14 Friday
August , 2020
4.01 AM
livenews logo
flash News
നടി ​നിക്കി ​ഗൽറാണിക്ക് കോവിഡ് സ്ഥിരീകരിച്ചു മലപ്പുറം എസ്പിക്ക് കോവിഡ് ബാബരി മണ്ണിലെ അനീതിയുടെ ശിലാസ്ഥാപനം: പ്രതിപക്ഷ പാർട്ടികളുടെ നിലപാട് മതേതര ഇന്ത്യക്ക് അപമാനമെന്ന് കോയ ചേലേമ്പ്ര കാസർ​ഗോട്ടെ 16കാരിയുടെ മരണം വിഷം ഉള്ളിൽച്ചെന്ന്; കൊലപാതകത്തിൽ സഹോദരൻ കസ്റ്റഡിയിൽ വാരണാസിയിൽ കോവിഡ് ബാധിച്ച് മരിച്ച മെഡിക്കൽ ഓഫീസറുടെ മൃതദേഹം മാറി നൽകി; തിരിച്ചറിഞ്ഞത് ദഹിപ്പിക്കുന്നതിനിടെ കോവിഡ് വാക്സിൻ മൂന്നാം ഘട്ട പരീക്ഷണം 107 രാജ്യങ്ങളിൽ നിന്നായി 15000 വോളന്റിയർമാരിൽ പൂർത്തിയാക്കി ഇന്ന് 1564 പേര്‍ക്ക് കൊറോണ; 1380ഉം സമ്പർക്കം ആദ്യം നമസ്തേ ട്രംപ്, ഇപ്പോ രാമക്ഷേത്ര പൂജ; എന്നിട്ടും അവര്‍ പറയുന്നു ‘കൊറോണ ജിഹാദ്’; പ്രശാന്ത് ഭൂഷൺ പെട്ടിമുടിയിലെ കുടുംബങ്ങൾക്ക് വീട് വച്ച് നൽകും; വിദ്യാർഥികളുടെ പഠന ചെലവ് സർക്കാർ വഹിക്കും; മുഖ്യമന്ത്രി ഇന്ത്യയിൽ കൊറോണ ബാധിതർ 24 ലക്ഷം തൊടുന്നു; പുതുതായി രോ​ഗം സ്ഥിരീകരിച്ചത് 66999 പേർക്ക്

സവർക്കറെ അവഹേളിക്കരുത്; അക്കാര്യത്തിൽ വിട്ടുവീഴ്ചയില്ല: രാഹുൽ ​ഗാന്ധിയോട് ശിവസേന


സവർക്കറെ അവഹേളിക്കരുതെന്നും അക്കാര്യത്തിൽ വിട്ടുവീഴ്ചയ്ക്കില്ലെന്നും മഹാരാഷ്ട്രയിലെ കോൺ​ഗ്രസിന്റെ സഖ്യകക്ഷിയായ ശിവസേന. ശിവസേനാ നേതാവ് സഞ്ജയ് റാവത്ത് ആണ് വിഷയത്തിൽ ട്വീറ്റ് ചെയ്തത്. ഇന്ത്യയിൽ നടമാടുന്നത് മോദിയുടെ മേക്ക് ഇൻ ഇന്ത്യയല്ല റേപ്പ് ഇൻ ഇന്ത്യയാണെന്ന പരാമർശത്തിൽ രാഹുൽ ​ഗാന്ധി മാപ്പ് പറയണമെന്ന ബിജെപിയുടെ ആവശ്യം നിരാകരിച്ചുകൊണ്ട് രാഹുൽ നടത്തിയ പ്രസ്താവനയാണ് ശിവസേനയെ പ്രകോപിപ്പിച്ചത്. മാപ്പ് പറയാൻ തന്റെ പേര് രാഹുൽ സവർക്കർ എന്നല്ലെന്നും  രാഹുൽ ​ഗാന്ധിയാണെന്നുമാണ് രാഹുൽ ​ഗാന്ധി ബിജെപിക്കെതിരേ ആഞ്ഞടിച്ചത്.

 

സത്യം പറഞ്ഞതിന് താനൊരിക്കലും മാപ്പ് പറയില്ല. ഞാൻ മരിച്ചേക്കാം. പക്ഷേ സത്യം പറഞ്ഞതിന്റെ പേരിൽ ഞാനൊരിക്കലും മാപ്പ് പറയില്ല. ഒരു കോൺ​ഗ്രസ്സുകാരനും അങ്ങനെ ചെയ്യില്ല. ഇന്ത്യയുടെ സാമ്പത്തികരം​ഗം തകർക്കുന്നതിന് മോദിയും കൂട്ടാളി അമിത് ഷായുമാണ് ഈ രാജ്യത്തോട് മാപ്പ് പറയേണ്ടതെന്നും രാഹുൽ പറയുകയുണ്ടായി. ഡൽഹി രാംലീല മൈതാനിയിൽ ഭാരത് ബച്ചാവോ എന്ന പേരിൽ കോൺ​ഗ്രസ് നടത്തിയ റാലിയെ അഭിസംബോധന ചെയ്യുകയായിരുന്നു രാഹുൽ ​ഗാന്ധി.

 

ആൻഡമാനിലെ സെല്ലുലാർ ജയിലിൽ നിന്ന് മോചിതനാവുന്നതിന് സവർക്കർ ബ്രിട്ടീഷുകാർക്ക് മാപ്പെഴുതിക്കൊടുത്ത സംഭവത്തെ ഉദ്ദേശിച്ചായിരുന്നു രാഹുലിന്റെ പരിഹാസം.

 

വീർ സവർക്കർ മഹാരാഷ്ട്രയുടെ മാത്രമല്ല രാജ്യത്തിനു മൊത്തം മാതൃകയാണ്. സവർക്കറുടെ നാമം രാജ്യത്തിനു തന്നെ അഭിമാനമാണ്. നെഹ്രുവിനെയും ​ഗാന്ധിയെയും പോലെ സവർക്കറും രാജ്യത്തിനു വേണ്ടി ജീവൻ ത്യജിച്ചയാളാണ്. ഇത്തരം ബിംബങ്ങൾ ആദരിക്കപ്പെടണം. ഇക്കാര്യത്തിൽ യാതൊരുവിധ വിട്ടുവീഴ്ചയുമില്ലെന്നായിരുന്നു സഞ്ജയ് റാവത്തിന്റെ ട്വീറ്റ്.

 

മറ്റൊരു ട്വീറ്റിൽ തങ്ങൾ പണ്ഡിറ്റ് നെഹ്രുവിലും മഹാത്മാ ​ഗാന്ധിയിലും വിശ്വസിക്കുന്നുവെന്നും വീർ സവർക്കറെ അവഹേളിക്കരുതെന്നും  സഞ്ജയ് റാവത്ത് ചൂണ്ടിക്കാട്ടി.

 

രാഹുൽ ​ഗാന്ധിയുടെ റേപ്പ് ഇൻ ഇന്ത്യ പരാമർശത്തിനെതിരേ കഴിഞ്ഞദിവസം ബിജെപി എംപിമാർ ലോക്സഭയിൽ കടുത്ത പ്രതിഷേധമുയർത്തിയിരുന്നു. പൗരത്വ ഭേദ​ഗതി ബില്ലിനെതിരായ പ്രതിപക്ഷ പ്രതിഷേധങ്ങളെ വഴിതിരിച്ചുവിടുന്നതിനായി ബിജെപി നടത്തിയ നാടകമായിരുന്നു ലോക്സഭയിലേതെന്ന വിമർശനവും ഇതിനിടെ ഉയർന്നു.

 

മഹാരാഷ്ട്രയിൽ സർക്കാർ രൂപീകരണവിഷയത്തിൽ ബിജെപിയോടു തെറ്റിയ ശിവസേന എൻസിപിയുടെയും കോൺ​ഗ്രസിന്റെയും പിന്തുണയോടെയാണ് ഭരണത്തിലെത്തിയത്.

December 14, 2019, 21:21 pm

Advertisement

Advertisement