5 Sunday
July , 2020
6.55 AM
livenews logo
flash News
എട്ടുപോലിസുകാരെ കൊന്ന ​ഗുണ്ടാനേതാവിന്റെ വീടും കാറുകളും മണ്ണുമാന്തിയന്ത്രം കൊണ്ട് തരിപ്പണമാക്കി യുപി പോലിസ് തൃണമൂൽ കോൺ​ഗ്രസ് കൗൺസിലർക്ക് വെടിയേറ്റു പൊലീസ് ജീപ്പിൽ യുവതിയുമായി കറങ്ങിയ സിഐയ്ക്ക് സസ്പെൻഷൻ മാസ്കിടാത്തത് ചോദ്യം ചെയ്ത പൊലീസുകാരെ കൈയേറ്റം ചെയ്തു; യുപിയിൽ ബിജെപി നേതാവും മകനും അറസ്റ്റിൽ യുഎഇ വിമാനങ്ങൾക്ക്‌ ഇന്ത്യയിലിറങ്ങാനുള്ള വിലക്ക് നീക്കണമെന്ന് എം.കെ രാഘവൻ എം.പി സംസ്ഥാനത്ത് 240 പേർക്ക് കൊറോണ ബാധ; 209 പേർ രോഗമുക്തി നേടി ബേപ്പൂർ സ്വദേശി റിയാദിൽ കൊറോണ ബാധിച്ചു മരിച്ചു യുഡിഎഫിന്റെ മുഖ്യമന്ത്രി സ്ഥാനാർഥി ഉമ്മൻചാണ്ടിയല്ല; വ്യക്തമാക്കി കെ സുധാകരൻ മൂന്ന് ലക്ഷത്തിന്റെ സ്വർണ മാസ്ക് വച്ച് പൂനെ സ്വദേശി; പക്ഷേ ഫലപ്രാപ്തിയിൽ സംശയം യുഎഇയിൽ 716 പേർക്ക് കൊറോണ വൈറസ് ബാധ; 704 പേർക്ക് രോ​ഗമുക്തി

വെടിയുണ്ട കയറില്ലെന്ന് മുഖവുര; ടെസ് ല സൈബർട്രക്കിന്റെ ഡോർ ​​ഗ്ലാസ് ഏറു കൊണ്ട് തകർന്നു


കാലിഫോർണിയ: വാഹനത്തിന്റെ സവിശേഷത വിശദീകരിക്കുന്ന ഡെമോ ഷോയ്ക്കിടെ ടെസ് ലയുടെ പുതിയ സൈബർട്രക്കിന്റെ ഡോർ ​ഗ്ലാസുകൾ തകർന്നു. കാലിഫോർണിയയിലെ ഹാവ് തോണിൽ നടന്ന പ്രദർശനത്തിനിടെയാണ് ടെസ് ല ട്രക്കിന്റെ ​ഗ്ലാസുകൾ തകർന്നത്. വെടിയുണ്ട കൊണ്ടാലും ചുറ്റികയ്ക്ക് അടിച്ചാലും ​ഗ്ലാസ് പൊട്ടില്ലെന്ന മുഖവുരയോടെയായിരുന്നു ടെസ് ലയുടെ ഡിസൈൻ ഹെഡ് ഫ്രാൻസ് വോൻ ഹോൾഴൗസൻ ​ഗ്ലാസിനു നേരെ മെറ്റൽ പന്ത് എറിഞ്ഞത്.

 

മുൻവശത്തെ സൈഡ് ​ഡോർ ​ഗ്ലാസ് ഏറുകൊണ്ട് പൊട്ടിയതോടെ പിറകിലെ ​ഗ്ലാസിനു നേരെയും എറിഞ്ഞു. ഈ ​ഗ്ലാസും പൊട്ടിയതോടെ ഡെമോ അക്ഷരാർഥത്തിൽ പരാജയപ്പെട്ടു. മെറ്റൽ പന്ത് ​ഗ്ലാസ് മറികടന്ന് പോവാത്തത് ​ഗുണമാണെന്ന് കമ്പനിയുടമ എലൻ മാസ്ക് വേദിയിൽ പറഞ്ഞു.

ഗ്ലാസിന്റെ കാഠിന്യം പരിശോധിക്കുന്ന വേളയിലൊന്നും ഇങ്ങനെ അവ പൊട്ടിയിരുന്നില്ലെന്നും ഇപ്പോഴെന്തുകൊണ്ടാണ് പൊട്ടിയതെന്ന് അറിയില്ലെന്നും എലൻ മസ്ക് വ്യക്തമാക്കി.

 

28.61 ലക്ഷം രൂപയാണ് ടെസ്ല ട്രക്കിന്റെ വില. ഒരു തവണ ചാർജ് ചെയ്താൽ 402 കിലോമീറ്റർ വാഹനം സഞ്ചരിക്കും. ഒറ്റത്തവണ ചാർജ് ചെയ്താൽ 804 കിലോമീറ്റർ സഞ്ചരിക്കുന്ന ട്രക്കിന് അമ്പതുലക്ഷത്തിനു മുകളിലാണ് വില. 2021ലാണ് വാഹനത്തിന്റെ നിർമാണം ആരംഭിക്കുന്നത്. മുൻകൂർ ബുക്കിങ് ആരംഭിച്ചതായും എലൻ മസ്ക് വ്യക്തമാക്കി.

 

 

November 22, 2019, 19:40 pm

Advertisement