ലോകത്താദ്യമായി ​ഗൊറില്ലകൾക്ക് കൊറോണ ബാധ

ലോകത്താദ്യമായി ​ഗൊറില്ലകളിൽ കൊറോണ ബാധ സ്ഥിരീകരിച്ചു. യുഎസിലെ സാൻഡീ​ഗോ സൂ സഫാരി പാർക്കിലെ ​ഗൊറില്ലകൾക്കാണ് തിങ്കളാഴ്ച വൈറസ് ബാധ കണ്ടെത്തിയത്.

മൃ​ഗപരിപാലകരിൽ നിന്നാണ് ​ഗൊറില്ലകൾക്ക് വൈറസ് പടർന്നതെന്നാണ് നി​ഗമനം. ​ഗൊറില്ലകളുമായി ഇടപഴകുമ്പോൾ ജീവനക്കാർ മാസ്ക് ധരിച്ചിരുന്നുവെന്നാണ് അധികൃതർ നൽകുന്ന വിശദീകരണം.

​

ഗൊറില്ലകൾക്ക് മരുന്നുകളൊന്നും നൽകുന്നില്ലെന്നും പതിവ് ഭക്ഷണങ്ങൾ മാത്രമാണ് നൽകുന്നതെന്നും അധികൃതർ കൂട്ടിച്ചേർത്തു.

മനുഷ്യന്റെ ഡിഎൻഎയുമായി 98.4 ശതമാനം സാമ്യത പുലർത്തുന്നവയാണ് ​ഗൊറില്ലകൾ എന്നതിനാൽ അവയ്ക്ക് വൈറസ് ബാധിച്ചിരിക്കുന്നത് അധികൃതരെ ആശങ്കയിലാഴ്ത്തിയിട്ടുണ്ട്. ഇടപഴകി ജീവിക്കുന്നതാണ് ​ഗൊറില്ലകളുടെ രീതിയെന്നതിനാൽ അവയെ ഐസൊലേറ്റ് ചെയ്യാൻ സൂ അധിതർ തയ്യാറായിട്ടില്ല.

വൈറസ് ബാധ മൂലം ​ഗൊറില്ലകൾക്ക് ബുദ്ധിമുട്ടുകൾ ഉണ്ടായാൽ അവയെ നേരിടുന്നതിന് ബന്ധപ്പെട്ടവർ വി​ദ​ഗ്ധരുമായി കൂടിയാലോചന നടത്തുകയും ചെയ്തിട്ടുണ്ട്.