24 Friday
January , 2020
7.33 AM
livenews logo
flash News
പുലരാനിരിക്കുന്നത് നീതിപീഠങ്ങളുടെ ബധിര കർണങ്ങളിൽ ഇടിനാദം മുഴങ്ങുന്ന പ്രഭാതങ്ങൾ പൗരത്വ പ്രക്ഷോഭത്തിനിടെ ബിജെപിക്ക് തിരിച്ചടി; ​ഗുജറാത്ത് എംഎൽഎ രാജിവച്ചു റോഹിങ്ക്യൻ വംശഹത്യക്കെതിരെ നടപടിയെടുക്കണം; മ്യാൻമറിനോട് അന്താരാഷ്ട്ര നീതിന്യായ കോടതി ജിപിഎസിനു പകരക്കാരനെയും കൊണ്ട് ഐഎസ്ആർഒ; വൈകാതെ ഫോണുകളിൽ ലഭ്യമാവും വുഹാൻ വൈറസ് ബാധ: സൗദിയിൽ 30 മലയാളി നഴ്സുമാർ നിരീക്ഷണത്തിൽ ജംബോ പട്ടികയിൽ എന്നെ പരി​ഗണിക്കേണ്ട; പൊട്ടിത്തെറിച്ച് വി ഡി സതീശൻ പൗരത്വനിയമത്തെ അനുകൂലിച്ച പരിപാടിക്കെതിരെ പ്രതിഷേധിച്ച യുവതിയെ അറസ്റ്റ് ചെയ്ത് പൊലീസ് ആസാദി മുഴക്കിയാൽ രാജ്യ​ദ്രോഹത്തിനു കേസെടുക്കുമെന്ന യുപി മുഖ്യമന്ത്രിയുടെ പ്രസ്താവനയ്ക്കെതിരേ ഫേസ്ബുക്ക് പേജിൽ പൊങ്കാല പ്രതി പിടിക്കപ്പെടുംമുമ്പ് ഭീകരൻ; ശേഷം വെറും യുവാവ്: ജന്മഭൂമിയുടെ ഭീകര നിലപാട് ചീറ്റി യാത്രാമധ്യേ എൻജിൻ തകരാറിലായി; ഇൻഡി​ഗോ വിമാനം മുംബൈയിൽ എമർജൻസി ലാന്റിങ് നടത്തി

മൂന്നാംദിവസവും മഴയിൽ കുതിർന്ന് യുഎഇ; താറുമാറായി വ്യോമ-റോഡ് ​ഗതാ​ഗതം

January 12, 2020, 13:01 pm

ദുബയ്: യുഎഇയില്‍ തുടര്‍ച്ചയായ മൂന്നാം ദിവസവും ശക്തമായ മഴ പെയ്യുന്നതിനെ തുടര്‍ന്ന് വ്യോമ-റോഡ് ​ഗതാ​ഗതം താറുമാറായി. ദുബയ് വിമാനത്താവളത്തിൽ വെള്ളം കയറിയതോടെ കഴിഞ്ഞദിവസം മുതൽ സർവീസുകൾ താളംതെറ്റിയിരുന്നു. സര്‍വീസ് നടത്തുന്ന വിമാനങ്ങള്‍ മണിക്കൂറുകൾ വൈകിയാണ് വരികയും പോവുകയും ചെയ്യുന്നത്.

 


ശക്തമായ മഴയെത്തുടർന്ന് ശനിയാഴ്ച സ്കൂളുകൾക്ക് അവധി നൽകിയതിനു പുറമേ ഞായറാഴ്ചയും ഭൂരിഭാ​ഗം സ്കൂളുകളും അടച്ചിട്ടിരിക്കുകയാണ്. മഴ തുടരുന്നതിനാൽ നിരവധി വാഹനാപകടങ്ങളാണ് രാജ്യത്ത് നടന്നത്. വാഹനമോടിക്കുന്നവർ ജാ​ഗ്രത പാലിക്കണമെന്ന മുന്നറിയിപ്പിനു പുറമേ വേ​ഗതാ നിയന്ത്രണവും അധികൃതർ ഏർപ്പെടുത്തിയിട്ടുണ്ട്. താഴ്ന്ന പ്രദേശങ്ങളിലെ വെള്ളക്കെട്ട് കാരണം ഷാര്‍ജയിലേയും ദുബയിലേയും റോഡുകള്‍ പലതും അടച്ചിട്ടിരിക്കുകയാണ്.

 

മഴയെ തുടര്‍ന്ന് 19 വിമാനങ്ങള്‍ വഴി തിരിച്ച് വിട്ടതായി ദുബയ് വിമാനത്താവള അധികൃതര്‍ അറിയിച്ചു. മുംബൈ, ഡല്‍ഹി, ഹൈദരാബാദ്, വിശാഖപട്ടണം എന്നീ സെക്ടറിലേക്കുള്ള എയര്‍ ഇന്ത്യ വിമാനങ്ങള്‍ റദ്ദാക്കിയിരിക്കുന്നതായി എയര്‍ ഇന്ത്യ അധികൃതര്‍ അറിയിച്ചു. ഈ വിമാനത്തില്‍ പോവേണ്ടിയിരുന്ന യാത്രക്കാര്‍ക്ക് വേറൊരു ദിവസം യാത്ര ചെയ്യാനോ അല്ലെങ്കില്‍ മുഴുവന്‍ പണം തിരിച്ച് ലഭിക്കാനോ ഓഫിസുമായി ബന്ധപ്പെടണമെന്ന് എയർഇന്ത്യ അധികൃതർ പറഞ്ഞു.

 

24 വർഷത്തിനിടെ യുഎഇയിൽ പെയ്യുന്ന ഏറ്റവും ശക്തമായ മഴയാണ് ഇപ്പോഴത്തേതെന്ന് ദേശീയ കാലാവസ്ഥ കേന്ദ്രം വ്യക്തമാക്കി. അൽ‌ ഐനിലെ ഖതം അൽ ശക്ലയിൽ 184.4 എംഎം മഴയാണ് പെയ്തത്. 1996ൽ ഷാർജയിലെ ഖോർ ഫക്കാനിൽ പെയ്ത 144  എംഎം മഴയാണ് പഴങ്കഥയായത്.  മഴ ആസ്വദിക്കാന്‍ മരുഭൂമികളിലെ വാദികളിലോ മലമ്പ്രദേശങ്ങളിലോ പോവരുതെന്ന് പോലിസ് മുന്നറിയിപ്പ് നല്‍കിയിട്ടുണ്ട്.

January 12, 2020, 13:01 pm

Advertisement