18 Saturday
January , 2020
11.58 AM
livenews logo
flash News
ഷഹീൻബാ​ഗ് ആവർത്തിച്ച് ബീഹാറും മുംബൈയും; രാപ്പകൽ പ്രതിഷേധത്തെരുവുമായി സ്ത്രീകൾ ഉയരക്കുറവിന്റെ പെരുമയുമായി ഖ​ഗേന്ദ്ര താപർ വിടവാങ്ങി ഇറാന്റെ ആക്രമണത്തിൽ 11 സൈനികർക്ക് പരിക്കേറ്റതായി യുഎസ് വെളിപ്പെടുത്തൽ ദേശസുരക്ഷാ നിയമപ്രകാരം ആരെയും കസ്റ്റഡിയിലെടുക്കാൻ ഡൽഹി പോലിസിന് ലഫ്.​ഗവർണറുടെ അനുമതി കാലാവസ്ഥ വ്യതിയാനപ്രശ്നങ്ങൾ പരിഹരിക്കാൻ എല്ലാ ജനങ്ങളും ഒത്തുചേരണമെന്ന് യുഎഇ പരിസ്ഥിതി മന്ത്രി ലിപി അക്ബറിന് ഹ്യൂമൻ കെയർ അവാര്‍ഡ് ബഹിഷ്കരണ പ്രതിഷേധം അങ്ങ് വടക്കും; ബിജെപിക്കാരെ കടകളടച്ച് നാണംകെടുത്തി ബോവിക്കാനംകാരും ​ഗവർണറേയും പ്രസിഡന്റിനേയും നിയമിച്ചവരാണ് ഇന്ന് ഇന്ത്യ നേരിടുന്ന ദുരന്തം; സ്വാമി സന്ദീപാനന്ദ ​ഗിരി തലച്ചോറിനെ തെറ്റിദ്ധരിപ്പിച്ച് നടുവേദന മാറ്റാനുള്ള വിദ്യയുമായി ജാ​ഗ്വാർ നിർഭയ കേസിൽ പുതിയ മരണ വാറന്റ്: ഫെബ്രുവരി ഒന്നിന് തൂക്കിലേറ്റും

കെ ആർ ഇന്ദിരയ്ക്കെതിരെ തുടർനടപടിയില്ല; പ്രതിഷേധിച്ച എസ്ഐഒക്കാർക്കെതിരെ ഉടനടി കുറ്റപത്രവും ശിക്ഷയും

December 07, 2019, 17:00 pm

ഷിയാസ് ബിൻ ഫരീദ്

 

മുസ്‌ലിം സ്ത്രീകൾ പന്നി പെറും പോലെ പെറ്റുകൂട്ടുകയാണെന്നത് ഉൾപ്പെടെയുള്ള വംശീയ വിദ്വേഷ പ്രസ്താവന നടത്തിയ ആകാശവാണി പ്രോ​ഗ്രാം ഡയറക്ടറും എഴുത്തുകാരിയുമായ കെ ആർ ഇന്ദിരയ്ക്കെതിരെ തുടർ നടപടിയില്ലാതെ പൊലീസ്. എന്നാൽ സംഭവത്തിൽ നടപടിയാവശ്യപ്പെട്ട് പ്രതിഷേധിച്ചവർക്കെതിരെ പൊലീസ് ഉടനടി അറസ്റ്റ് ഉൾപ്പെടെയുള്ള നടപടിയെടുക്കുകയും ഇപ്പോൾ കോടതി ശിക്ഷിക്കുകയും ചെയ്തു. കൊടുങ്ങല്ലൂർ പൊലീസ് അറസ്റ്റ് ചെയ്ത എസ്ഐഒ സംസ്ഥാന സെക്രട്ടറിയേറ്റ് അം​ഗം ഷഫീഖ് അന്നമനട അടക്കമുള്ള 11 പ്രവർത്തകർക്കാണ് കൊടുങ്ങല്ലൂർ ഫസ്റ്റ്ക്ലാസ് മജിസ്ട്രേറ്റ് കോടതി ഒരു ദിവസത്തെ തടവും 750 രൂപ പിഴയും വിധിച്ചത്. ‌

 

സെപ്തംബർ 11നാണ് കേസിൽ പൊലീസിന്റെ മെല്ലെപ്പോക്കും നിരുത്തരവാദ സമീപനവും ചൂണ്ടിക്കാട്ടി എസ്ഐഒ പ്രവർത്തകർ കൊടുങ്ങല്ലൂർ സ്റ്റേഷനിലേക്ക് മാർച്ച് നടത്തിയത്. ഇവരെ അന്ന് അറസ്റ്റ് ചെയ്യുകയും പിന്നീട് സ്റ്റേഷൻ ജാമ്യത്തിൽ വിടുകയും ചെയ്തിരുന്നു. തുടർന്ന് കേവലം മൂന്നു മാസങ്ങൾക്കുള്ളിൽ തന്നെ ശിക്ഷിക്കുകയും ചെയ്തു. എന്നാൽ ഐപിസി 153-എ പ്രകാരം ജാമ്യമില്ലാ കേസെടുത്തിട്ടും കെ ആർ ഇന്ദിരയെ ഇതുവരെ ചോദ്യം ചെയ്യാൻ പോലും പൊലീസ് വിളിച്ചുവരുത്തിയിട്ടില്ല. ഫേസ്‌ബുക്കിൽ നിന്ന് ചില രേഖകൾ കിട്ടാത്തതാണ് ഇന്ദിരയ്ക്കെതിരെ നടപടി വൈകാൻ കാരണമെന്നായിരുന്നു അന്ന് പൊലീസിന്റെ വാദം. 

 

വിദ്വേഷ പോസ്റ്റുകൾ സംബന്ധിച്ച് കെ ആർ ഇന്ദിരയ്ക്കെതിരെ വൻ പ്രതിഷേധമുയരുകയും വിവിധയാളുകൾ പരാതി നൽകുകയും ചെയ്തതോടെയാണ് പൊലീസ് ജാമ്യമില്ലാ കേസെടുക്കാൻ നിർബന്ധിതരായത്. സുപ്രീംകോടതി അഭിഭാഷകൻ ശ്രീജിത്ത് പെരുമന, പൊതു പ്രവർത്തകനായ എം ആർ വിപിൻ ദാസ്, മനുഷ്യാവകാശ പ്രവർത്തക രേഖാ രാജ്, എസ്ഐഒ നേതാക്കൾ തുടങ്ങിയവരാണ് ഇന്ദിരയ്ക്കെതിരെ പരാതി നൽകിയിരുന്നത്. എന്നാൽ കേസെടുത്തതല്ലാതെ ഇന്നുവരെ യാതൊരു പുരോ​ഗതിയും ഉണ്ടായിട്ടില്ല. 

എം ആര്‍ വിപിന്‍ദാസ് കൊടുങ്ങല്ലൂർ സിഐ പി കെ പത്മനാഭന് നൽകിയ പരാതിയിലാണ് ഇന്ദിരയ്ക്കെതിരെ കേസെടുത്തിരുന്നത്. നാട്ടിലെ സമാധാന അന്തരീക്ഷം തകര്‍ക്കുന്ന തരത്തിലാണ് ഇന്ദിരയുടെ ഫേസ്ബുക്ക് പോസ്റ്റുകള്‍ എന്നാണ് പരാതിയില്‍ പറഞ്ഞിരുന്നത്. അതേസമയം, യഥാർഥ കേസിൽ പ്രതിയെ സംരക്ഷിക്കുകയും അതിൽ പ്രതിഷേധിച്ചവർക്കെതിരെ കേസും അറസ്റ്റും ശിക്ഷയും ഉണ്ടാവുകയും ചെയ്ത നടപടി കേരളാ പൊലീസിന്റെ ഇരട്ടത്താപ്പ് വെളിവാക്കുന്നതാണെന്ന് എസ്ഐഒ സംസ്ഥാന സെക്രട്ടറി അസ്‌ലം അലി ന്യൂസ്ടാ​ഗ് ലൈവിനോടു പറഞ്ഞു. 

 

നേരത്തെയും മുസ്‌ലിം വിരുദ്ധ- മതസ്പർധാ പരാമർശങ്ങൾ നടത്തിയ പ്രതീഷ് വിശ്വനാഥ്, കെ പി ശശികല, ​ഗോപാലകൃഷ്ണൻ, ടി പി സെൻകുമാർ അടക്കമുള്ള നിരവധി സംഘപരിവാർ നേതാക്കൾക്കെതിരെ 153 എ ചുമത്തി കേസെടുത്തിരുന്നു. എന്നാൽ പൊലീസ് ഇതുവരെ നടപടിയെടുത്തിട്ടില്ല. ഇങ്ങനെ വ്യക്തമായ വിവേചനമാണ് പൊലീസിന്റേയും സർക്കാരിന്റേയും ഭാ​ഗത്തുനിന്നുണ്ടാവുന്നതെന്നും അസ്‌ലം അലി ചൂണ്ടിക്കാട്ടി.

 

അസമിലെ ദേശീയ പൗരത്വ പട്ടികയില്‍ നിന്ന് 19 ലക്ഷം പേര്‍ പുറത്തായത് സംബന്ധിച്ച കുറിപ്പും അതിലെ കമന്‍റുകളോടുള്ള ഇന്ദിരയുടെ പ്രതികരണങ്ങളുമാണ് രൂക്ഷ വിമര്‍ശനത്തിന് കാരണമായത്. "ഇന്ത്യന്‍ പൗരാര്‍ അല്ലാതാകുന്നവര്‍ എങ്ങോട്ടു പോകും എന്ന വേവലാതിയിലാണ് കേരളത്തിലെ സഹോദര സ്നേഹികള്‍. അവരെ അനധികൃത കുടിയേറ്റക്കാരായി ക്യാമ്പുകളില്‍ പാര്‍പ്പിക്കാം. വോട്ടും റേഷന്‍കാര്‍ഡും ആധാര്‍ക്കാര്‍ഡും ഇല്ലാതെ. പെറ്റുപെരുകുന്നത് തടയാന്‍ സ്റ്റെറിലൈസേഷന്‍ നടത്തുകയുമാവാം.  ചെയ്യുകയുമാവാം"- എന്നായിരുന്നു ഒന്നാമത്തെ വിദ്വേഷ പോസ്റ്റ്. "താത്തമാര്‍ പന്നി പെറുംപോലെ പെറ്റു കൂട്ടുകയാണെന്നും അതിന് പൈപ്പ് വെള്ളത്തില്‍ ഗര്‍ഭനിരോധന മരുന്ന് കലര്‍ത്തി വിടണമെന്നുമായിരുന്നു ഇന്ദിരയുടെ മറ്റൊരു പോസ്റ്റ്. 

 

ഇതു കൂടാതെ, കേരളത്തിലെ ഇടതന്മാര്‍ക്കെതിരെ ഹോളോകോസ്റ്റ് (ഹിറ്റ്ലറുടെ നേതൃത്വത്തിലുള്ള നാസികള്‍ ജൂതന്മാരെ കൂട്ടക്കൊല നടത്തിയതിന് പൊതുവേ പറയുന്ന പരമാര്‍ശം) നടത്തിയാലോ എന്ന് ആലോചിക്കുന്നുവെന്നും അവർ പറഞ്ഞിരുന്നു. ഇതിനിടെ, കേസ് കൊടുത്ത തന്നെ പൊലീസ് വേട്ടയാടുന്നതായും വിപിൻദാസ് പരാതിപ്പെട്ടിരുന്നു. തന്നെ രാഷ്ട്രീയമുദ്ര കുത്തി വേട്ടയാടാൻ ശ്രമിക്കുന്നുവെന്നും സ്‌പെഷ്യൽ ബ്രാഞ്ചിൽ നിന്ന് എന്നപേരിൽ നിരവധി പേർ വിളിക്കുന്നുവെന്നും വിപിൻദാസ് പറഞ്ഞിരുന്നു. 

December 07, 2019, 17:00 pm

Advertisement