12 Wednesday
May , 2021
8.14 AM
livenews logo
flash News
ആലത്തൂർ സ്വദേശിയുടെ മൃതദേഹം ഖമീസ് മുഷൈത്തിൽ ഖബറടക്കി പ്രഫ. ഹാനി ബാബുവിന്റെ നില ​ഗുരുതരം; ജയിലിൽ ചികിൽസ നിഷേധിക്കുന്നതായി കുടുംബം രാജ്യാന്തരതലത്തിൽ മുഖംകെട്ട് നരേന്ദ്ര മോദി അയോധ്യയിലെ ഹിന്ദു ഭൂരിപക്ഷ ദേശത്തെ ഗ്രാമത്തലവനായി തെരഞ്ഞെടുക്കപ്പെട്ട് മുസ്​ലിം യുവാവ്; ഇവിടെ വർ​ഗീയത തോൽക്കുന്നു ഇടുക്കി സ്വദേശിനി ഇസ്രായേലിൽ റോക്കറ്റാക്രമണത്തിൽ മരിച്ചു മാസപ്പിറവി കണ്ടില്ല; കേരളത്തിൽ ചെറിയ പെരുന്നാൾ മറ്റന്നാൾ ഹമാസിന്റെ തിരിച്ചടി; റോക്കറ്റാക്രമണത്തിൽ തങ്ങളുടെ രണ്ട് പൗരന്മാർ കൊല്ലപ്പെട്ടതായി ഇസ്രായേൽ 'ഇസ്രായേൽ ഭീകര രാജ്യം; വർഗവിവേചന രാഷ്​ട്രം'; ഫലസ്തീനെതിരായ അതിക്രമത്തിൽ രൂക്ഷ വിമർശനവുമായി സ്വര ഭാസ്കർ സംസ്ഥാനത്ത് ഇന്ന് 37290 പേർക്ക് കോവിഡ്; ടിപിആർ നിരക്ക് 26.77 ശതമാനം തെലങ്കാനയിൽ നാളെ മുതൽ 10 ദിവസത്തെ ലോക്ക്ഡൗൺ; രാവിലെ 6 മുതൽ 10 വരെ നിയന്ത്രണങ്ങളിൽ ഇളവ്

കർണാടകയിൽ കന്നഡ മതി; അതിൽ വിട്ടുവീഴ്ചയില്ല; അമിത്ഷായുടെ ഹിന്ദി വാദം തള്ളി യെദ്യൂരപ്പ


കേന്ദ്ര ആഭ്യന്തര മന്ത്രി അമിത്ഷായുടെ ഹിന്ദി വ്യാപന വാദത്തെ തള്ളി കർണാടക മുഖ്യമന്ത്രിയും ബിജെപി നേതാവുമായ ബി എസ് യെദ്യൂരപ്പ. കര്‍ണാടക സര്‍ക്കാര്‍ സംസ്ഥാനത്ത് കന്നഡ പ്രോത്സാഹിപ്പിക്കാന്‍ പ്രതിജ്ഞാബദ്ധരാണെന്നും അതിന്റെ പ്രാധാന്യത്തെ ഇല്ലാതാക്കുന്ന ഒരു കാര്യത്തിനും തയ്യാറല്ലെന്നും യെദ്യൂരപ്പ വ്യക്തമാക്കി.

 

അതില്‍ വിട്ടുവീഴ്ച്ചയ്ക്കില്ലെന്നും യെദ്യൂരപ്പ തുറന്നടിച്ചു. 'രാജ്യത്തെ എല്ലാ ഔദ്യോഗിക ഭാഷകളും തുല്യമാണ്. എന്നിരുന്നാലും കന്നഡയാണ് കര്‍ണാടകയുടെ പ്രഥമ ഭാഷ. അതിന്റെ പ്രധാന്യത്തിൽ തങ്ങള്‍ ഒരിക്കലും വിട്ടുവീഴ്ചയ്ക്കു തയ്യാറല്ല. കന്നഡയും സംസ്ഥാനത്തിന്റെ സംസ്‌കാരവും പ്രോല്‍സാഹിപ്പിക്കുന്നതില്‍ തങ്ങള്‍ പ്രതിജ്ഞാബദ്ധരാണ്''- യെദ്യൂരപ്പ പറഞ്ഞു.

ഇതാദ്യമായാണ് ഒരു ബിജെപി നേതാവ് തന്നെ കേന്ദ്രസർക്കാർ നീക്കത്തിനെതിരെ രം​ഗത്തുവരുന്നത്. ഹിന്ദി ദേശീയ ഭാഷയാക്കണമെന്ന അമിത്ഷായുടെ വാദത്തിനെതിരെ രാജ്യമെമ്പാടും വലിയ പ്രതിഷേധമാണ് നിലനിൽക്കുന്നത്. വിവിധ മുഖ്യമന്ത്രിമാരടക്കം നിരവധി പ്രതിപക്ഷ രാഷ്ട്രീയ നേതാക്കൾ അമിത്ഷായ്ക്കെതിരെ രം​ഗത്തുവന്നിരുന്നു.

 

നേരത്തെ ബം​ഗാൾ മുഖ്യമന്ത്രി മമതാ ബാനർജി, സിപിഐഎം ജനറൽ സെക്രട്ടറി സീതാറാം യെച്ചൂരി, കേരളാ മുഖ്യമന്ത്രി പിണറായി വിജയൻ, ഡിഎംകെ അധ്യക്ഷൻ എം കെ സ്റ്റാലിൻ, മുൻ കർണാടക മുഖ്യമന്ത്രിമാരായ സിദ്ധരാമയ്യ, എച്ച് ഡി കുമാരസ്വാമി, എഐഎംഐഎം അധ്യക്ഷനും ലോക്‌സഭാ എംപിയുമായ അസദുദ്ദീൻ ഉവൈസി, നടനും മക്കൾനീതി മയ്യം നേതാവുമായ കമൽഹാസൻ തുടങ്ങി നിരവധി നേതാക്കളാണ് കേന്ദ്രനീക്കത്തിനെതിരെ ശക്തമായ എതിർപ്പറിയിച്ചിരിക്കുന്നത്. 

September 16, 2019, 20:16 pm

Advertisement

Advertisement