31 Sunday
May , 2020
8.55 PM
livenews logo
flash News
മലപ്പുറം കൊക്കൂര്‍ സ്വദേശി അബൂദബിയില്‍ മരിച്ചു യുഎഇയില്‍ 661 പേര്‍ക്ക് കൂടി കൊറോണ വൈറസ് ബാധ; രണ്ടുമരണം ദുബയ് കെഎംസിസി ചാര്‍ട്ടേര്‍ഡ് ഫ്ളൈറ്റ്: പട്ടിക കോണ്‍സുല്‍ ജനറലിന് കൈമാറി അന്താരാഷ്ട്ര വിമാന സര്‍വീസ്‌ നിരോധനം ജൂണ്‍ 30 വരെ തുടരും സ്കൂട്ടർ ദേഹത്ത് തട്ടിയെന്ന്: അസമിൽ യുവാവിനെ ആൾക്കൂട്ടം തല്ലിക്കൊന്നു; നാല് പേർ അറസ്റ്റിൽ പാലത്തായി പീഡനം: വനിതാ ഐപിഎസ് ഉദ്യോഗസ്ഥയ്ക്ക് അന്വേഷണ ചുമതല നല്‍കണം; മുഖ്യമന്ത്രിക്ക് വിമന്‍ ജസ്റ്റിസ് മൂവ്‌മെന്റിന്റെ കത്ത് വൈദ്യപരിശോധനയ്‌ക്കെത്തിച്ച പോലിസ് മുങ്ങി; ബലാല്‍സംഗത്തിനിരയായ പെണ്‍കുട്ടി വീടെത്താന്‍ നടന്നത് 40 കിലോമീറ്റര്‍ ഇന്ത്യയിൽ കോവിഡ് വ്യാപനത്തിന് കാരണം നമസ്തേ ട്രംപ് പരിപാടിയെന്ന് ശിവസേനയും; ബിജെപി വീണ്ടും പ്രതിരോധത്തിൽ ഇയാദ്, ജോർജ് ഫ്ലോയിഡ്; പൊലീസിന്റെ വംശീയക്കൊലകൾക്കെതിരെ ഇസ്രയേലിലും വൻ പ്രതിഷേധം ക്വാറന്റൈൻ ലംഘിച്ചെന്ന് ആരോപണം; ആരോ​ഗ്യപ്രവർത്തക ആത്മഹത്യക്ക് ശ്രമിച്ചു

ഖത്തർ അമീർ ഷെയ്ഖ് തമീം ചർച്ചകൾക്കായി ഇറാനിൽ


തെഹ്റാൻ: പുതിയ പ്രതിസന്ധികളുടെ സാഹചര്യത്തിൽ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി ചർച്ചകൾക്കായി ഇറാനിലെത്തി. ഇറാൻ പ്രസിഡന്റ് ഹസൻ റൂഹാനി ഉൾപ്പെടെയുള്ളവരുമായി അമീർ ഷെയ്ഖ് തമീം കൂടിക്കാഴ്ച നടത്തും.

 

ഇറാൻ സൈനികമേധാവി ഖാസിം സുലൈമാനിയെ അമേരിക്ക ബാദ്​ഗാദിൽ വച്ച് വധിച്ചതിനെ തുടർന്നുണ്ടായ സംഘർഷാവസ്ഥ കണക്കിലെടുത്താണ് ഖത്തർ അമീറിന്റെ ഇറാൻ സന്ദർശനം. ഖാസിം സുലൈമാനിയെ വധിച്ചതിനു തിരിച്ചടിയായി ഇറാൻ ഇറാഖിലെ യുഎസ് സൈനികതാവളങ്ങൾക്കു നേരെ മിസൈലാക്രമണം നടത്തിയിരുന്നു.

 

മേഖലയിലെ വിഷയങ്ങളും ഇരുരാജ്യങ്ങളും തമ്മിലുള്ള ഉഭയകക്ഷി ബന്ധങ്ങളും കൂടിക്കാഴ്ചയിൽ ചർച്ച ചെയ്യുമെന്ന് ഖത്തർ വാർത്താ ഏജൻസി വ്യക്തമാക്കി. യുഎസുമായി ഏറെ അടുപ്പമുള്ള ഖത്തറിന് ഇറാനുമായും അടുത്ത ബന്ധമാണുള്ളത്. ലോകത്തെ പ്രകൃതിവാതക സമ്പത്തിൽ ഏറിയപങ്കും ഇറാന്റെ പക്കലാണുള്ളത് എന്നതും സുപ്രധാന വിഷയമാണ്.

 

ഖാസിം സുലൈമാനിയെ യുഎസ് വധിച്ച ശേഷം ഇറാനിലെത്തുന്ന ആദ്യ രാഷ്ട്രതലവൻ എന്ന വിശേഷണവും ഖത്തർ അമീറിന്റെ സന്ദർശനത്തിനുണ്ട്.

 

കഴിഞ്ഞദിവസം അന്തരിച്ച സുൽത്താൻ ഖാബൂസിന്റെ നിര്യാണത്തിൽ ഒമാന്റെ പുതിയ ഭരണാധികാരി ഹൈതം ബിൻ താരീഖ് അൽ സഈദിനെ കണ്ട് അനുശോചനമറിയിച്ച ശേഷമാണ് ഷെയ്ഖ് തമീം ഒമാനിൽ നിന്ന് ഇറാന്റെ തലസ്ഥാനമായ തെഹ്റാനിലേക്ക് വന്നത്.

January 12, 2020, 17:16 pm

Advertisement