18 Friday
September , 2020
12.04 PM
livenews logo
flash News
ശിശുവിന്റെ മൃതദേഹം ഫ്രീസറിൽ വച്ചത് ജീവനക്കാർ മറന്നു; കണ്ടെത്തുന്നത് അഞ്ചാം ദിവസം ലോകത്ത് കൊറോണ ബാധിതരുടെ എണ്ണം മൂന്നുകോടി പിന്നിട്ടു വിവാദ കാർഷിക ബില്ലുകളിൽ പ്രതിഷേധിച്ച് കേന്ദ്ര ഭക്ഷ്യമന്ത്രി രാജിവച്ചു ഹിന്ദുത്വ ഭരണത്തില്‍ മുസ്‌ലിംകള്‍ സുരക്ഷിതരല്ല; ഇന്ത്യയിലെ മുസ്‌ലിം നേതൃത്വം കപടവേഷധാരികൾ; ഉമർ ഖാലിദിനെ ഉടൻ മോചിപ്പിക്കണമെന്നും കുവൈത്തി അഭിഭാഷകന്‍ അൽജസീറയെ ഫറ നിയമത്തിനു കീഴിൽ കൊണ്ടുവന്നു; യുഎസ് നടപടി യുഎഇ-ഇസ്രായേൽ നയതന്ത്രകരാറിന്റെ ഭാ​ഗമെന്ന് അൽജസീറ പ്രധാനമന്ത്രി രാജ്യത്തെ 60 കോടി ജനങ്ങളുടെ ജീവിതം മെച്ചപ്പെടുത്തി; അമിത് ഷാ കണ്ണൂരിൽ സമര ഡ്യൂട്ടിയിലുണ്ടായിരുന്ന പൊലീസുകാരന് കോവിഡ് തൊഴിലില്ലാതെ പത്ത് കോടി പേർ; മോദിയുടെ ജന്മദിനം ദേശീയ തൊഴിലില്ലായ്മ ദിനമായി ആചരിച്ച് യുവജനങ്ങൾ യൂത്ത് കോൺ​ഗ്രസ് മാർച്ചിൽ സംഘർഷം; വി ടി ബൽറാം എംഎൽഎയ്ക്ക് ലാത്തിച്ചാർജിൽ പരിക്ക് വെളുപ്പാന്‍ കാലത്ത് ‘വിശദീകരണം നല്‍കാന്‍’ പോകേണ്ടി വരുന്ന സാഹിബിന് തോര്‍ത്ത് വാങ്ങാന്‍ എന്റെ വക 25; ജലീലിനെ ട്രോളി വി ടി ബൽറാം

മാൻഹോളിലെ രക്തസാക്ഷിയും ഒരു നൗഷാദായിരുന്നു; സഹജീവി സ്നേഹത്തിലും സമാനതയൊഴുകുന്ന രണ്ട് മനുഷ്യസാ​ഗരങ്ങൾ


ഷിയാസ് ബിൻ ഫരീദ്

 

മനുഷ്യർക്കിടയിൽ പേരുകൾ കൊണ്ടും സ്വഭാവം കൊണ്ടും സമാനതകൾ ഉണ്ടാവുക സ്വാഭാവികം. എന്നാൽ പേരിലും സ്വഭാവത്തിലും സമാനതയുള്ള, ആ സ്വഭാവത്തിന്റെ കാര്യത്തിൽ മഹാസാ​ഗരമായ രണ്ടു മനുഷ്യർ. സഹജീവി സ്നേഹത്തിലും നന്മയിലും എല്ലാവരേയും അതിശയിപ്പിച്ച രണ്ടു നൗഷാദുമാർ. ഒരാൾ കോഴിക്കോടുകാരനും രണ്ടാമൻ കൊച്ചിക്കാരനും. മാനുഷിക സ്നേഹത്തിന്റെ കാര്യത്തിൽ അതിരുകൾ ഇല്ലെന്ന് തെളിയിച്ച്, അതിരില്ലാത്ത മനുഷ്യത്വത്തിന് ഉടമയായ വ്യക്തിത്വങ്ങൾ.

 

വയനാട്ടിലേയും നിലമ്പൂരിലേയും ദുരിതാശ്വാസ ക്യാംപുകളിലേക്ക് സാധനങ്ങൾ ശേഖരിക്കാനായി പോയ നടൻ രാജേഷ് ശർമയുടെ നേതൃത്തിലുള്ള സംഘത്തിന് തന്റെ ചെറിയ കടയിൽ നിന്ന് ആറു ചാക്ക് തുണികൾ നൽകി എല്ലാവരുടേയും പ്രാർഥനകളിലും ഹൃദയങ്ങളിലും ഇടംനേടിയ മാലിപ്പുറം ദേശി നൗഷാദാണ് ഈ വലിയ പെരുന്നാൾക്കാലത്തെ താരം.  ഇന്നലെയായിരുന്നു സംഭവം. നന്മയുള്ള മനസുകൾ തീർന്നുപോയിട്ടില്ലെന്ന് തെളിയിക്കുന്നതാണ് രണ്ടാം പ്രളയകാലത്തും ദുരിതബാധിതർക്കായി ഒഴുകിക്കൊണ്ടിരിക്കുന്ന സഹായങ്ങൾ. ഇതിനിടെയിലും പ്രവൃത്തിയിലെ വ്യത്യസ്ഥത കൊണ്ടാണ് നൗഷാദ് ഏവർക്കും പ്രിയപ്പെട്ടവനാകുന്നത്.

ബലി പെരുന്നാളിന്റെ തലേന്ന് തന്റെ ഉപജീവന മാർ​ഗത്തിന്റെ നല്ലൊരു പങ്കും ത്യജിച്ച്, അവ ബലി നൽകി യഥാർഥ ത്യാ​ഗത്തിന്റെ പ്രതീകമായ വലിയ മനുഷ്യൻ. മൊത്തക്കച്ചവടക്കാരായവർ പോലും കൊടുക്കാൻ മടിച്ചുനിന്നപ്പോഴും വലിയ കടക്കാർ പോലും തുച്ഛമായ രീതിയിൽ മാത്രം നൽകിയപ്പോഴുമാണ് കൊച്ചി ബ്രോഡ് വേയിലെ  സാധാരണക്കാരനായ ആ തുണിക്കച്ചവടക്കാരൻ സാധന ശേഖരണ സംഘത്തെ വിളിച്ചുകൊണ്ടുപോയി വാഹനം നിറയെ തുണികൾ ‍നൽകിയത്. "നാളെ പെരുന്നാളല്ലേ" എന്ന് ചോദിക്കുമ്പോൾ, "ഇതാണ് എന്റെ പെരുന്നാൾ, നാട്ടുകാരെ സഹായിക്കുന്നതാണ് എന്റെ ലാഭം, പിന്നെ ഇതൊന്നും കൊണ്ടല്ലല്ലോ നമ്മൾ നാളെ പോവുന്നത് എന്നൊക്കെ തിരിച്ചുചോദിക്കുന്ന അമ്പരപ്പിക്കുന്ന മനുഷ്യസ്നേഹി. 

 

നാലു വർഷം മുമ്പാണ് മറ്റൊരു മനുഷ്യസ്നേഹിയായ നൗഷാദ് ഊരും പേരും പോലും അറിയാത്തെയാളുകളെ രക്ഷിക്കാനായി മാൻഹോളിൽ ഇറങ്ങി സ്വജീവൻ തന്നെ ബലി നൽകിയത്. 2015 നവംബര്‍ 26നായിരുന്നു നാടിന്റെ ഞെട്ടിച്ച ദുരന്തമുണ്ടായത്. കോഴിക്കോട് നഗരത്തില്‍ മാന്‍ഹോളില്‍ അകപ്പെട്ട ആന്ധ്ര സ്വദേശികളായ നരസിംഹം, ഭാസ്‌കര്‍ എന്നിവരെ രക്ഷിക്കാന്‍ ഇറങ്ങവെയാണ് ഓട്ടോ ഡ്രൈവറായ കരുവിശ്ശേരി മേപ്പക്കുടി നൗഷാദ് മരണത്തിന് കീഴടങ്ങിയത്. 

 

വീടിനും നാട്ടുകാര്‍ക്കും ഏറെ പ്രിയപ്പെട്ടവനായിരുന്ന നൗഷാദ്. എത് നേരത്തും സഹായവുമായി എവിടെയും എത്തുമായിരുന്നു. മാൻ​ഹോളിൽ ശ്വാസം കിട്ടാതെ പിടയുന്ന ആളുകളെ കണ്ടപ്പോൾ തന്റെ ജീവനേക്കാൾ അവരുടെ ജീവനാണ് അദ്ദേഹം വില നൽകിയത്. രക്ഷിക്കാനിറങ്ങാൻ പേടിച്ചും മടിച്ചും നിന്ന ആൾക്കൂട്ടത്തിൽ നിന്നും ആ വലിയ ഉദ്യമത്തിന് ഇറങ്ങിയത് നൗഷാദ് മാത്രമായിരുന്നു. മനസിൽ സ്നേഹത്തിന്റെ പ്രളയം പേറുന്ന, ഏവർക്കും മാതൃകയായ മനുഷ്യർ ഉള്ളതുകൊണ്ടാണ് ഈ പ്രളയകാലത്തും നാട് അതിജീവിക്കപ്പെടുന്നതെന്ന് ഉറപ്പാണ്.

August 12, 2019, 13:15 pm

Advertisement

Advertisement