17 Tuesday
September , 2019
1.34 AM
livenews logo
flash News
സംവരണം: യോഗി ആദിത്യനാഥിന് തിരിച്ചടിയായി അലഹബാദ് ഹൈക്കോടതി വിധി കർണാടകയിൽ കന്നഡ മതി; അതിൽ വിട്ടുവീഴ്ചയില്ല; അമിത്ഷായുടെ ഹിന്ദി വാദം തള്ളി യെദ്യൂരപ്പ പ്രതികൾക്കെതിരെ കൊലക്കുറ്റം ചുമത്തിയില്ലെങ്കിൽ ജീവനൊടുക്കും; തബ്‌രീസ് അന്‍സാരിയുടെ ഭാര്യ പഴയത്ത് മന സുമേഷ് നമ്പൂതിരി ഗുരുവായൂര്‍ ക്ഷേത്രം മേല്‍ശാന്തി പഞ്ചറായ ടയര്‍ മാറ്റിയിടുന്നതിനിടെ ഡ്രൈവറും സഹായിക്കാനെത്തിയ ഡോക്ടറും ബസ് കയറി മരിച്ചു അസം ഒരു ഉദാഹരണമാണ്; യുപിയിലും പൗരത്വ പട്ടിക കൊണ്ടുവരുമെന്ന് ആദിത്യനാഥ് ഫാറൂഖ് അബ്ദുല്ല പൊതുസുരക്ഷാ നിയമ പ്രകാരം കസ്റ്റഡിയിൽ; നടപടി ഹേബിയസ് കോർപസ് പരി​ഗണിക്കാനിരിക്കെ കശ്മീരില്‍ സ്‌കൂളുകള്‍ അടഞ്ഞുതന്നെ; കുട്ടികളെ പഠിപ്പിക്കാന്‍ ബദല്‍മാര്‍ഗവുമായി അധികൃതര്‍ ആവശ്യമെങ്കിൽ ജമ്മു കശ്മീർ സന്ദർശിക്കും: സുപ്രീംകോടതി ചീഫ് ജസ്റ്റിസ് മാതൃഭാഷ ഹിന്ദിയായവർ വെറും 26% മാത്രം; ഏറ്റവുമധികം സംസാരിക്കുന്നത് ഹിന്ദിയല്ലെന്ന് സെൻസസ് കണക്കുകൾ

ശ്മശാനത്തിലേക്കു വഴി നിഷേധിച്ചു; ദലിതന്റെ മൃതദേഹം പാലത്തില്‍ നിന്നു കെട്ടിയിറക്കി

August 22, 2019, 15:45 pm

വെല്ലൂര്‍: ദലിതന്റെ മൃതദേഹം ശ്മശാനത്തിലേക്കു കൊണ്ടുപോവുന്നതിനു സവര്‍ണര്‍ വഴി നിഷേധിച്ചു. തുടര്‍ന്ന് ബന്ധുക്കള്‍ മൃതദേഹം പാലത്തില്‍ നിന്നു കെട്ടിയിറക്കി. തമിഴ്‌നാട്ടിലെ വെല്ലൂരിലാണ് സംഭവം. സ്വകാര്യ വ്യക്തികളുടെ വസ്തുവിലൂടെയാണ് ശ്മശാനത്തിലേക്ക് പോവേണ്ടിയിരുന്നത്. എന്നാല്‍ മൃതദേഹവുമായി പോവുന്നതിന് വസ്തുവിന്റെ ഉടമകളായ സവര്‍ണജാതിക്കാര്‍ അനുവാദം നല്‍കിയില്ല.

 

പത്തുവര്‍ഷം മുമ്പാണ് സവര്‍ണജാതിക്കാര്‍ വസ്തുവേലിക്കെട്ടി തിരിച്ചതെന്നു മരിച്ചയാളുടെ മരുമകനായ വിജയ് പറയുന്നു. പാലത്തില്‍ നിന്ന് താഴേക്ക് നടകള്‍ ഉണ്ടെങ്കിലും മൃതദേഹം അതുവഴി കൊണ്ടുവരാന്‍ കഴിയില്ല. ശ്മശാനത്തിലേക്ക് വഴിയോ അല്ലെങ്കില്‍ മറ്റെവിടെയെങ്കിലും ശ്മശാനം അനുവദിക്കുകയോ വേണമെന്നും വിജയ് കൂട്ടിച്ചേര്‍ത്തു.

 

അമ്പതോളം ദലിത് കുടുംബങ്ങളാണ് ഇവിടെ കഴിയുന്നത്. ഇവിടെ മരിക്കുന്നവരുടെ മൃതദേഹങ്ങളെല്ലാം പലയിടങ്ങളിലാണ് സംസ്‌കരിക്കുന്നത്. കഴിഞ്ഞ ദിവസം അപകടത്തില്‍ മരിച്ച കുപ്പന്റെ(65)മൃതദേഹമാണ് ഇപ്പോള്‍ പാലത്തില്‍ നിന്ന് കെട്ടിയിറക്കി ശ്മശാനത്തിലേക്കു കൊണ്ടുപോയത്.

 

എന്നാല്‍ ഇത്തരമൊരു പ്രശ്‌നം ഇതുവരെ ദലിത് കുടുംബങ്ങള്‍ ചൂണ്ടിക്കാട്ടിയിട്ടില്ലെന്നും ശ്മശാനത്തിലേക്ക് പോവാന്‍ രണ്ടു വ്യക്തികളുടെ വസ്തുവിലൂടെയാണ് വഴി അനുവദിക്കേണ്ടതെന്നും ദലിത് കുടുംബങ്ങള്‍ ഇവരോട് അനുവാദം ചോദിച്ചിട്ടില്ലെന്നും പറയുന്നു.

 

പുഴയോരത്തുള്ള ശ്മശാനം അനധികൃതമാണെന്ന് ജില്ലാ കലക്ടര്‍ എ ഷണ്‍മുഖ സുന്ദരം പ്രതികരിച്ചു. ബദല്‍ സൗകര്യം ഏര്‍പ്പെടുത്തിക്കൊടുക്കുമെന്നും അദ്ദേഹം വ്യക്തമാക്കി. സംഭവത്തില്‍ തിരുപട്ടൂര്‍ താലൂക്കിലെ സബ് കലക്ടര്‍ ബി പ്രിയങ്ക അന്വേഷണത്തിന് ഉത്തരവിട്ടിട്ടുണ്ട്.

 

August 22, 2019, 15:45 pm