25 Saturday
January , 2020
4.24 PM
livenews logo
flash News
പൗരത്വ ഭേദ​ഗതി നിയമത്തിൽ പ്രതിഷേധിച്ച് സിപിഐഎം പ്രവർത്തകൻ സ്വയം തീക്കൊളുത്തി ജസ്റ്റിസ് ലോയയുടെ ദുരൂഹമരണം അന്വേഷിച്ച പൊലീസ് ഉദ്യോ​ഗസ്ഥൻ മരിച്ചു ഇസ്‌ലാമോഫോബിക് ആവാൻ ഭരണകൂടത്തിന് മടിയില്ലെങ്കിൽ അത് വിളിച്ചുപറയാൻ നമുക്കെന്തിനാണ് മടി; റാനിയ സുലൈഖ ഇസ്‍ലാമോഫോബിയ സർവ സാധാരണമാക്കാനുള്ള ശ്രമം നടക്കുന്നു; അരുന്ധതി റോയ് സ്ത്രീകൾ പൊതുരംഗത്ത്‌ കൂടുതൽ സജീവമാകണമെന്ന് ലതിക സുഭാഷ്‌ നിവിൻ ചിത്രത്തിന്റെ ഷൂട്ടിങ് ലൊക്കേഷനിൽ നിന്ന് പൊറോട്ടയും ചിക്കനും മോഷ്ടിച്ചു; വീഡിയോ പകർത്തിയയാൾക്ക് മർദനം മാധ്യമപ്രവർത്തകനെ ഭീഷണിപ്പെടുത്തിയതിന് സെൻകുമാറിനെതിരെ കേസ് ഖാസിം സുലൈമാനിയുടെ വധത്തിൽ ഇറാന്റെ തിരിച്ചടി: കൂടുതൽ യുഎസ് സൈനികർക്ക് പരിക്കേറ്റതായി അമേരിക്ക നോവൽ കൊറോണ വൈറസ് ബാധിച്ച് മരിച്ചവരുടെ എണ്ണം 26 ആയി; ആശുപത്രികൾ നിറഞ്ഞുകവിഞ്ഞു കേരളത്തിന്റെ പോരാട്ടങ്ങള്‍ക്ക് കരുത്തേകാന്‍ ആസാദെത്തുന്നു; ആദ്യം കോഴിക്കോട്

പുതിയ 'ഭൂമി' കണ്ടെത്തി: സന്തോഷവാര്‍ത്തയുമായി നാസ

August 02, 2019, 20:20 pm

വാസയോഗ്യമായ ഗ്രഹം തേടിയുള്ള ശാസ്ത്രലോകത്തിന്റെ ഗവേഷണം തുടങ്ങിയിട്ട് വര്‍ഷങ്ങളേറെയായി. ചന്ദ്രനില്‍ വെള്ളമുണ്ടോയെന്നത് ഉള്‍പ്പെടെയുള്ള ഗവേഷണം നടത്താനുള്ള ഇന്ത്യയുടെ സ്വപ്‌നദൗത്യമായ ചന്ദ്രയാന്‍ 2 വിജയകരമായി വിക്ഷേപിച്ചത് കഴിഞ്ഞദിവസമാണ്. ഇപ്പോഴിതാ നാസ വാസയോഗ്യമായ പുതിയ 'ഭൂമി' കണ്ടെത്തിയിരിക്കുന്നു എന്ന വാര്‍ത്തയും പുറത്തുവന്നിരിക്കുന്നു. 31 പ്രകാശവര്‍ഷം അകലെയാണ് സൂപ്പര്‍ എര്‍ത്ത് എന്നു പേരിട്ട ഈ ഗ്രഹം കണ്ടെത്തിയത്. ഭൂമിയുടെ ആറിരട്ടി വലിപ്പമാണ് സൂപ്പര്‍ എര്‍ത്തിനുള്ളത്.  

 

സൂപ്പര്‍ എര്‍ത്ത് കണ്ടെത്തിയത് അത്യധികം ആവേശകരമാണെന്ന് സൗരയൂഥത്തിനു പുറത്ത് മനുഷ്യവാസയോഗ്യമായ ഗ്രഹം കണ്ടെത്തുന്നതിനു ഗവേഷണം നടത്തുന്ന കാല്‍ സഗന്‍ ഇന്‍സ്റ്റിറ്റ്യൂട്ടിന്റെ(carl Sagan Institute) ഡയറക്ടര്‍ ലിസ കല്‍റ്റനെഗര്‍ പറയുന്നു.  

 


ജിജെ 357 ഡി എന്നാണ് നക്ഷത്രസമൂഹത്തിലെ ഈ കുള്ളന്‍ ഗ്രഹത്തിന്റെ ഔദ്യോഗിക നാമം. സൂപ്പര്‍ പ്ലാനറ്റിലെ അന്തരീക്ഷ താപനില മൈനസ് 53 ഡിഗ്രി സെല്‍ഷ്യസാണ്. ഇതിനാല്‍ തന്നെ ഇവിടെ ദ്രവരൂപത്തിലൂള്ള ജലസാന്നിധ്യമുണ്ടെന്നും നാസ പറയുന്നു. നാസയുടെ ട്രാന്‍സിറ്റിങ് എക്‌സോപ്ലാനറ്റ് സര്‍വേ സാറ്റലൈറ്റ്(ടെസ്) ആണ് സൂപ്പര്‍ പ്ലാനറ്റിനെ കണ്ടെത്തിയത്. 2018 ജൂലൈയിലാണ് ടെസ് നിരീക്ഷണം തുടങ്ങിയത്. ഇരുപതിലധികം ഗ്രഹങ്ങളാണ് ഇതിനകം ടെസ് കണ്ടെത്തിയത്. കൂടുതല്‍ കണ്ടെത്തലുകള്‍ വൈകാതെ ടെസ് നടത്തിയേക്കുമെന്നാണ് നാസ പറയുന്നത്.  

 

 

August 02, 2019, 20:20 pm

Advertisement