23 Wednesday
September , 2020
9.01 AM
livenews logo
flash News
ചികിത്സ വൈകി ആദിവാസി ബാലന്റെ മരണം; മധ്യപ്രദേശിൽ തൊഴിലുടമയടക്കം മൂന്ന് പേർക്കെതിരെ എൻഎസ്എ ചുമത്തി കുവൈത്തിൽ പ്രവാസി തൊഴിലാളികളെ പരിമിതപ്പെടുത്താൻ തീരുമാനം അലൻ- താഹ കേസിലെ ജാമ്യ ഉത്തരവ് വായിച്ച് പോസ്റ്റിട്ടു; പൊലീസുകാരനെ വീണ്ടും വേട്ടയാടി കമ്മീഷണർ; കാരണം കാണിക്കല്‍ നോട്ടീസ് പാലത്തായി കേസിലെ വീഴ്ച മറയ്ക്കാൻ ശ്രമിച്ച് എസ്പി യതീഷ് ചന്ദ്രയും; മറുപടിയില്ലാതെ വിവരാവകാശ അപേക്ഷ ചട്ടവിരുദ്ധമായി തീർപ്പാക്കി അബൂദബിയിൽ മദ്യം വാങ്ങുന്നതിനും കുടിക്കുന്നതിനുമുള്ള അനുമതി റദ്ദാക്കി അന്ന് ചായക്കടക്കാരനായും ഇന്ന് കർഷകനായും ഒരേ ആൾ; മോദി സർക്കാരിനെ ന്യായീകരിക്കാൻ എഎന്‍എ റിപ്പോർട്ടറുടെ വേഷം കെട്ടൽ കാർഷിക ബില്ലുകളെ പ്രതിപക്ഷം എതിർക്കുന്നത് ഇടനിലക്കാരുടെ സ്വാധീനം മൂലം; ബിജെപി സർക്കാരിന് തിരിച്ചടി; നിയമസഭയിലെ കൈയാങ്കളി കേസ് പിൻവലിക്കില്ലെന്ന് കോടതി പാപ്പരെന്ന് പ്രഖ്യാപിച്ച കമ്പനികൾക്കടക്കം വിദേശത്ത് കോടിക്കണക്കിന് കള്ളപ്പണം; മോദി സർക്കാരിന്റെ ഇരട്ടത്താപ്പ് വ്യക്തമാക്കി രേഖകൾ വൈപ്പിനിൽ യുവാവിനെ മർദനമേറ്റ് മരിച്ച നിലയിൽ കണ്ടെത്തി

ജൂലിയൻ അസാഞ്ചിനെതിരായ ലൈം​ഗികാരോപണ കേസിൽ സ്വീഡൻ അന്വേഷണം അവസാനിപ്പിച്ചു


വിക്കിലീക്സ് സ്ഥാപകൻ ജൂലിയൻ അസാഞ്ചിനെതിരായ ലൈം​ഗികാരോപണക്കേസിൽ സ്വീഡൻ അന്വേഷണം അവസാനിപ്പിച്ചു. 2010ലാണ് അസാഞ്ചിനെതിരേ സ്വീഡനിൽ ലൈം​ഗികാരോപണം ഉയർന്നത്. എന്നാൽ അസാഞ്ച് ആരോപണം നിഷേധിക്കുകയും സ്വീഡനിലേക്ക് നാടുകടത്തുന്നത് തടയാൻ 2012ൽ ലണ്ടനിലെ ഇക്വഡോർ എംബസിയിൽ രാഷ്ട്രീയ അഭയം തേടുകയുമുണ്ടായി.

 

എന്നാൽ ജാമ്യവ്യവസ്ഥകൾ ലംഘിച്ചുവെന്ന് ചൂണ്ടിക്കാട്ടി 48കാരനും ആസ്ത്രേലിയൻ പൗരനുമായ ജൂലിയൻ അസാഞ്ചിനെ ബ്രിട്ടൻ ജയിലിൽ അടച്ചു. അമ്പത് ആഴ്ച തടവ് വിധിക്കപ്പെട്ട അസാഞ്ച് ഇപ്പോൾ ജയിൽ ശിക്ഷ അനുഭവിച്ചുവരികയാണ്.

 

അതിനിടെ അമേരിക്കയും അസാഞ്ചിനെ ആവശ്യപ്പെട്ടിരുന്നു. അമേരിക്ക വിവിധ രാജ്യങ്ങളിൽ നടത്തിയ സൈനികനടപടികളെക്കുറിച്ചും നയതന്ത്രതലത്തിൽ നടത്തിയ ഇടപെടലുകളെക്കുറിച്ചുമുള്ള ആയിരക്കണക്കിന് രേഖകൾ വിക്കിലീക്സിലൂടെ ജൂലിയൻ അസാഞ്ച് പുറത്തുവിട്ടുവെന്ന കുറ്റം ചുമത്തിയാണ് അമേരിക്ക അസാഞ്ചിനെ ആവശ്യപ്പെട്ടത്.

ജൂൺ മാസത്തിൽ ബ്രിട്ടന്റെ ആഭ്യന്തരസെക്രട്ടറി സാജിദ് ജാവേദ് അസാഞ്ചിനെ അമേരിക്കയ്ക്ക് വിട്ടുനൽകാമെന്ന് സമ്മതിച്ചിരുന്നു.

 

അതേസമയം ബ്രിട്ടൻ ജയിലിൽ ജൂലിയൻ അസാഞ്ചിന്റെ അവസ്ഥ പരിതാപകരമാണെന്നും ഈ പോക്ക് പോയാൽ അദ്ദേഹത്തിന്റെ ജീവൻ തന്നെ നഷ്ടപ്പെടുമെന്നും യുഎൻ മനുഷ്യാവകാശ പ്രവർത്തകൻ അടുത്തിടെ വ്യക്തമാക്കിയിരുന്നു.

November 19, 2019, 20:11 pm

Advertisement

Advertisement