18 Friday
September , 2020
10.43 PM
livenews logo
flash News
നടിയെ ആക്രമിച്ച കേസ്: സിദ്ദിഖും ഭാമയും കൂറുമാറിയതിനെതിരെ രൂക്ഷ വിമർശനവുമായി​ നടിമാർ ദുബയ് നടപടി പിൻവലിച്ചു; നാളെ മുതൽ ദുബയിൽ നിന്ന് ഇന്ത്യയിലേക്കും തിരിച്ചുമുള്ള സർവീസുകൾ പുനരാരംഭിക്കുമെന്ന് എയർഇന്ത്യ ടിക്ക്ടോക്കിനും വിചാറ്റിനും പൂട്ടിട്ട് അമേരിക്ക; നിരോധനം ഞായറാഴ്ച മുതൽ ഷോപിയാനിൽ യുവാക്കൾ വെടിയേറ്റ് മരിച്ച സംഭവം: സൈനികർ നിയമം ലംഘിച്ചെന്ന് കണ്ടെത്തൽ; നടപടിക്കൊരുങ്ങി ആർമി ഒക്ടോബർ പകുതിയോടെ തൊണ്ണൂറിലേറെ കേന്ദ്രങ്ങളിലേക്ക് സർവീസ് നടത്തുമെന്ന് ഖത്തർ എയർവേസ് സംസ്ഥാനത്ത് 4167 പേർക്ക് കൂടി കൊറോണ; 3849 പേർ സമ്പർക്കബാധിതർ പ്ലേ സ്റ്റോറിൽ നിന്ന് പേ ടിഎം ആപ്പ് നീക്കം ചെയ്ത് ​ഗൂ​ഗിൾ ഡൽഹി കലാപത്തിൽ ജയിലിലടച്ച ജെഎൻയു വിദ്യാർഥിനിക്ക് ജാമ്യം; കലാപം പ്രോൽസാഹിപ്പിച്ചതിനു തെളിവില്ലെന്ന് ഡൽഹി കോടതി വീടുകൾ കേന്ദ്രീകരിച്ച് മോഷണം നടത്തിവന്ന മൂന്നു സൗദി യുവാക്കൾ അറസ്റ്റിലായി ഖത്തർ യുഎഇ തർക്കത്തിൽ പണംവാരി വാഷിങ്ടൺ ലോബികൾ

കോവിഡ് രോ​ഗികളെ ഖബറടക്കുന്നത് തടയണമെന്ന ഹരജി തള്ളി; മൃതദേഹത്തിലൂടെ വൈറസ് പകരുമെന്നതിന് ശാസ്ത്രീയ അടിത്തറയില്ല


മുംബൈ: കോവിഡ് ബാധിച്ച്​ മരിച്ചവരുടെ മൃതദേഹം ഖബർസ്ഥാനിൽ സംസ്കരിക്കുന്നതിനെതിരെ നൽകിയ ഹരജി ബോംബെ ഹൈക്കോടതി തള്ളി. ബാന്ദ്ര ഖബർസ്ഥാനിൽ സംസ്‌കരിക്കുന്നതിനെതിരെ പ്രദേശവാസിയായ പ്രദീപ് ഗാണ്ടിയുടെ നേതൃത്വത്തിൽ നൽകി ഹരജിയാണ് കോടതി തള്ളിയത്. ഏപ്രില്‍ 14നാണ് ഇവർ ഹരജി നൽകിയത്.

 

മൃതദേഹം ദഹിപ്പിക്കാതെ സംസ്​കരിക്കുന്നത്​ കോവിഡ്​ പകരാൻ ഇടയാക്കുമെന്നായിരുന്നു ഇവരുടെ വാദം. ബാന്ദ്രയിലെ ശ്മശാനത്തില്‍ കോവിഡ്-19 ബാധിതരുടെ മൃതദേഹം മറവുചെയ്യുന്നത് സാമൂഹിക വ്യാപനത്തിന് കാരണമാകുമെന്നും ഇവർ ഹരജിയിൽ ആരോപിച്ചിരുന്നു.

 

മൃതദേഹങ്ങൾ സംസ്‌കരിക്കാനുള്ള ബ്രിഹൻ മുംബൈ മുനിസിപ്പൽ കോർപ്പറേഷ​​ന്റെ (ബിഎംസി) തീരുമാനം പിൻവലിക്കണമെന്നും ഹരജിക്കാർ ആവശ്യപ്പെട്ടു. എന്നാൽ, ഇത്​ അശാസ്​ത്രീയ ആരോപണമാണെന്ന്​ ചീഫ് ജസ്റ്റിസ് ദീപങ്കർ ദത്ത, ജസ്റ്റിസ് എസ് എസ്​ ഷിൻഡെ എന്നിവർ വ്യക്തമാക്കി. 

 

മൃതദേഹങ്ങൾ കുഴിച്ചിട്ടാൽ രോഗം പടരുമെന്ന വാദം ലോകാരോഗ്യ സംഘടനയോ കേന്ദ്ര സർക്കാരോ അംഗീകരിക്കുന്നി​ല്ലെന്നും കോവിഡ് മൃതദേഹങ്ങളിലൂടെ പകരുമെന്നതിന് ശാസ്ത്രീയ അടിത്തറയില്ലെന്നും ബോംബെ ഹൈക്കോടതി വ്യക്തമാക്കി. അതേസമയം, കോവിഡ് രോഗികളെ സംസ്‌കരിക്കാനുള്ള മാർ​ഗനിർദേശങ്ങൾ കർശനമായി പാലിക്കണമെന്ന് ബിഎംസിക്ക് നിർദേശം നൽകി.

 

മാത്രമല്ല, ശ്മശാനത്തിന്റെ അതിര്‍ത്തി നിര്‍ണയിക്കാന്‍ ബിഎംസിക്ക് പൂര്‍ണ അധികാരമുണ്ടെന്നും കോടതി വ്യക്തമാക്കി. പ്രദേശവാസികള്‍ ചേര്‍ന്ന് ശ്മശാനത്തിന്റെ ഗേറ്റില്‍ സ്ഥാപിച്ച പൂട്ട് നീക്കം ചെയ്യാനും ബിഎംസിക്ക് കോടതി നിര്‍ദേശം നല്‍കി. ആവശ്യമെങ്കില്‍ പൊലീസിന്റെ സഹായം തേടാമെന്നും കോടതി വ്യക്തമാക്കി.

 

​അതേസമയം, ഹരജിക്കാരില്‍നിന്ന് കോടതിച്ചെലവ് ഈടാക്കാമെങ്കിലും നിലവിലെ സാഹചര്യത്തില്‍ അത് ചെയ്യുന്നില്ലെന്ന് കോടതി പറഞ്ഞു. വീഡിയോ കോണ്‍ഫറന്‍സിലൂടെയാണ് കോടതി ഹരജി പരിഗണിച്ചത്. 

 

ഏപ്രില്‍ 13നാണ് ഇവര്‍ ഗേറ്റ് പൂട്ടിയത്. മൃതദേഹം ശ്മശാനത്തില്‍ സംസ്‌കരിക്കുന്നതിന് എതിരെ പ്രതിഷേധം നടത്തിയതിനു പിന്നാലെ ആയിരുന്നു ഇത്. പ്രതിഷേധത്തെ തുടർന്ന് ബാന്ദ്രയിൽ ഖബറടക്കാൻ കൊണ്ടുവന്ന മൃതദേഹം മറ്റൊരിടത്തേക്ക്​ കൊണ്ടുപോയിരുന്നു. 

 

ഇതിനുപിന്നാലെ, കൊറോണ ബാധിച്ച്​ മരിക്കുന്നവരെ മതം നോക്കാതെ ദഹിപ്പിക്കണമെന്നും കുഴിച്ചിടരുതെന്നും മാർച്ച് 30ന് മുംബൈ മുനിസിപ്പൽ കോർപ്പറേഷൻ സർക്കുലർ ഇറക്കിയിരുന്നു. 

 

ഏറെ വിവാദമായ ഈ ഉത്തരവ് പിന്നീട്​ കടുത്ത എതിർപ്പിനെ തുടർന്ന് പിന്നീട്​ പിൻവലിച്ചു. പുതുക്കിയ മാനദണ്ഡങ്ങൾ പ്രകാരം വിസ്​തൃതിയുള്ള ശ്​മശാനത്തിൽ മാത്രമാണ്​ സംസ്​കരിക്കാൻ അനുമതി നൽകുന്നത്.

 

വിഷയത്തില്‍ ഇടക്കാല ഉത്തരവ് പുറപ്പെടുവിക്കാന്‍ കോടതി നേരത്തെ വിസമ്മതിച്ചിരുന്നു. തുടര്‍ന്ന് ഹരജിക്കാര്‍ സ്പെഷല്‍ ലീവ് പെറ്റീഷനുമായി സുപ്രീംകോടതിയെ സമീപിച്ചു. ഇതേത്തുടര്‍ന്ന് രണ്ടാഴ്ചയ്ക്കുള്ളില്‍ വിഷയത്തില്‍ തീര്‍പ്പുകല്‍പ്പിക്കാന്‍ സുപ്രീംകോടതി, ഹൈക്കോടതിക്ക് നിര്‍ദേശം നല്‍കുകയായിരുന്നു.

May 22, 2020, 17:15 pm

Advertisement

Advertisement