5 Sunday
July , 2020
6.35 AM
livenews logo
flash News
എട്ടുപോലിസുകാരെ കൊന്ന ​ഗുണ്ടാനേതാവിന്റെ വീടും കാറുകളും മണ്ണുമാന്തിയന്ത്രം കൊണ്ട് തരിപ്പണമാക്കി യുപി പോലിസ് തൃണമൂൽ കോൺ​ഗ്രസ് കൗൺസിലർക്ക് വെടിയേറ്റു പൊലീസ് ജീപ്പിൽ യുവതിയുമായി കറങ്ങിയ സിഐയ്ക്ക് സസ്പെൻഷൻ മാസ്കിടാത്തത് ചോദ്യം ചെയ്ത പൊലീസുകാരെ കൈയേറ്റം ചെയ്തു; യുപിയിൽ ബിജെപി നേതാവും മകനും അറസ്റ്റിൽ യുഎഇ വിമാനങ്ങൾക്ക്‌ ഇന്ത്യയിലിറങ്ങാനുള്ള വിലക്ക് നീക്കണമെന്ന് എം.കെ രാഘവൻ എം.പി സംസ്ഥാനത്ത് 240 പേർക്ക് കൊറോണ ബാധ; 209 പേർ രോഗമുക്തി നേടി ബേപ്പൂർ സ്വദേശി റിയാദിൽ കൊറോണ ബാധിച്ചു മരിച്ചു യുഡിഎഫിന്റെ മുഖ്യമന്ത്രി സ്ഥാനാർഥി ഉമ്മൻചാണ്ടിയല്ല; വ്യക്തമാക്കി കെ സുധാകരൻ മൂന്ന് ലക്ഷത്തിന്റെ സ്വർണ മാസ്ക് വച്ച് പൂനെ സ്വദേശി; പക്ഷേ ഫലപ്രാപ്തിയിൽ സംശയം യുഎഇയിൽ 716 പേർക്ക് കൊറോണ വൈറസ് ബാധ; 704 പേർക്ക് രോ​ഗമുക്തി

ഷെയ്ഖ് ഹംദാൻ ബിൻ ഖലീഫ അൽ നഹ്‌യാൻ കുതിരയോട്ട മത്സരത്തിൽ മലയാളി പെൺകൊടിക്ക് ചരിത്രനേട്ടം


അബൂദബി: ഷെയ്ഖ് ഹംദാൻ ബിൻ ഖലീഫ അൽ നഹ്‌യാൻ കുതിരയോട്ട മത്സരത്തിൽ മലയാളി പെൺകുട്ടിക്ക് ചരിത്രനേട്ടം. അബൂദബി ബുത്തീബ് റേസ്കോഴ്സിൽ വച്ച് നടന്ന ടു സ്റ്റാർ ജൂനിയർ 120 കിലോമീറ്റർ എൻഡൂറൻസ് ചാമ്പ്യൻ ഷിപ്പിൽ നിദ അൻജും എന്ന മലയാളി വിദ്യാർഥിനി ഒന്നാം സമ്മാനമായ സ്വർണ വാൾ  കരസ്ഥമാക്കിയാണ് ഇന്ത്യയുടെ അഭിമാനമായി മാറിയത്.

 


വിജയത്തിനു പിന്നിൽ ദുബയ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് അൽ റാഷിദ് അൽ മക്തൂമിന്റെ ഉടമസ്ഥതയിലുള്ള മർമൂം സ്റ്റേബിളിലെ പരിശീലകനായ അലി അൽ മുഹൈരിയും സെക്കൻഡ് കോച്ചും ഇന്ത്യക്കാരനുമായ തകത് സിങ്ങിന്റെയും നിരന്തര പരിശ്രമ ഫലമാണെന്ന്  നിദ അൻജും പറയുന്നു. തന്റെ പിതാവിന്റെ അമ്മാവനും യുഎഇയിലെ പ്രമുഖ ഹൈപ്പർ മാർക്കറ്റ് ഗ്രൂപ്പായ റീജൻസി ഗ്രൂപ്പ്  (ഗ്രാൻഡ്) ചെയർമാനുമായ ശംസുദ്ധീൻ ബിൻ മൊഹിയുദ്ധീന്റെയും പ്രോത്സാഹനവും പിന്തുണയും വിജയത്തിൽ പങ്കുവഹിച്ചു.  കുടുംബാംഗങ്ങളുടെയും സുഹൃത്തുകളുടെയും  പ്രോൽസാഹനവും ആവോളം ലഭിച്ചിരുന്നുവെന്നും നിദ കൂട്ടിച്ചേർത്തു.

 

ഇന്ത്യക്കാരുടെ സാന്നിധ്യം വളരെ കുറഞ്ഞ എൻഡ്യൂറൻസ് ചാംപ്യൻ ഷിപ്പിലേക്ക് തന്നെ അടുപ്പിച്ചത് ഈ മേഖലയിലെ ഇന്ത്യൻ അസാന്നിധ്യവും ചെറുപ്പം മുതലേ കുതിരകളോടുള്ള അതിയായ താൽപര്യവും ആണെന്നാണ് നിദ പറയുന്നത്.

 

 

സ്വപ്ന തുല്യമായ ഈ നേട്ടത്തിന് വേണ്ടി മൂന്ന്  വർഷത്തെ കഠിന പരിശീലനം യുഎഇയിലും ലണ്ടനിലുമായിട്ടാണ് നിദ പൂർത്തീകരിച്ചത്.  ദുബയിലെ റാഫിൾസ്  വേൾഡ് അക്കാദമി പന്ത്രണ്ടാം ക്‌ളാസ് വിദ്യാർഥിനിയായ നിദ അൻജും തിരൂർ കൽപകഞ്ചേരി സ്വദേശിനിയും ആനപ്പടിക്കൽ കുടുംബാംഗവുമാണ്.

 

 

ജിസിസിയിലെ പ്രമുഖ ഹൈപ്പർ മാർക്കറ്റ് - മാൾ ഗ്രൂപ്പായ ഗ്രാൻഡ് ഹൈപ്പർ മാർക്കറ്റ് മാനേജിങ് ഡയറകടർ ഡോ. അൻവർ അമീൻ ചേലാട്ടിന്റെയും മിന്നത്തിന്റെയും രണ്ടാമത്തെ മകളായ നിദ നിരവധി അന്താരാഷ്ട്ര മൽസരങ്ങളിലും മികച്ച പ്രകടനം കാഴ്ചവച്ചിട്ടുണ്ട്. ഡോക്ടർ ഫിദ അൻജും അനസ് സഹോദരിയാണ്.

 

November 19, 2019, 21:27 pm

Advertisement