24 Friday
January , 2020
8.25 AM
livenews logo
flash News
പുലരാനിരിക്കുന്നത് നീതിപീഠങ്ങളുടെ ബധിര കർണങ്ങളിൽ ഇടിനാദം മുഴങ്ങുന്ന പ്രഭാതങ്ങൾ പൗരത്വ പ്രക്ഷോഭത്തിനിടെ ബിജെപിക്ക് തിരിച്ചടി; ​ഗുജറാത്ത് എംഎൽഎ രാജിവച്ചു റോഹിങ്ക്യൻ വംശഹത്യക്കെതിരെ നടപടിയെടുക്കണം; മ്യാൻമറിനോട് അന്താരാഷ്ട്ര നീതിന്യായ കോടതി ജിപിഎസിനു പകരക്കാരനെയും കൊണ്ട് ഐഎസ്ആർഒ; വൈകാതെ ഫോണുകളിൽ ലഭ്യമാവും വുഹാൻ വൈറസ് ബാധ: സൗദിയിൽ 30 മലയാളി നഴ്സുമാർ നിരീക്ഷണത്തിൽ ജംബോ പട്ടികയിൽ എന്നെ പരി​ഗണിക്കേണ്ട; പൊട്ടിത്തെറിച്ച് വി ഡി സതീശൻ പൗരത്വനിയമത്തെ അനുകൂലിച്ച പരിപാടിക്കെതിരെ പ്രതിഷേധിച്ച യുവതിയെ അറസ്റ്റ് ചെയ്ത് പൊലീസ് ആസാദി മുഴക്കിയാൽ രാജ്യ​ദ്രോഹത്തിനു കേസെടുക്കുമെന്ന യുപി മുഖ്യമന്ത്രിയുടെ പ്രസ്താവനയ്ക്കെതിരേ ഫേസ്ബുക്ക് പേജിൽ പൊങ്കാല പ്രതി പിടിക്കപ്പെടുംമുമ്പ് ഭീകരൻ; ശേഷം വെറും യുവാവ്: ജന്മഭൂമിയുടെ ഭീകര നിലപാട് ചീറ്റി യാത്രാമധ്യേ എൻജിൻ തകരാറിലായി; ഇൻഡി​ഗോ വിമാനം മുംബൈയിൽ എമർജൻസി ലാന്റിങ് നടത്തി

പൗരത്വനിയമത്തെ ന്യായീകരിക്കാനെത്തിയ ബിജെപിക്കെതിരെ കളകളടച്ചും വീട്ടിലിരുന്നും പ്രതിഷേധിച്ച് വളഞ്ഞവഴിക്കാര്‍

January 11, 2020, 21:06 pm

ജനതയെ മതാടിസ്ഥാനത്തിൽ വിഭജിക്കാനായി മോദി സർക്കാർ പാസ്സാക്കിയ പൗരത്വ ഭേ​ദ​ഗതി നിയമത്തെ ന്യായീകരിക്കാൻ എത്തിയ ബിജെപിക്കാർക്ക് അപ്രതീക്ഷിത തിരിച്ചടി നൽകി ഒരു പ്രദേശം. ആലപ്പുഴ അമ്പലപ്പുഴ വടക്ക് പഞ്ചായത്തിലെ വളഞ്ഞവഴി നിവാസികളാണ് പട്ടാപ്പകൽ ബിജെപിക്ക് ഒരിക്കലും പ്രതീക്ഷിക്കാത്ത ഇരുട്ടടി നൽകിയത്. 

 

ഇന്ന് വൈകീട്ട് നാലരയ്ക്കായിരുന്നു പരിപാടി. വളഞ്ഞവഴിയിൽ പൗരത്വനിയമം വിശദീകരിക്കാൻ സംസ്ഥാന ജനറൽ സെക്രട്ടറി എം ടി രമേശിനെ പങ്കെടുപ്പിച്ച് ബിജെപി സമ്മേളനം സംഘടിപ്പിച്ചു. എന്നാൽ എല്ലാ നാട്ടുകാരും കടകളച്ചും ജങ്ഷനിൽ നിന്ന് വിട്ടുനിന്നുമാണ് ബിജെപിയേയും എം ടി രമേശിനേയും വരവേറ്റത്. ഏകദേശം 200ഓളം കടകളാണ് വളഞ്ഞവഴിയിലുള്ളത്.

എല്ലാ കടകളും അടച്ചതു കൂടാതെ, എമ്പതോളം വരുന്ന ഓട്ടോ- ടാക്സി ഡ്രൈവർമാർ വാഹനത്തിൽ നിരത്തിലിറക്കിയില്ല. സന്ധ്യയായതോടെ കടകളിലൊന്നും ലൈറ്റില്ലാതായതോടെ പ്രദേശമാകെ ഇരുട്ടിലായി. ഇതോടെ പുറത്തുനിന്ന് വെളിച്ചമെത്തിച്ചാണ് ബിജെപി പരിപാടി നടത്തിയത്. നാട്ടുകാർ ആരും സഹകരിക്കാതിരുന്നതോടെ ന്യായീകരിക്കാൻ എത്തിയ ബിജെപി നേതാക്കളും പ്രവർത്തകരും നാണം കെട്ട് മടങ്ങുകയായിരുന്നു. 

ഇന്നലെയും ഇന്നു രാവിലെയുമായി വളഞ്ഞവഴി കൂട്ടായ്മയുടെ നേതൃത്വത്തിൽ ബിജെപി ന്യായീകരണ സമ്മേളനത്തിനെതിരെ വീടുകൾ കയറിയിറങ്ങി നോട്ടീസ് വിതരണം നടത്തിയിരുന്നു. ഇതിനോട് പൂർണമായും സഹകരിച്ച് ബിജെപിക്ക് ശക്തമായ തിരിച്ചടി നൽകുകയായിരുന്നു നാട്ടുകാർ.

രാജ്യമൊട്ടാകെ പൗരത്വ നിയമത്തിനെതിരെ പ്രതിഷേധം ശക്തമാവുകയും തെരുവുകൾ മുദ്രാവാക്യങ്ങളാൽ മുഖരിതമാവുകയും ചെയ്തതോടെ, ​ഗത്യന്തരമില്ലാതെ ബിജെപി ന്യായീകരണ ക്യാംപയിനുമായി രം​ഗത്തെത്തുകയായിരുന്നു. വീടുകൾ കയറി ലഘുലേഖകൾ വിതരണം ചെയ്തും പൊതുസമ്മേളനം സംഘടിപ്പിച്ചും മിസ്ഡ്കോൾ ക്യാംപയിൻ സംഘടിപ്പിച്ചുമൊക്കെ പതിനെട്ടടവും പയറ്റവെയാണ് വളഞ്ഞവഴി നിവാസികളിൽ നിന്നുമുണ്ടായ ഇത്തരമൊരു ​ഗംഭീര തിരിച്ചടി. 

ഡൽഹിയിലെ ലജ്പത് ന​ഗറിലെ ഒരു കോളനിയിൽ ​ഗൃഹസമ്പർക്കത്തിനെത്തിയ അമിത്ഷായെ മലയാളിയടക്കമുള്ള രണ്ട് പെൺകുട്ടികൾ ​ഗോബാക്ക് വിളിച്ച് തിരിച്ചോടിച്ചത് ബിജെപിക്ക് കുറച്ചൊന്നുമല്ല ക്ഷീണമുണ്ടാക്കിയത്. കേരളത്തിലും ​ഗൃഹസമ്പർക്കത്തിനിടെ പല പ്രമുഖരിൽ നിന്നുപോലും ബിജെപിക്ക് വിമർശനം ഏൽക്കേണ്ടിവന്നിരുന്നു. 

 

സാഹിത്യകാരൻ ജോർജ് ഓണക്കൂർ തന്റെ വീട്ടിലെത്തിയ കേന്ദ്രമന്ത്രി കിരൺ റിജിജുവിനെ നേരിട്ട് എതിർപ്പറിയിച്ചതും ബിജെപിക്ക് തിരിച്ചടിയായിരുന്നു. ഇതിനുപിന്നാലെ ഇപ്പോൾ വളഞ്ഞവഴിക്കാരുടെ വ്യത്യസ്ത പ്രതിഷേധത്തിന് വൻ കൈയടിയാണ് ലഭിക്കുന്നത്. 

January 11, 2020, 21:06 pm

Advertisement