21 Tuesday
January , 2020
4.07 PM
livenews logo
flash News
നിങ്ങൾക്കു കഴിയുന്നതുപോലെ പ്രതിഷേധിച്ചോളൂ എന്നാലും സിഎഎ പിൻവലിക്കില്ലെന്ന് അമിത് ഷാ ബാങ്ക് വിളിക്ക് ലൗഡ്സ്പീക്കർ വേണമെന്ന് മതത്തിൽ പറയുന്നില്ല: അലഹബാദ് ഹൈക്കോടതി നേപാളിൽ വിനോദസഞ്ചാരത്തിനുപോയ എട്ടു മലയാളികൾ വിഷവാതകം ശ്വസിച്ചുമരിച്ചു ഊബർ ഈറ്റ്സിനെ ഇന്ത്യയിൽ സൊമാറ്റോ വിഴുങ്ങി ഗവർണർ സർ സിപിയുടെ ചരിത്രം വായിക്കണം; അര മൂക്കുമായി നാടുവിട്ട് ഓടിയിരുന്നു അയാൾ: കെ മുരളീധരൻ ​ആരിഫ് മുഹമ്മദ് ഖാനെതിരെ പി സദാശിവം; കേന്ദ്രത്തിനെതിരെ കോടതിയെ സമീപിക്കുമ്പോൾ ​ഗവർണറെ അറിയിക്കേണ്ടതില്ല രാജ്യത്തിന് വേണ്ടത് തൊഴിലില്ലാത്ത യുവതയുടെ രജിസ്റ്റർ; എൻആർസിയല്ലെന്ന് പ്രകാശ് രാജ് ഖത്തറിൽ തൊഴിലാളികള്‍ക്ക് കുറഞ്ഞ വേതനം നടപ്പാക്കാന്‍ ആലോചന മരണം നാലായി, ദുരൂഹവൈറസ് മനുഷ്യരിൽ നിന്ന് മനുഷ്യരിലേക്ക് പടരുമെന്ന് ചൈന സ്ഥിരീകരിച്ചു പൗരത്വനിയമത്തെ അനുകൂലിച്ച് സംസാരിക്കാത്തതിന് ദറസ് വിദ്യാർഥിക്ക് നേരെ ആക്രമണം; കേസെടുത്തു

തുടര്‍ച്ചയായ മൂന്നാം മാസവും മാരുതി സുസുക്കിയുടെ വില്‍പ്പന കുത്തനെ കുറഞ്ഞു

September 01, 2019, 12:38 pm

രാജ്യത്തെ സാമ്പത്തികവ്യവസ്ഥ താറുമാറായതിന്റെ കൂടുതല്‍ വാര്‍ത്തകള്‍ പുറത്തുവരുന്നു. തുടര്‍ച്ചയായ മൂന്നാം മാസവും മാരുതി സുസുക്കിയുടെ വില്‍പ്പന കുത്തനെ കുറഞ്ഞുവെന്നതാണ് ഇവയില്‍ ഏറ്റവും ഒടുവിലത്തെ റിപോര്‍ട്ട്. 2019 ആഗസ്തില്‍ കമ്പനിക്ക് 34.4 ശതമാനത്തിന്റെ ഇടിവാണ് വില്‍പ്പനയില്‍ ഉണ്ടായത്. കഴിഞ്ഞവര്‍ഷം ആഗസ്തില്‍ 147700 വാഹനങ്ങള്‍ കമ്പനി വിറ്റഴിച്ചപ്പോള്‍ ഈ വര്‍ഷമിത് 97061 ആയി കുറഞ്ഞു. കഴിഞ്ഞ രണ്ടുമാസവും വില്‍പ്പനയില്‍ ഗണ്യമായ കുറവാണ് കമ്പനി നേരിട്ടത്.

 

ആള്‍ട്ടോ, പഴയ വാഗണ്‍ ആര്‍ മോഡലുകളുടെ വില്‍പ്പനയില്‍ കഴിഞ്ഞ വര്‍ഷത്തെ അപേക്ഷിച്ച് 71 ശതമാനത്തിന്റെ കുറവാണ് കമ്പനി നേരിട്ടത്. കഴിഞ്ഞവര്‍ഷം ഇതേ കാലയളവില്‍ 35895 വാഹനങ്ങളാണ് പ്രസ്തുത മോഡലുകളുടേതായി വിറ്റതെങ്കില്‍ ഈ മാസം ഇത് 10123 എണ്ണം മാത്രമാണ്.

 


പുതിയ വാഗണ്‍ ആര്‍, ഇഗ്നിസ്, സ്വിഫ്റ്റ്, സെലേരിയോ, ഡിസയര്‍, ബലേനോ തുടങ്ങിയ മോഡലുകളെല്ലാം കൂടി 54274 യൂനിറ്റുകളാണ് വിറ്റുപോയത്. 2018 ആഗസ്തില്‍ പ്രസ്തുത വാഹനങ്ങളുടെ വില്‍പ്പന 71364 യൂനിറ്റുകളായിരുന്നു.

 

വാഹനവിപണി കനത്ത വെല്ലുവിളി നേരിടുന്നുവെന്ന റിപോര്‍ട്ടുകള്‍ നേരത്തേ പുറത്തുവന്നിരുന്നു. വില്‍പ്പന ഗണ്യമായി കുറഞ്ഞതിനാല്‍ ഡീലര്‍ഷിപ്പ് ഏറ്റെടുത്തവര്‍ ഓഫിസുകള്‍ അടച്ചുപൂട്ടുകയും ആയിരക്കണക്കിന് പേര്‍ക്ക് തൊഴില്‍ നഷ്ടമാവുകയും ചെയ്തിട്ടുണ്ട്. വാഹനങ്ങളുടെ സുരക്ഷാ മാനദണ്ഡം മാറ്റം വരുത്തുന്നതിനാല്‍ പഴയ നിലവാരം അനുസരിച്ച് നിര്‍മിച്ച ആയിരക്കണക്കിന് പുത്തന്‍ വാഹനങ്ങളാണ് കമ്പനികള്‍ക്ക് ബാധ്യതയായിരിക്കുന്നത്. ഈ വര്‍ഷം വിറ്റഴിച്ചില്ലെങ്കില്‍ അവ പിന്നീട് വില്‍ക്കാന്‍ കഴിയില്ല എന്നത് കമ്പനികളെ പ്രതിസന്ധിയിലാക്കിയിരിക്കുകയാണ്.

 

September 01, 2019, 12:38 pm

Advertisement