പുറംചൊറിയാനും ജെസിബി; വീഡിയോ

ജെസിബി കൈ കൊണ്ട് മണ്ണ്മാന്തുക മാത്രമല്ല വേണമെങ്കിലും പുറവും ചൊറിയാം. രസകരവും അതേസമയം അപകടംപിടിച്ചതുമായ ഈ രം​ഗം ഏതോ നിർമാണകേന്ദ്രത്തിൽ നിന്നുള്ളതാണ്. മധ്യവയസ്കനായ ഒരാൾ ആദ്യം തോർത്തുപയോ​ഗിച്ച് പുറം ഉരയ്ക്കുന്നതും പിന്നീട് ജെസിബിയുടെ കൈയുടെ ചുവട്ടിൽ പോയി കുനിഞ്ഞുനിൽക്കുകയും ഓപറേറ്റർ വാഹനത്തിന്റെ കൈ ഉപയോ​ഗിച്ച് പുറം ചൊറിഞ്ഞുകൊടുക്കുകയുമാണ്. കണ്ടുനിൽക്കുന്നവർ ഇതുകണ്ട് ചിരിക്കുന്നത് വീഡിയോയിൽ കേൾക്കാം. 

അതേസമയം ജെസിബി ഡ്രൈവറുടെയും പുറംചൊറിയാൻ ജെസിബി കൈയുടെ കീഴിൽ പോയി നിന്നുകൊടുത്ത മധ്യവയസ്കന്റെയും നടപടിയെ വിമർശിച്ച് നിരവധി പേർ രം​ഗത്തെത്തിയിട്ടുണ്ട്. ജെസിബി ഓപറേറ്ററുടെ ചെറിയൊരു പിഴവുപോലും കൂറ്റൻ യന്ത്രക്കൈയുടെ കീഴിൽ നിന്നയാളുടെ ജീവനെടുക്കുകയോ ​ഗുരുതരപരിക്കിനു കാരണമാവുകയോ ചെയ്യുമെന്നും അവർ ചൂണ്ടിക്കാട്ടി.