26 Wednesday
February , 2020
12.47 PM
livenews logo
flash News
ഡൽഹി കലാപം: ഫേസ്ബുക്ക് ലൈവിൽ കൊലവിളി മുഴക്കിയ ആർഎസ്എസുകാരനെ കേരള പോലിസ് അറസ്റ്റ് ചെയ്തു ഡൽഹിയിലെ സംഘപരിവാര കലാപത്തിൽ മരണസംഖ്യ കുതിച്ചുയരുന്നു; ഞായറാഴ്ച രാവിലെ വരെ കൊല്ലപ്പെട്ടത് 20 പേർ ഡൽഹിയിലെ സംഘപരിവാര കലാപത്തിൽ മരിച്ചവരുടെ എണ്ണം 18 ആയി; കൊല്ലപ്പെട്ടവരിൽ പിഞ്ചുകുഞ്ഞും ​ഗുജറാത്ത് മോഡൽ ഡൽഹിയിലെത്തി; ട്രംപിന്റെ സന്ദർശനവും ഡൽഹി കലാപവും ചേർത്തുവച്ച് ടെല​ഗ്രാഫിന്റെ മുൻപേജ് കലാപത്തിൽ പരിക്കേറ്റവർക്ക് ആശുപത്രിയിലെത്താനും അടിയന്തര ചികിൽസ നൽകാനും വഴിയൊരുക്കണമെന്ന് ഡൽഹി പോലിസിനോടു കോടതി മുന്‍ മന്ത്രിയും കോണ്‍ഗ്രസ് നേതാവുമായ അഡ്വ. പി. ശങ്കരന്‍ അന്തരിച്ചു വടക്കുകിഴക്കൻ ഡൽഹിയിൽ കലാപം തുടങ്ങിയത് ബിജെപി നേതാവ് കപിൽ മിശ്രയുടെ പ്രകോപന പ്രസം​ഗത്തിനു പിന്നാലെ ഡൽഹിയിലെ സംഘപരിവാര കലാപത്തിനിടെ മരിച്ചവരുടെ എണ്ണം 13 ആയി ഡൽഹിയിൽ സംഘപരിവാര കലാപത്തിൽ മരിച്ചവരുടെ എണ്ണം 11 ആയി; എഴുപതിലേറെ പേർക്ക് വെടിയേറ്റു ഡൽഹിയിൽ മുസ് ലിം പള്ളിയാക്രമിച്ച് കാവിക്കൊടി നാട്ടി സംഘപരിവാര ആക്രമണം

ഇംപീച്ച്മെന്റിനോട് സഹകരിക്കില്ലെന്ന് ട്രംപ്; പ്രതിപക്ഷത്തിന്റേത് പക്ഷപാത നടപടിയെന്ന് വാദം


ഇംപീച്ച്മെന്‍റ് നടപടികളുമായി ബന്ധപ്പെട്ട അന്വേഷണത്തോട് സഹകരിക്കില്ലെന്ന് യുഎസ് പ്രസിഡന്‍റ് ഡൊണാള്‍ഡ് ട്രംപ്. പ്രതിപക്ഷത്തിന്‍റെ നടപടി പക്ഷപാതപരവും ഭരണഘടനാ വിരുദ്ധവും തന്നെ മനഃപ്പൂര്‍വം വേട്ടയാടാനുമാണ് എന്നാണ് ട്രംപിന്റെ വാദം. ഇക്കാര്യം ചൂണ്ടിക്കാട്ടി ഡെമോക്രാറ്റിക് അംഗങ്ങള്‍ ഉൾപ്പെടുന്ന അന്വേഷണസമിതിക്ക് വൈറ്റ് ഹൗസ് കത്ത് നൽകി.

 

ഇംപീച്ച്മെന്റ് നടപടികളുമായി പ്രതിപക്ഷം മുന്നോട്ടുപോകുന്നത് 2020-ലെ പ്രസിഡന്റ് സ്ഥാനത്തേക്കുള്ള ട്രംപിന്റെ സ്ഥാനാര്‍ഥിത്വത്തിന് കടുത്ത വെല്ലുവിളിയായി മാറിയിരിക്കുകയാണ്. അതേസമയം, ട്രംപിനെതിരായ വാർത്ത പുറത്തുകൊണ്ടുവരികയും പരാതി നല്‍കുകയും ചെയ്ത വ്യക്തിയുടെ സുരക്ഷയും സ്വകാര്യതയും ഉറപ്പുവരുത്തുകയെന്നതാണ് മറ്റൊരു വെല്ലുവിളി.

 

രാഷ്ട്രീയ എതിരാളിയെ കുടുക്കാന്‍ വിദേശരാജ്യങ്ങളുടെ സഹായം തേടിയെന്ന ആരോപണത്തിലാണ് ട്രംപിനെതിരെ ഇംപീച്ച്മെന്റ് നീക്കം നടക്കുന്നത്. ഡെമോക്രാറ്റിക് പാര്‍ട്ടി നേതാവ് ജോ ബൈഡനും അദ്ദേഹത്തിന്റെ മകന്‍ ഹണ്ടര്‍ ബൈഡനുമെതിരേ അന്വേഷണം പ്രഖ്യാപിക്കാന്‍ ഉക്രൈന്‍ പ്രസിഡന്റ് വ്ലാഡിമിര്‍ സെലെന്‍സ്‌കിയോട് ആവശ്യപ്പെട്ടു എന്നാണ് ട്രംപിനെതിരെയുള്ള ആരോപണം. 

 

ന്യൂയോര്‍ക്ക് മുന്‍ മേയറും ട്രംപിന്റെ സ്വകാര്യ അഭിഭാഷകനുമായ റൂഡി ജിയൂലിയാനിയെ ഉപയോഗിച്ചും അദ്ദേഹം ഉക്രെയ്‌നോട് അന്വേഷണ സാധ്യതകളെക്കുറിച്ച് ആരാഞ്ഞിരുന്നു. ജിയൂലിയാനിയുമായി സഹകരിക്കണം എന്ന് ട്രംപ് സെലന്‍സ്‌കിയോടു എട്ടു തവണ ഫോണില്‍ ആവശ്യപ്പെട്ടെന്നാണ് വിസില്‍ബ്ലോവറുടെ വെളിപ്പെടുത്തൽ.

 

ട്രംപ് ഭരണഘടനാ വിരുദ്ധമായി പ്രവര്‍ത്തിച്ചെന്നും അദ്ദേഹത്തിനെതിരെ  ഇംപീച്ച്‌മെന്റ് നടപടികള്‍ ഔദ്യോഗികമായി ആരംഭിക്കുകയാണെന്നും ജനപ്രതിനിധിസഭാ സ്പീക്കറും ഡെമോക്രാറ്റിക് നേതാവുമായ നാന്‍സി പെലേസി നേരത്തേ പ്രഖ്യാപിച്ചിരുന്നു. ജോ ബൈഡനും മകന്‍ ഹണ്ടര്‍ ബൈഡനുമെതിരേ അന്വേഷണം പ്രഖ്യാപിച്ച് 'ഞങ്ങള്‍ക്കൊരു സഹായം' ചെയ്തു തരണമെന്ന് ട്രംപ് ഉക്രെയ്ന്‍ പ്രസിഡന്റിനോട് ആവശ്യപ്പെടുകയായിയിരുന്നു. 

 

അതിനു ശേഷം 'സംഭാഷണവുമായി ബന്ധപ്പെട്ട എല്ലാ പകര്‍പ്പുകളും രേഖകളും മറച്ചുവയ്ക്കാന്‍ വൈറ്റ് ഹൗസിലെ മുതിര്‍ന്ന ഉദ്യോഗസ്ഥര്‍ ഇടപെട്ടു' എന്നും വിസില്‍ബ്ലോവറുടെ പരാതിയില്‍ പറയുന്നു.

October 09, 2019, 14:35 pm

Advertisement