5 Sunday
July , 2020
5.31 AM
livenews logo
flash News
എട്ടുപോലിസുകാരെ കൊന്ന ​ഗുണ്ടാനേതാവിന്റെ വീടും കാറുകളും മണ്ണുമാന്തിയന്ത്രം കൊണ്ട് തരിപ്പണമാക്കി യുപി പോലിസ് തൃണമൂൽ കോൺ​ഗ്രസ് കൗൺസിലർക്ക് വെടിയേറ്റു പൊലീസ് ജീപ്പിൽ യുവതിയുമായി കറങ്ങിയ സിഐയ്ക്ക് സസ്പെൻഷൻ മാസ്കിടാത്തത് ചോദ്യം ചെയ്ത പൊലീസുകാരെ കൈയേറ്റം ചെയ്തു; യുപിയിൽ ബിജെപി നേതാവും മകനും അറസ്റ്റിൽ യുഎഇ വിമാനങ്ങൾക്ക്‌ ഇന്ത്യയിലിറങ്ങാനുള്ള വിലക്ക് നീക്കണമെന്ന് എം.കെ രാഘവൻ എം.പി സംസ്ഥാനത്ത് 240 പേർക്ക് കൊറോണ ബാധ; 209 പേർ രോഗമുക്തി നേടി ബേപ്പൂർ സ്വദേശി റിയാദിൽ കൊറോണ ബാധിച്ചു മരിച്ചു യുഡിഎഫിന്റെ മുഖ്യമന്ത്രി സ്ഥാനാർഥി ഉമ്മൻചാണ്ടിയല്ല; വ്യക്തമാക്കി കെ സുധാകരൻ മൂന്ന് ലക്ഷത്തിന്റെ സ്വർണ മാസ്ക് വച്ച് പൂനെ സ്വദേശി; പക്ഷേ ഫലപ്രാപ്തിയിൽ സംശയം യുഎഇയിൽ 716 പേർക്ക് കൊറോണ വൈറസ് ബാധ; 704 പേർക്ക് രോ​ഗമുക്തി

ഇന്ന് വൈകീട്ടത്തെ കൈയടി ശബ്ദം മന്ത്രമാണ്; അതിലൊരുപാട് വൈറസുകള്‍ ചാവുമെന്ന് മോഹന്‍ലാല്‍


കൊറോണ വൈറസിനെ ചെറുക്കാനെന്ന പേരിൽ പ്രധാനമന്ത്രി നരേന്ദ്രമോദി പ്രഖ്യാപിച്ച ജനതാ കർഫ്യൂവിനെ പിന്തുണച്ച് വിചിത്ര വാദവുമായി നടൻ മോഹൻലാൽ. ഇന്ന് വൈകീട്ട് അ‍ഞ്ചിന് എല്ലാവരും ബാൽക്കണിയിലോ ജനാലക്കരികിലോ നിന്ന് കൈകളും പാത്രങ്ങളും കൊട്ടണമെന്നുമുള്ള മോദിയുടെ പ്രസ്താവനയെ ന്യായീകരിച്ചാണ് മോഹൻലാൽ വമ്പൻ കണ്ടുപിടിത്തവുമായി രം​ഗത്തെത്തിയത്.

 

ഇന്നു വൈകീട്ടത്തെ കൈകൊട്ടൽ ഒരു മന്ത്രമാണെന്നും അതിൽ ഒരുപാട് വൈറസുകൾ ചാവുമെന്നുമാണ് മോഹൻലാലിന്റെ പരാമർശം. ജനതാ കർഫ്യൂ സംബന്ധിച്ച പ്രതികരണം അറിയാൻ മനോരമ ചാനൽ ന്യൂസ് ഡെസ്കിൽ നിന്ന് വിളിച്ചപ്പോഴായിരുന്നു മോഹൻലാലിന്റെ വിചിത്ര വാദം. രാജ്യത്തെ ആരോ​ഗ്യപ്രവർത്തകർക്ക് അഭിനന്ദനം അറിയിക്കാനാണ് കൈകളോ പാത്രങ്ങളോ കൊട്ടാൻ പ്രധാനമന്ത്രി ആവശ്യപ്പെട്ടത് എന്നിരിക്കെയാണ് അതിലൂടെ കൊറോണ വൈറസുകൾ ചത്തൊടുങ്ങുമെന്ന് ലാൽ പ്രസ്താവിച്ചിരിക്കുന്നത്.

 

സ്വന്തമായിട്ട് മനസ്സില്‍ നിന്ന് ഈ ധാരണയുണ്ടായി എല്ലാവരും പ്രവര്‍ത്തിക്കണമെന്ന് ഞാന്‍ അപേക്ഷിക്കുകയാണ്. തീര്‍ച്ചയായും ഇന്ന് വൈകീട്ട് ഒമ്പതു മണി വരെ നില്‍ക്കുകയും അഞ്ച് മണിക്ക് നമ്മളെല്ലാവരും കൂടി ക്ലാപ്പ് ചെയ്യുന്ന വലിയൊരു പ്രോസസാണ്. ആ ശബ്ദം എന്നത് വലിയൊരു മന്ത്രം പോലെയാണ്. അതിലൊരുപാട് ബാക്ടീരിയകളും വൈറസുകളുമെല്ലാം നശിച്ചുപോവാന്‍ സാധ്യതയുണ്ട്. അങ്ങനെ നശിച്ചുപോകട്ടെ. എല്ലാവരും സഹകരിക്കണം- എന്നായിരുന്നു ലഫ്റ്റണന്റ് കേണൽ പദവിയുള്ള നടന്റെ വാക്കുകൾ.

 

മോഹൻലാലിന്റെ പ്രസ്താവനയെ ട്രോളി നിരവധി പേർ രം​ഗത്തെത്തി. മുമ്പ് 27 ഡി​ഗ്രി സെൽഷ്യൽ ചൂടിനു മുകളിൽ കൊറോണ വൈറസ് പകരില്ലെന്ന മണ്ടൻ വാദവുമായി രം​ഗത്തെത്തിയ മുൻ ഡിജിപിയും സംഘപരിവാർ നേതാവുമായ ടി പി സെൻകുമാറിന് ബുദ്ധി പറഞ്ഞുകൊടുക്കുന്നത് മോഹൻലാൽ ആണെന്നാണ് പ്രധാന പരിഹാസം. ഇത്രയും വലിയ കണ്ടുപിടിത്തം നടത്താൻ മോഹൻലാലിന് എങ്ങനെ സാധിക്കുന്നു എന്നും ചിലർ ചോദിക്കുന്നു. മുമ്പ് മോദി സർക്കാർ പ്രഖ്യാപിച്ച നോട്ടുനിരോധനം അടക്കമുള്ള നയങ്ങളെ പിന്തുണച്ചും മോഹൻലാൽ രം​ഗത്തെത്തിയിരുന്നു. 

March 22, 2020, 11:21 am

Advertisement