17 Tuesday
September , 2019
1.49 AM
livenews logo
flash News
സംവരണം: യോഗി ആദിത്യനാഥിന് തിരിച്ചടിയായി അലഹബാദ് ഹൈക്കോടതി വിധി കർണാടകയിൽ കന്നഡ മതി; അതിൽ വിട്ടുവീഴ്ചയില്ല; അമിത്ഷായുടെ ഹിന്ദി വാദം തള്ളി യെദ്യൂരപ്പ പ്രതികൾക്കെതിരെ കൊലക്കുറ്റം ചുമത്തിയില്ലെങ്കിൽ ജീവനൊടുക്കും; തബ്‌രീസ് അന്‍സാരിയുടെ ഭാര്യ പഴയത്ത് മന സുമേഷ് നമ്പൂതിരി ഗുരുവായൂര്‍ ക്ഷേത്രം മേല്‍ശാന്തി പഞ്ചറായ ടയര്‍ മാറ്റിയിടുന്നതിനിടെ ഡ്രൈവറും സഹായിക്കാനെത്തിയ ഡോക്ടറും ബസ് കയറി മരിച്ചു അസം ഒരു ഉദാഹരണമാണ്; യുപിയിലും പൗരത്വ പട്ടിക കൊണ്ടുവരുമെന്ന് ആദിത്യനാഥ് ഫാറൂഖ് അബ്ദുല്ല പൊതുസുരക്ഷാ നിയമ പ്രകാരം കസ്റ്റഡിയിൽ; നടപടി ഹേബിയസ് കോർപസ് പരി​ഗണിക്കാനിരിക്കെ കശ്മീരില്‍ സ്‌കൂളുകള്‍ അടഞ്ഞുതന്നെ; കുട്ടികളെ പഠിപ്പിക്കാന്‍ ബദല്‍മാര്‍ഗവുമായി അധികൃതര്‍ ആവശ്യമെങ്കിൽ ജമ്മു കശ്മീർ സന്ദർശിക്കും: സുപ്രീംകോടതി ചീഫ് ജസ്റ്റിസ് മാതൃഭാഷ ഹിന്ദിയായവർ വെറും 26% മാത്രം; ഏറ്റവുമധികം സംസാരിക്കുന്നത് ഹിന്ദിയല്ലെന്ന് സെൻസസ് കണക്കുകൾ

മൂന്നുലോറി നിറയെ ഡൈനോസര്‍ ഫോസിലുകള്‍; ഗവേഷണം തുടരും

September 03, 2019, 12:06 pm

ബ്രിട്ടന്‍, യുഎസ്, നെതര്‍ലന്റ് രാജ്യങ്ങളില്‍ നിന്നുള്ള ഗവേഷകര്‍ നടത്തിയ മിഷന്‍ ജുറാസിക് പര്യവേഷണത്തിന്റെ ഒന്നാം ഘട്ടം സമാപിച്ചു. 80 ദിവസം നീണ്ട ഡൈനോസര്‍ ഫോസില്‍ ഗവേഷണത്തില്‍ നിന്ന് കിട്ടിയ ഫോസിലുകള്‍ മൂന്നുലോറികള്‍ക്കുള്ളതുണ്ടായിരുന്നു. യുഎസിലെ നോര്‍ത്ത് വ്യോമിങ്ങില്‍ നിന്നായിരുന്നു ശാസ്ത്രസംഘം  ഡൈനോസര്‍ ഫോസിലുകള്‍ കുഴിച്ചെടുത്തത്. ദ ചില്‍ഡ്രന്‍സ് മ്യൂസിയം ഓഫ് ഇന്ത്യാനോപോളിസിന്റെ നേതൃത്വത്തിലാണ് മേഖലയില്‍ ഗവേഷണം നടക്കുന്നത്. 260 ഹെക്ടര്‍ സ്ഥലം 20 വര്‍ഷത്തേക്ക് പാട്ടത്തിനെടുത്താണ് മിഷന്‍ ഡൈനോസര്‍ ഗവേഷണം നടത്തുന്നത്.

 

150 ദശലക്ഷം വര്‍ഷങ്ങള്‍ക്കു മുമ്പ് ഡൈസോസറുകള്‍ സജീവമായിരുന്ന മേഖലയാണിതെന്നാണ് കരുതുന്നത്. ആദ്യഘട്ട ഗവേഷണത്തിന്റെ അവസാന ദിവസം മൂന്നു ടണ്‍ ഭാരമുള്ള കല്ല് ഉയര്‍ത്തിനോക്കിയപ്പോള്‍ കിട്ടിയത് അനേക ഡൈനോസര്‍ ഫോസിലുകളാണെന്ന് ശാസ്ത്രസംഘം പറയുന്നു.

 

ഡൈനോസറുകളുടെ ഫോസിലുകള്‍ക്കു പുറമേ അവയുടെ ഭീമാകാരമായ കാലടിപാടുകളും മേഖലയില്‍ ഗവേഷകസംഘത്തിനു കണ്ടെത്താന്‍ കഴിഞ്ഞു.

 

അനേക ഫോസിലുകള്‍ മേഖലയില്‍ ഇനിയും മറഞ്ഞുകിടക്കുന്നുണ്ടെന്നും അതിനാല്‍ ഗവേഷണത്തിന്റെ രണ്ടാംഘട്ടത്തില്‍ കൂടുതല്‍ പേരെ ഉള്‍പ്പെടുത്തുമെന്നും പഠനസംഘത്തിലെ അംഗമായ പ്രഫ. ഫില്‍ മാനിങ് വ്യക്തമാക്കി. വരുന്ന ഏപ്രില്‍ മുതല്‍ സപ്തംബര്‍ വരെയായിരിക്കും രണ്ടാം ഘട്ട ഗവേഷണം. ഇപ്പോള്‍ കണ്ടെടുത്തതാണ് ഇതുവരെ കണ്ടെത്തിയതില്‍ വച്ചേറ്റവും വലിയ ഡൈനോസര്‍ ഫോസിലുകളെന്നും മാനിങ് കൂട്ടിച്ചേര്‍ത്തു.

 

അതീവ സുരക്ഷിതമായാണ് ഡൈനോസര്‍ ഫോസിലുകള്‍ ഗവേഷണകേന്ദ്രങ്ങളിലേക്ക് കൊണ്ടുപോവുന്നത്. അവിടെയെത്തിച്ച ശേഷം അവ സൂക്ഷ്മമായ വൃത്തിയാക്കുകയും കൂടുതല്‍ പഠനങ്ങള്‍ നടത്തുകയും ചെയ്യും.

 

പര്യവേഷണ മേഖലയില്‍ ഫോസില്‍ മോഷ്ടാക്കള്‍ എത്തുന്നത് തടയാന്‍ സിസിടിവി കാമറകളും സ്ഥാപിച്ചാണ് ഗവേഷണ സംഘം മടങ്ങിയത്. പോലിസും ലാന്റ് മാനേജ്‌മെന്റ് ബ്യൂറോയുടെയും നിരീക്ഷണവും ഇവിടെയുണ്ടാകുമെന്ന് പ്രഫ. മാനിങ് അറിയിച്ചു.

 

September 03, 2019, 12:06 pm