30 Monday
March , 2020
4.03 PM
livenews logo
flash News
ലോക്ക് ഡൗണിനിടെ നാട്ടിലേക്ക് വന്ന കുടിയേറ്റ തൊഴിലാളികൾക്ക് മേൽ യുപിയിൽ അണുനാശിനി തളിച്ചു; നടപടിക്ക് ഉത്തരവ് കേരളത്തിലേക്ക് കൊണ്ടുവന്ന പച്ചക്കറി ബിജെപി നേതാവും സംഘവും നശിപ്പിച്ചു കോവിഡ്: വിചാരണ തടവുകാർക്ക് ഇ‌‌‌ട‌ക്കാല ജാമ്യം നൽകി ഹൈക്കോടതി അതിഥി തൊഴിലാളികൾക്ക് കാരണവരായി ഹോം​ഗാർഡ് കരുണാകരൻ; ബോധവൽക്കരണം 'പച്ച ഹിന്ദിയിൽ' ലോക്ക്ഡൗൺ നീട്ടാൻ യാതൊരു പദ്ധതിയുമില്ലെന്ന് കേന്ദ്രം വരുന്ന രണ്ടാഴ്ചക്കാലം നിർണായകമെന്ന് ട്രംപ്; സാമൂഹിക അകലം പാലിക്കൽ ഏപ്രിൽ 30 വരെ നീട്ടി 'അന്യ സംസ്ഥാന തൊഴിലാളികളെ നാട്ടിൽ നിന്നോടിക്കണം'; അവർ നാടിനാപത്താണെന്ന് രാജസേനൻ കൊറോണ വൈറസ് ബാധിതരുടെ എണ്ണം 7.22 ലക്ഷം കവിഞ്ഞു; മരണം 33976 ലോക്ക് ഡൗണ്‍: അഞ്ചു രാത്രിയും ആറു പകലും നടന്ന് ഒടുവില്‍ ഓംപ്രകാശ് 800 കിലോമീറ്റര്‍ അകലെയുള്ള വീട്ടിലെത്തി ജന്മനാട്ടിൽ മടങ്ങിയെത്തിയ കുടിയേറ്റ തൊഴിലാളികളുടെ നെറ്റിയിൽ ചാപ്പകുത്തി മധ്യപ്രദേശ് പൊലീസ്

പൗരത്വ ഭേ​ദ​ഗതി ബില്ലിനെതിരേ സണ്ണി വെയ്ൻ; പ്രതിഷേധം പങ്കുവച്ചത് കുറിക്കുകൊള്ളുന്ന വീഡിയോയിലൂടെ


പാകിസ്താൻ, ബം​ഗ്ലാദേശ്, അഫ്​ഗാനിസ്താൻ രാജ്യങ്ങളിൽ നിന്നുള്ള മുസ് ലിം ഇതര അഭയാർഥികൾക്ക് പൗരത്വമുറപ്പുവരുത്താൻ കേന്ദ്രസർക്കാർ കൊണ്ടുവന്ന വിവാദ പൗരത്വ ഭേദ​ഗതി നിയമത്തിനെതിരേ പ്രതിഷേധവുമായി യുവ നടൻ സണ്ണിവെയ്നും. ഡോണ്ട് ബി എ സക്കർ എന്ന പേരിൽ 1945ൽ പുറത്തിറക്കിയ ​യുഎസ് ഹൃസ്വചിത്രത്തിലെ രം​ഗമാണ് സണ്ണി വെയ്ൻ പ്രതിഷേധമെന്ന നിലയിൽ ഫേസ്ബുക്കിൽ പങ്കുവച്ചിരിക്കുന്നത്.

 


തെരുവിലെത്തിയ വംശീയവാദി വിദേശിക്കളെ പുറത്താക്കണമെന്നും അവർ മൂലം തങ്ങൾക്കുണ്ടാവുന്ന അപകടങ്ങളെക്കുറിച്ചും ജനങ്ങളെ അഭിസംബോധന ചെയ്തു സംസാരിക്കുന്നതോടെയാണ് വീഡിയോ തുടങ്ങുന്നത്.. തങ്ങളുടെ ജോലികളും സമ്പത്തും ഇവിടെയെത്തിയ നീ​ഗ്രോകളും മറ്റു വിദേശികളും കവർന്നെടുക്കുകയാണെന്നും ഇവരെ തങ്ങളുടെ രാജ്യത്തു നിന്ന് പുറത്താക്കണമെന്നും വംശീയവാദി തെരുവിലിറങ്ങി ആഹ്വാനം ചെയ്യുന്നതും ഇതേക്കുറിച്ച് കാഴ്ചക്കാരായ രണ്ടുപേർ തമ്മിൽ സംസാരിക്കുന്നതുമായ രം​ഗമാണ് സണ്ണി വെയിൻ പങ്കുവച്ചിരിക്കുന്നത്.

 


ജർമനിയിൽ നിന്ന് നാസികളുടെ വംശീയ വിദ്വേഷത്തെ തുടർന്ന് പലായനം ചെയ്തെത്തിയ ഹം​ഗേറിയൻ അഭയാർഥിയായ പ്രഫസർ നാസികളുടെ ഭാഷയാണ് ഇപ്പോൾ അമേരിക്കയിലും കേൾക്കുന്നതെന്നു രണ്ടാമനോടു പറഞ്ഞുകൊടുക്കുന്നുണ്ട്.

 

നീ​ഗ്രോ​കളെയും വിദേശികളെയും കത്തോലിക്കരെയും കൽപ്പണിക്കാരെയും പുറത്താക്കുന്നതു വരെ യഥാർഥ അമേരിക്ക ഉണ്ടാവില്ലെന്നാണ് വംശീയവിദ്വേഷം പ്രചരിപ്പിക്കുന്ന പ്രസം​ഗകൻ പറയുന്നത്. മറ്റുള്ളവരെ പുറത്താക്കണമെന്ന പ്രസം​ഗകന്റെ വാക്കുകൾ കേട്ടുനിന്ന കൽപ്പണിക്കാരൻ താനടക്കമുള്ളവരെയും പുറത്താക്കണമെന്നതു കേട്ട് അസ്വസ്ഥമാവുന്നു. നമ്മെ നശിപ്പിക്കുന്നതിനു മുമ്പ് അവരെ നശിപ്പിക്കണമെന്ന പ്രസം​ഗകൻ‌റെ വാക്കുകൾക്ക് കേട്ടുനിന്ന മറ്റുള്ളവർ കൈയടിക്കുന്നുണ്ട്.

 

അസ്വസ്ഥനായ കൽപ്പണിക്കാരനോടൊപ്പം നാസികളുടെ ക്രൂരത വിവരിച്ച് ഹം​ഗേറിയൻ പ്രഫസർ നടക്കുമ്പോൾ കാമറ പിറകെ പോവുന്നു. ബെർലിനിൽ യൂനിവേഴ്സിറ്റി പ്രഫസറായിരുന്ന കാലത്ത് ഇതേ വാക്കുകൾ താൻ അവിടെ കേട്ടിരുന്നതായി പ്രഫസർ കൽപ്പണിക്കാരനോടു പറയുന്നു. നാസികളുടെ പൊട്ടത്തരമെന്നാണ് അന്നു തനിക്കു തോന്നിയത്. എന്നാൽ അത് അങ്ങനെയായിരുന്നില്ലെന്നും പിന്നീട് വ്യക്തമായി. രാജ്യത്തെ പല ​ഗ്രൂപ്പുകളായി തിരിച്ചാണ് അവർ അതു നേടിയെടുത്തതെന്നും പ്രഫസർ കൽപ്പണിക്കാരനു പറഞ്ഞുകൊടുക്കുന്നു.

 

മതത്തിന്റെ അടിസ്ഥാനത്തിൽ പൗരത്വം ഉറപ്പുവരുത്തുന്ന മോദി സർക്കാരിന്റെ നീക്കം രാജ്യത്തിന്റെ രണ്ടാം വിഭജനത്തിനാണെന്ന പ്രതിപക്ഷ പാർട്ടികളുടെ വിമർശനങ്ങൾക്കും ദേശവ്യാപക പ്രതിഷേധങ്ങൾക്കും രാജ്യം വേദിയാവുന്നതിനിടെയാണ് സണ്ണി വെയ്നും പ്രതിഷേധത്തിന്റെ ഭാ​ഗമായത്. നിലപാട് പ്രഖ്യാപിച്ച യുവതാരത്തെ പ്രശംസിച്ച് നിരവധി പേരാണ് രം​ഗത്തെത്തിയത്.

 

പാർവതി തെരുവോത്താണ് മലയാള സിനിമയിൽ നിന്ന് പ്രതിഷേധമറിയിച്ച മറ്റൊരു താരം. നട്ടെല്ലിലൂടെ ഭയം അരിച്ചുകയറുന്നുണ്ട്. എന്നാൽ ഇതൊരിക്കലും നാം അനുവദിച്ചുകൊടുക്കരുതെന്നായിരുന്നു പൗരത്വ ഭേദ​ഗതി ബില്ലിനെതിരേ പാർവതി പ്രതികരിച്ചത്. മലയാളത്തിലെ സൂപ്പർ താരങ്ങളൊന്നും പൗരത്വ ഭേദ​ഗതി ബില്ലിൽ പ്രതികരിക്കുന്നില്ലെന്ന വിമർശനങ്ങൾക്കിടെയാണ് കുറിക്കുകൊള്ളുന്നൊരു വീഡിയോയുമായി വന്ന് സണ്ണി വെയ്ൻ കൈയടി നേടിയിരിക്കുന്നത്.

 

December 14, 2019, 18:26 pm

Advertisement