ക് ആരാധകര്‍ ഇനിയും കാത്തിരിക്കേണ്ടി വരും.

October 09, 2019, 17:13 pm

Advertisement

Advertisement