30 Saturday
May , 2020
8.03 AM
livenews logo
flash News
ഹൃദയാഘാതം മൂലം വേങ്ങര സ്വദേശി ജിദ്ദയിൽ മരിച്ചു സൗദിയിൽ കോവിഡ് ബാധിച്ച് ഇന്ന് മൂന്ന് മലയാളികൾ മരിച്ചു ഡൽഹിയിൽ ഭൂകമ്പം സിനിമാ സെറ്റ് പൊളിക്കൽ; എഎച്ച്പി നേതാവ് പാലോട് ഹരിയേയും പ്രതി ചേർത്തു ക്വാറന്റൈന് ചെലവ് പ്രവാസികൾ സ്വയം വഹിക്കണമെന്ന സർക്കാർ നിലപാട് പ്രതിഷേധാർഹം: ​ഗ്ലോബൽ പ്രവാസി അസോസിയേഷൻ കർണാടകയിൽ കൊറോണ ബാധിതരുടെ എണ്ണം കുതിച്ചുയരുന്നു ജോർജ് ഫ്ലോയ്ഡിനെ കൊന്ന മിന്നപൊളിസ് പോലിസിനെതിരേ പ്രതിഷേധം കനക്കുന്നു; നിരവധി കെട്ടിടങ്ങൾ ചാമ്പലാക്കി യുഎഇയിൽ ഇന്ന് 638 പേർക്ക് കൂടി കൊറോണബാധ സംസ്ഥാനത്ത് 62 പേർക്ക് ഇന്ന് കൊറോണ ബാധ മീററ്റ് മെഡിക്കൽ കോളജിൽ നിന്ന് കൊറോണ സാംപിളുകൾ കുരങ്ങൻമാർ തട്ടിക്കൊണ്ടുപോയി

ജ്വല്ലറി കവർച്ച: 'കടുവയും കാളയും' ചേർന്ന് കവർന്ന് 13കോടിയുടെ ആഭരണങ്ങൾ


ട്രിച്ചി: തമിഴ്നാട്ടിലെ സ്വർണക്കടയിൽ നിന്ന് കഴിഞ്ഞദിവസം രാത്രി 'കടുവയും കാളയും' ചേർന്ന് കവർന്നത് 13 കോടി രൂപയുടെ ആഭരണങ്ങൾ. തിരുച്ചിറപ്പള്ളിയിലെ ലളിത ജ്വല്ലറിയിലാണ് മുഖംമൂടിയണിഞ്ഞെത്തിയ രണ്ടം​ഗസംഘം വൻ കവർച്ച നടത്തിയത്. 30 കിലോ​ഗ്രാം ആഭരണങ്ങളാണ് മോഷ്ടാക്കൾ അപഹരിച്ചതെന്ന് ജ്വല്ലറി ഉടമകൾ പറഞ്ഞു.

 


ഭിത്തി തുരന്നാണ് മോഷ്ടാക്കൾ ജ്വല്ലറിക്കകത്തു കടന്നത്. കടുവയുടെയും കാളയുടെയും തലയുടെ ചിത്രമുള്ള മുഖംമൂടിയാണ് ഇരുവരും ധരിച്ചിരുന്നതെന്ന് സിസിടിവി ദൃശ്യങ്ങളിൽ കാണാം.

 

ആറു സുരക്ഷാജീവനക്കാർ കാവൽ നിൽക്കുന്ന ജ്വല്ലറിയിൽ നടന്ന കവർച്ച രാവിലെ ജീവനക്കാർ എത്തുമ്പോൾ മാത്രമാണ് പുറത്തറിയുന്നത്. 90 മിനിറ്റ് മോഷ്ടാക്കൾ കടയ്ക്കുള്ളിൽ ചെലവഴിച്ചിരുന്നുവെന്ന് സിസിടിവി ദൃശ്യങ്ങൾ വ്യക്തമാക്കുന്നു.

 

പ്ലാറ്റിനം, സ്വർണം എന്നിവയിൽ നിർമിച്ച 800ഓളം ആഭരണങ്ങളാണ് കവർച്ച ചെയ്യപ്പെട്ടതെന്ന് ഉടമയായ കിരൺ കുമാർ പറഞ്ഞു. മോഷണശേഷം കടയ്ക്കുള്ളിൽ മുളക്പൊടി വിതറിയ ശേഷമാണ് മോഷ്ടാക്കൾ മടങ്ങിയത്. പോലിസ് നായകൾ മണം പിടിക്കുന്നത് തടയുന്നതിനായിരുന്നു ഈ നീക്കം.

 


പരിശോധനയിൽ ഏതാനും തെളിവുകൾ ലഭിച്ചിട്ടുണ്ടെന്നും വിവിധ അന്വേഷണ സംഘത്തിന് രൂപം നൽകി മോഷ്ടാക്കളെ പിടികൂടാനുള്ള ശ്രമം തുടങ്ങിയതായും പോലിസ് കമ്മീഷണർ എ അമൽരാജും പറഞ്ഞു.

October 03, 2019, 16:56 pm

Advertisement